İ Ç İ n d e k I l e r t a r I h

Onikinci Madde: Meşâyih ve dervişân taraflarından tekyelerine 

müte‘allik hususâtdan dolayı müsted‘ayât vukû‘ bulduğu ve müsted‘ayât-ı 

vâkı‘anın halli resmen Meclis-i Meşâyih’e havâle olunduğu takdirde bi'r-ru’ye 

karârı bâ-müzekkire makâm-ı celîl-i Meşîhat’e arz olunacakdır. 

Fakat tarafeynden biri meclisin karârına râzı olmadığı sûretde icâb eden 

mahalle havâle olunmak üzere keyfiyyet kezâlik makâm-ı celîl-i müşarûn-

ileyhâya ifade edilecekdir 

Onüçün cü M a dde:  Dersaâdet ve Bilâd-ı Selâsede kain tekâyâ ve 

zevâyâda hilâf-ı şerîat ve muhill-i âdâb-ı tarîkat bir gûna ahvâl ü harekât vuku‘ 

bulduğu bi't-tahkîk tebeyyün eylediği sûretde derecesine göre ber-vech-i âti 

muâmele icrâ edilecekdir. Evvelâ o tekyenin şeyhi meclise celb ile ba‘dema o 

misillû muâmelede bulunmaması kendisine ekîden ve şedîden tenbîh ve ihtâr 

olunacak. Sâniyen edilen ihtarı kabul etmeyip ahvâl-i sâbıkasına devâm eyle-

diği anlaşıldığı sûretde meclisden bâ-müzekkire vuku‘ bulacak arz u ifâde üze-

rine makâm-ı âlî-i Meşîhatpenâhî’den bir kıt‘a tevbîh-nâme tastîr buyurulacak. 

Sâlisen ber-mûceb-i tevbîhnâme-i âlî hareket etmediği hâlde bizzat mukâbele-i 

şerîfe icrâsından men‘ ile müddet-i muayyene zarfında vazîfesi meşâyihdan 

münâsibi tarafından îfâ ettirilecekdir. 

Ber-minvâl-i muharrer icrâ olunacak muâmele üzerine ıslâh-ı nefs eyle-

mediği hâlde meşîhat ciheti uhdesinden ref‘ edilerek beşinci madde mûcebince 

âhar münasibine verilecekdir. 

---

T ü r k   K ü l t ü r ü  İ ncelemel eri  D ergisi 

 

67 

Ve eğer şer-i şerife ve âdâb-ı tarîka muhill ahvâl ü harekâtda bulunan hu-

lefâ ve dervişândan olur ise bi'l-celb meclis ma‘rifetiyle evvelâ tenbîhât-ı lâzime 

icrâ ve tekerrürü hâlinde tâc u hırkası alınarak ziyy-i sûfiyyeden bi'l-ihrâc 

mukîm olduğu dergâhdan tard u ref‘ edilecekdir. 

Ondördüncü M a dde: Dersaâdet ve taşrada bulunan bi'l-umûm tarîkat-ı 

aliyye-i Mevleviyye meşîhatleri tekâyâ-yı sâire meşîhatleri gibi bâ-berât tevcîh 

olunur cihetlerden olmayıp mine'l-kadîm Çelebi efendilerin meşîhat-nâmele-

riyle tevcîh olunagelmekde ve sâir umûr u husûsları dahî müşârun-ileyh efen-

dilere ihâleten rü’yet u tesviye olunmakda olub fakat tarîkat-ı mezkûre der-

vişânının şahıslarına âid bazı mevâd hasbe'l-iktizâ vuku'u bulan istidaları üze-

rine meclise havale buyurulduğu takdirde meclisce işleri ba‘de'l-müzâkere îcâbı 

ve te'dibleri iktizâ eylediği halde şeyhlerine havâlesi makâm-ı celîl-i Meşîhat’e 

arz olunacakdır. 

Onbeş inci M a dde: Bir tekyenin şeyhi bilâ-veled-i zükûr vefat edip yeri 

münhal oldukda mezkûr tekyede evvelâ kangı tarîk âyini icrâ kılınmış ise yine 

o tarîkin icrâ-yı âyinine mürâ‘ât olunacağı gibi meşrûtiyet vechile tasarruf olu-

nan cihetlerde şart-ı vâkıf ve te‘âmül-i kadîm ne vechile ise ol vechile muâmele 

olunacakdır. 

Onaltıncı Madde: Meclis-i Meşâyih’in teşkîlinden maksad turuk-i aliy-

yenin  şeref-i asliyyesine lâyık olan hüsn-i sülûkun devâm u terakkîsi ve aksi 

hâlâtın men‘ u ıslâhı kaziyyesi olub binâberin bi'l-istisnâ bilcümle tekâyâ ve 

zevâyâda âdâb-ı  şeriat ve tarikatca muhtac-ı  ıslah  şeyler görüldüğü halde 

mütâlaa-i îcâbâtı meclisin re'yine muhavvel bulunduğundan bu makûle ıslâhât 

ve terakkiyâtın müzâkere ve arz u inhâsıyla beraber turuk-i aliyyeye dâir bazı 

mühim maddeler zuhûr eder ise müzâkeresinde bulunmak üzere eşrâf-ı 

meşâyihdan bazı zevâtın celbine meclis me’zûn bulunacakdır. 

Onyedinci M a dde: Meşîhâti bulunmayan cevâmi ve mesâcid-i şerîfe ile 

türbe ve hânelerde âyin-i tarikat-ı aliyye icrâ olunmayacak ve bu gibi mahal-

lerde âyin-i tarîkat-ı aliyye icra edildiği tahakkuk ettiği halde men‘ edilecekdir.