I. Kirish. II. Asosiy qism

2.2. 4-sinf o`qish darsligidashe’riy asarlarni o’rganish yo’llari.
4-sinf “O`qish kitobi” darsligidan o`zbek shoirlarining har xil mavzudagi she`rlari salmoqli o`rin egallagan. Jumladan, “Istiqlolim-istiqbolim” bo`limida Abdullar Oripovning “Iqboli buyuksan”, “O`zbekiston-vatanim manim” bo`limida Zafar Diyorning “Serquyosh o`lka”, Abdulla Oripovning “Dehqonbobo va o`n uch bolakay qissasi”, M.A`zamovning “Mardlik va aql yorug`lik”,” Oltin kuz” bo`limida Sulaymon Rahmonning “Dehqon”, ”Kumush qish” bo`limida Qudrat Hikmatning “Qish to`zg`itar momiq par”, ”Nima yaxshi-yu nima yomon” bo`limida Muhammad Rahmonning “It-mushuk o`yini”, ”Kimning xati chiroyli”, G`afur G`ulomning “Ola buzoq”, Anvar Obidjonning “Jo`ja”, ”Zumrad bahor” bo`limida Qudrat Hikmatning “Bahor”, Habib Rahmatning “Jala darakchisi”, Mirtemirning “Tut”, ”Yashasin tinchlik, bor bo`lsin do`stlik” bo`limida Shukur Sa’dullaning “Tinchlik qushi haqida men o`qigan she`r”, U.Abduazimovaning “Tinchlik nima”, “Ajdodlarimiz-faxrimiz” bo`limida T.Adashboyevning “Navoiy bobomlar”, “Yoz o`tadi soz” bo`limida Sh.Sa`dullaning “Yoz”, Qambar O`tayevning “Non qayerdan keladi?”, Zafar Diyorning “Suv bilan suhbat” she`rlari berilgan.
Ma`lumki, she`r ohang jihatdan ma`lum bir tartibga solingan, his-tuyg`u ifodasi sifatida vujudga kelgan hayajonli ritmik nutqdir. She`riy nutqni ohang jihatdan ma`lum bir tartibga solish vositalari ritm(bir-biriga monand kichik bo`laklarni izchil va bir me`yorda takrorlanib kelishi) va qofiya (misralarning oxirida keldigan ohangdosh so`zlar) hisoblanadi.
She`rni o`qiganda kichik yoshdagi o`quvchilar tabiat va jamiyat voqea-hodisalarining poetic tasviridan hayajonlanishlari muhim ahamiyatga ega.
Boshlang`ich sinflarda she`r tarzda yozilgan hikoyalar, ertaklar, ya`ni she`riy asarlar va lirik she`rlar o`qitiladi.
4- sinfda o`qitiladigan lirik she`rlarning tarbiyaviy ahamiyati katta. Ular o`q1uvchilarning his-tuyg`usiga kuchli ta`sir qiladi, estetik didini tarbiyalaydi, ularda vatanparvarlik, vatanga intilish vago`zallikka muhabbat hislarini uyg`otadi. Lirik she`rlar ifodali o`qish orqaliginatinglovchi qalbiga to`liq borib yetadi.
Odatda, lrik she`rlarda shoirning ichki kechinmalari bilan birga tabiat ko`rinishi ham ifoda etiladi, shuning uchun she`rdagi peysaj tasvirini o`rganish ham alohida ahamiyatga egadir. Bundan maqsad tabiatdagi turli fasllar ko`rinishini inson qalbiga ta`sir etishini, Vatan tabiati va uning go`zalligidan ilhomlangan shoirning fikri va hissiyotini o`quvchilarga yetkazish hamda ularda emotsional kayfiyat uyg`otishdan iboratdir. Buning uchun o`rganiladigan asar mazmuniga qarab quyidagi metodik usullardan foydalanish mumkin:

1. 
   Tabiat quchog`iga ekskursiya.
   
2. 
   Rasm, kartinalarni namoyish etish.
   
3. 
   Texnika vositalaridan foydalanish
   
4. 
   Ifodali o`qish .
   
5. 
   Suhbat va boshqalar.
   

4-sinfda lirik she`rlar mazkur metodik usullar asosida o`rganilsa, lirik qahramonning kechinmasi, ruhiy kayfiyati o`quvchini hayajonlantiradi, chunki shoirning fikr tushunchasi, hissiyoti, hayajoni, ovozi she`riy nutq ritmikasidan ifodali o`qish orqali jaranglab sado berib turadi.
Ekskursiya lirik she`rlarda ifoda etilgan peyzaj tasvirini puxta o`rganishga katta yordam beradi. Ekskursiya o`quvchilarniVatan tabiatini kuzatishga , vatanimizning rang-barang go`zalligini idrok etishga o`rgatadi. Kuz faslining ko`rkam latofati, uning tillarang manzarasi, qishning sexrgar xususiyati, orombaxsh bahorning go`zalligi, yoqimli shabadasi, yozning ajoyib husn jamoli, bog-rog`lari daryo va jilg`alari o`rtoqlari ularning hammasi ekskursiya orqali idrok etiladi. Ammo shuni unutmaslik kerakki, tabiat manzarasi kishilarni va ularning mehnati bilan birga kuzatiladi va ularga alohida e`tabor beriladi. Bunday ekskursiya o`quvchilarda Vatan tabiatiga qizg`in muhabbat uyg`otadi, uni yanada yashnatishga intilish paydo qiladi. Tabiat bilan ana shunday yaqindan amaliy aloqa bog`lash o`quvchilar tasavvurini boyitadi, ifodali o`qish mashg`ulotlarining jonli o`tishi uchun yordam beradi. Xullas, lirik asarlardagi peyzaj tasviri qanchalik puxta, atroflicha analiz etilsa, bolalar ham uni shunchalik ta`sirchanlik bilan ifodali o`qiydilar. O`qituvchi analizni tamomlagandan so`ng, lirik she`rni yana bir martgina ifodali o`qib beradi. Shunday mashg`ulot o`tkazgan vaqtdagina lirik she`rni ideyasi, badiiy xususiyatlari o`quvchilarga tushunarli bo`ladi.
4-sinf “O`qish va nutq o`stirish” dasturiga o`quvchilar Hamid Olimjon, Uyg`un, Zafar Diyor, A. Oripov, Qudrat Hikmat, T. Adashboyev kabi ko`plab yetuk shoirlarning qator lirik she`rlari o`rganiladi. Bunday she`rlar o`zining g`oyaviy-siyosiy va badiiy estetik yuksakligi bilan alohida ajralib turadi. Ularda Vatanimizning zavqiy va jozibador tabiati, husnkor fasllari, ko`rkam dalasi, qir-adirlari, bog`lari, tog` va daryolari, sharbat to`la mevalari ana shu ajoyib vatan tabiati quchog`idaerkin, quvnoq va baztiyor yashab ijodiy mehnat bilan tanishtirishda ular ongida kommunistik g`oyalar paydo qilishda muhim rol o`ynaydi.
Demak, lirik she`rlar o`ynoqi, jarangdor, sermazmun, kishining his-tuyg`ulariga ta`sir etadi.
4-sinf “O`qish va nutq o`stirish” dasturiga muvofiq Qudrat Hikmatning “Qish to`zg`itar momiq par” she`rini o`rganish uchun 1 soat vaqt ajratilgan. Mana shu 45 minut vaqtdan unumli foydalanilmasa, mazkur she`rning mazmunini o`quvchilarga yetkazish qiyin. Odatda, 4-sinf “O`qish kitobi” ga kiritilgan lirik she`rlar yil fasllari bilan bog`lab o`tiladi. Ikkinchi tomondan, mavzuiy tamoyilga ham amal qilinadi. Shuning uchun Qudrat Hikmatning “Qish to`zg`itar momiq par” she`rini qish fasli bilan bog`lab o`rganish maqsadga muofiqdir. 4-sinf materiallarini rejalashtirilganda ana shu masalaga jiddiy e`tibor berilishi kerak.
Qudrat Hikmatning “Qish to`zg`itar momiq par” she`ri o`quvchilarni ona- vatan tabiati bilan tanishtiradi va ularning estetik zavqini o`stirishga xizmat qiladi. Mazkur she`rda bolalarning quvnoq hayoti bilan qish manzarasi o`zaro bog`liq holda tasvirlanadi. She`rni o`qigan yoshlarning vatanga muhabbat tuyg`usi estetikasi rivojlanadi. Ularning tabiatning go`zal manzarasidan behad zavqlanadilar. She`rning ana shu muhim ta`lim-tarbiyaviy ahamiyatini ochishda o`qituvchning metodik mahorati katta rol o`ynaydi.
“Qish to`zg`itar momiq par” she`rini o`rganish uchun qish faslida tabiatga ekskursiya, kirish suhbati, o`qituvchining ifodali o`qishi, analiz va mavzu yuzasidn suhbat, o`quvchilarning she`rni ifodali o`qishlar, yakuniy suhbat va yakuniy ifodali o`qishdan iborat qator metodik usullar qo`llanadi.
Sinfda she`rni o`rganishga qadar tabiatga ekskursiya uyushtirish lozim. Bu vaqtda o`quvchilar yanvar oyligidagi qish manzaralarini zavq bilan kuzatadilar . Ekskursiyada qish manzarasiga oid xalq maqollari va topishmoqlaridan ham foydalanish mumkin. Masalan:
Yoz yopinchog’ingni qo`yma,
Qishda o`zing bilasan. (Maqol)
Sayohat- tanga rohat. (Maqol)
Odamni po`stin emas, ish qizdiradi. (Maqol)
Oyog’i yo`q, qo`li yo`q, yo`lda turib yo`l boshlar. (Shamol)
Yozda kiyinadi, qishda yechinadi. (Daraxt)
Besh barmog’i bor, tirnog’i yo`q (Qo`lqop)
O`tda yonmaydi, suvda cho`kmaydi. (Muz)
Bunday xalq maqollari va topishmoqlaridan o`rinli foydalanish o`quvchilarning fikrlash qobiliyatini va kuzatuvchanligini o`stiradi.
Kirish suhbatida qish manzarasiga,tabiatga qilingan ekskursiya taassurotlari asos qilib olinadi. She’rni o`rganishda o`quvchilarning diqqati ular ko`rgan ,sezgan ,his etgan narsalarga jalb etiladi. Shundan so`ng o`qituvchi she`rni ifogdali o`qib beradi bu paytda o`quvchilar kitoblarini yopib qo`yib,she`rni diqqat bilan tinglaydilar.
O`qituvchi she`rni ifodali o`qish uchun oldindan tayyorgarlik ko`radi.
Buning uchun u she`rning vazni,qofiyalari,turog`i,urg`u va ohangi,pauza va tempini aniqlaydi.
Ifodali o`qish vazifalarini belgilab chiqadi. Masalan:
Savab bulut to`shagin,
Qish to`zg`itar momiq par,
Yerga serbar oq namat
Yozilganday yaltirar.

Bunda o`qish tempi o`rtacha. Asosiy vazifa vatanimiz tabiatiga o`quvchilarning havasini uyg`otish,undan zavqlanish hislari paydo qilishdir.

“Qish to`zg`itar momiq par” she`ri 7 bo`g`inli barmoq vaznida yozilgan, turog`i 4+3 shaklida, ikkinchi va to`rtinchi, oltinchi va sakkizinchi va hokazo misralari o`zaro qofiyadosh. O`qituvchi she`rning ana shu tomonlarini aniqlab chiqqandan so`ng, uning texnik belgilarini qo`yib chiqadi.
Pirpiratib ko`zini/
Avtobuslar o`tadi/
Qahraton qish hovruni/
Mo`rkon kabi yutadi/

She`rni tahlil qilish orqali o`quvchilarning g`oyaviy badiiy tomondan chuqurroq tushunib oladilar. Sher mazmuni yuzasidan qilinadigan suhbatning borishi 5-10 minutdan oshmasligi, qo`llaniladigan usullar o`quvchilarning faolligini oshirishga qaratilishi kerak. She`rning g`oyaviy mazmuni vatanimiz tabiatining go`zalligini tasvirlashdan iboratdir. She`rning tili sodda, shirador, o`xshatish sifatlash jonlantirishlarga boy, o`ynoqi va ritmik jarangdor.

O`qituvchi she’rning bir bandini doskaga yozib, uni qanday o`qish yo`llarini, ovozning o`rtacha balandligkda bo`lishni ta`kidlaydi va zarur ko`rsatmalar beradi:
Qorga deyman:-namuncha
Zeriktirding uchqunlab?
Yog`masdin-ku ilgari
Surunkasi uch kunlab.
Yetti bandli bu she`r o`rtacha tempda, sanash ohangi bilan o`quvchilarga bir balandda o`qitilsa, qisqa vaqt ichida o`quvchi uni ifodali o`qishga ulguradi. Bu usul o`quvchilardagi ba`zi xatolarni aniqlashga yordam beradi.
She`rlarni o`qish darslarida she`rlarni yakuniy ifodali o`qishga yakuniy suhbatda alohida diqqat qilinishi kerak.
Shukur Sa`dullaning “Kuz she`ri” 14 misradan iborat. Unda kuz tabiatiga doir belgilar tilga olinadi.
Kuz “oltin” so`zi bilan sifatlanadi. Bunday go`zal faslni o`rganish uchun o`quvchilarni mevazor bog`larga, qovun-polizlarga, paxtazor dalalarga, bug`doyzor, sholi, jo`hori dalalariga ekskursiyaga borish, so`ngra ekskursiyadan olgan tasaurrotlari haqida o`quvchilar bilan suhbat o`tkazish yoki mevazor bog`lar, paxtazor dalalarning rasmlari solingan materiallar bilan tanishtirib, shu rasmlar yuzasidan suhbat o`tkazish lozim. Keyin “Kuz she`rini” ifodali o`qishda o`qituvchi quyidagilarga e`tibor beriladi: Birinchi bayt(ikki misra) rivoya shaklida shoshilmasdan, asta-sekin; Ikkinchi, uchinchi va to`rtinchi ohangi ko`tarinki ruhda, o`rtacha surat bilan mantiqiy urg`ularga, pauza(to`xtam) larga alohida diqqat qilib o`qiladi. Masalan:
G`ir-g`ir shamol yeladi
Buni hamma biladi
O`giradi yelga yuz:

• 
  Marhamat! Kel, oltin kuz!
  

Maktab borar qiz-o`g`il
Qo`lda kitob hamda gul.
She`r shu tarzda ko`tarinki kayfiyat bilan ifodali o`qiladi. She`r misralarni ifodali o`qish orqali o`quvchilarning ko`z o`ngida kuz manzaralari gavdalanadi, ular kuzning go`zalligini his etadilar.
Xulosa qilib aytganda, 4-sinfda she`rlarni o`rganishda shunga erishish kerakki, she`r yosh avlodni barkamol inson qilib, tarbiyalashda his-tuyg`ularga kuchli ta`sir qiladigan ularni ma`naviy jihatdan yuksaltiradigan vosita bo`la olsin.

Boshlang`ich sinflarda she’rni o`qiganda kichik yoshdagi o`quvchilar tabiat va jamiyat voqea hodisalarni poetik tasviridan hayajonlanishlari muhim ahamiyatga ega. Boshlang`ich sinflarda she’r tarzida yozilgan hikoyalar, ya`ni she’riy hikoyalar o`qitiladi.

She’riy hikoyada (epik she`rlarda) syujet yangi voqealar sistemasi va uning rivoji xarakterlidir.
4-sinfning “O`qish va nutq o`stirish” dasturidan Abdulla Oripovning “Dehqonbobo va o`n uch bolakay qissasi” va “Sharq hikoyasi”, Munavvar Qori Abdurashidxonovning “Har kim ekkanin o`rar”, Anvar Obidjonning “Bo`rining tabib bo`lgani haqida ertak”, Shukur Sa`dullaning “Laqma it”, H.H.Niyoziyning “Rostgo`y bola ” va shu kabi bir qancha epik she`rlari ya`ni sheriy hikoyalari berilgan. Bunday epik she`rlarni o`qitish orqali o`quvchilar she`riy asarda tasvirlangan real hayot manzarasi, ulug` kishilar xarakteri ko`tarinki ruhda tasvirlanishi va yozuvchining shaxsiy tuyg`ulari bilan tanishtiriladi.
She`riy hikoyalarni o`qish darslarida o`quvchi she`rning asosiy (g`oyaviy) mazmunini tushunshagina uni ifodali o`qiy oladi. Shuning uchun epik she`rlarni tahlil qilib uning mazmunini o`quvchilarga tushuntirish lozim.
O`quvchilar epik she`rlarni o`qir ekanlar undagi har bir so`z har bir iboraning ma`nosini matnning ma`lum bir qismini yoki butunmatnda ifodalangan fikr mazmunini aniq bilib va to`g`ri xulosalar chiqara olishlari kerak. Buning uchun mazmuni o`quvchuilar uchun tuyulgan so`z ibora tasvirlar ustida izoh beriladi, qisqa-qisqa suhbatlar o`tkazadi, qayat-qayta o`qitadi, matnda ifodalangan asosiy mazmunni yoritishda qanday? Nimaga? Nima uchun? Necha? kabi so`roqlar beradi.
O`qiladigan she`r tahlili o`qish darsining eng asosiy, muhim qismidir. Chunki she`r ustida olib boriladigan o`quvchining bilimini kengaytiradi, ongli, to`g`ri, tez va ifodali o`qish malakasini oshiradi, badiiy adabiyotga havasni kengaytiradi, nutqni boyitadi.
O`qituvchi boshlang`ich sinflarda epik she`rlarni tahlilini quyidagicha olib borishi mumkin:

1. 
   Epik she’r tahliliga tayyorlanish. Buning uchun darsgacha she`rni o`qib uning mavzusi, mundarijasi, g`oyaviy mazmuni bilan chuqur tanishib chiqish.
   
2. 
   She’rlarning mavzusi, mundarijasi haqida o`quvchilarga qisqacha ma`lumot berish.
   
3. 
   She’rning bir qismini ifodali o`qib ko`rsatish.
   
4. 
   She’rda ifodalangan go`yaviy mazmunini, tasvirlangan obrazlarning dunyoqarashi, xarakterini ko`rsatma materiallar faktlar bilan yoritib boorish.
   
5. 
   She’rda ishlatilgan so`z iboralarning fikr bayon etishdagi ahamiyatini qanday o`rinlarda va nima uchun ishlatayotganini tushuntira borish.
   
6. 
   She’r mazmuni ustida mustaqil fikr yuritish, xulosalar chiqarishga o`quvchilarni jalb qilish.
   

Epik she’rlar tahlili o`qituvchi o`quvchilarning javoblariga diqqat qilishi, ular matdagi so`z iboralar mazmuniga tushunib yoki tushunmasdan o`qiyotganliklarini tekshirib ko`rish kerak.
Har bir obraz she`rdagi asosiy fikr mazmunni ocha borishda bir-biri bilan bog`liqdir. Shuning uchun o`quvchilar epik she`rlar mazmuni obrazlarda, tasvirda qanday ochila borishini tushina borishi kerak. Masalan, Tursunboy Adashboyevning “Navoiy bobomlar” she`riy hikoyasi mazmuni savollar yordamida gapiritilishi mumkin.
Boshlang`ich sinflarda obraz deb asarda qatnashgan inson tushuniladi. Ammo bu obraz hayotiy bu nvoqea hodisalar bilan bog`langan holda mavjuddir. Obraz bu shakl va mazmun birligidir. Bolalar adabiyotida obrazning mazmunini uning g`oyaviy tabiati belgilaydi. Hikoya qiluvchi shaxs yoki yozuvchi shu obraz orqali nimani ko`rsatmoqchi? Maqsadi nima ? shu masalalar obraz orqali ifodalangan bo`ladi. San`at asari badiiy shakli uning tiliga xos xulosalar yordamida vujudga keltiriladi. Adabiyot obrazining o`ziga xos shakli so`zdir. Obrazdagi tipiklik ya`ni shu obrazning o`ziga xos xususiyatlari bilan insonlarning hammasiga xos xususiyatlardagi mos kelishik shakl mazmunning birligini hosil qiladi. Demak, badiiy asar shakl va mazmunining birligi hamda badiiy obraziga xos tipiklik xususiyatlari boshlang`ich sinfdayoq, asar matni ustida ishlayotgan vaqtda, uning g`oyaviy yo`nalishini qisqacha tahlili qilish bilan chegaralanmay balki,tasviriy ifodalash vositalari va bu vositalarning obraz yaratishdagi ahamiyatiga ham e`tibor berish zarurligini ko`rsatadi.
4-sinfda epik she`rlarni o`qish darslarida undagi obrazlarini o`rganish ishlari matnni mustaqil o`qish jarayonida bajariladi. Buning uchun o`quvchilar sinfda she`rni bir necha marta qayat-qayta o`qiydi. Har bir o`qish oldiga alohida maqsad qo`yiladi: birinchi o`qish vaqtida she`rning bosh qahramoni asosiy obraz aniqlanadi; ikkinchi marta o`qishning maqsadi bosh qahramon haqida hikoya yaratish uchun material to`plashdir; uchinchi marta o`qilganda suhbat uchun qahramonning xatti-xarakatlariga baho beruvchi materiallar to`planadi.
4-sinfda epik she`rlarni o`qish va unda qo`llanadigan shbatning maqsadi aslini olganda, ko`chma ma`nodagi (metoforik xarakterdagi) so`z va iboralarning ma`nosining yaxlit gap yoki matndan olingan parcha mazmuni bilan bog`liq holda osonlikch atushuntirishdan iboratdir.
Bunday tayyorgarlik va suhbat ishlari o`quvchi ko`zi oldida asar qahramonini mazmunini yaqqol gavdalantiradi.
Boshlang`ich sinflarda o`tiladigan epik she`rlar g`oyasini o`quvchilarga yetkazish va ularga obrazlarni tasvirlash uchun ishlatilgan so`z va obrazli iboralarni o`rganishning ahamiyati katta. Chunki shu yo`l bilangina o`quvchilarda obrazli tasavvur hosil qilinadi. Estetik his-tuyg`ulariga ta`sir ko`rsatiladi,nutq boyligi oshiriladi, bog`lanishli nutq shakllantiriladi.
Masalan 4-sinfda Shukur Sa`dullaning “Laqma it” mavzusidagi epik she`ri o`tilganda undagi bosh obraz itning ishyoqmasligi tufayli yozda yallo qilib yurishi, qishning ayozli qirovli kunlari boshlangach boshpana izlashi boshqalarga va o`ziga yozda albatta uy qurib olishi haqidagi va`dasi va bu va`dani ustidan chiqmasdan yana xor-zor bo`lishi hikoya qilinadi. “ Qish g`amini yozda ye” maqoli she`rning asosiy g`oyasi bo`lib hisoblanadi. She`rda “qaltiradi dir-dir”, “har bir tukin nayza deysiz”, “paxmoq bo`ldi mo`y junlari” kabi misralar itning qishdagi ahvolini tasavvur qilishga yordam beradi. Uning o`ziga xos xislatlarini yorqinroq ko`rsatishga, shular yordamida she`r g`oyaviy mazmunini yaqqolroq ifodalashga xizmat qiladi.
She`r matni ustida ishlanar ekan, o`qituvchi she`rdan itning qishdagi ahvolini ko`rsatuvchi parchalarni toping va o`qib bering degan topshiriqni beradi.
O`quvchilar:
Birdan tushib qoldi sovuq
Itning ko`rpa-to`shagi yo`q…

Na qilarin bilmas kuchuk,

Qo`rqqanidan taoshar uchuq.

Har bir to`kin nayza deysiz,

Itni ko`ribsovuq yeysiz.

Kunlar o`tdi birin-ketin,

It yo`qotdi yarim etin.

Paxmoq bo`ldi mo`y-junlari

O`lmay qolib qish kunlari.
parchalarini o`qiydilar.
Bu parchalardan ifodalangan itning ahvolini o`z so`zlari bilan tushuntirib beradilar.
O`qituvchi ishyoqmas itning qishda boshpana izlab sarson bo`lganini uning yolg`onchiligi barchaning joniga tekkanligi xususida izoh berib, quyidagi savollar bilan murojaat qiladi:

1. 
   It hayvonlarga qanday yalinib yolvoradi?
   
2. 
   Mushuk ichki sigirlar itni nima uchun uylariga kirgizmadilar?
   

O`quvchilar itning dangasaligini quyigai matndan o`qib ko`rsatadilar:

• 
  Kechir, -dedi, yolvordi it,
  

Mushuk dedi:-yalinma, ket!

Ko`z yosh to`kar kuchuk sho`rlik,

• 
  Yomon bo`ldi bu ko`rgulik
  

Uy qurardim, attangki,qish,

Qishda qilib bo`lmaydi ish.

Ketmon botmas yer o`yganda,

Qish quritmas g`isht qo`yganda

Qo`lni suvga urib bo`lmas

Xullas qishda uy qurilmas.

Yalinadi yalqov kuchuk:

• 
  Rahming kelmas menga nechuk?
  

Yoz bo`yi yallo qilib yurgan itning har yili qishda tortgan azob-uqubatlari uning fe`lini o`zgartirmaganligini hayvonlar allaqachon bilib olganlar.

Bu ularning itga bergan javoblaridan ham namoyon bo`ladi.

Moshxon kular ko`zin suzib:

• 
  Aldoqchi! Deb bo`yin cho`zar
  
• 
  O`tgan yili ko`z yosh to`kding,
  

Issiqqina uyga cho`kding.
Quvding meni ko`cha-ko`yga,
Kirolmadin erkin uyga.
Shu tariqa o`quvchilar echkining, sigirning ishyoqmas itga javoblari she`r matnidan topib o`qib beradilar:

• 
  Sen laqmani men bilaman,
  

Kela ko`rma yo`q qilaman.

Yozi bilan laqqilading

Meni ko`rsang akillading.
Issiq bo`lsa suvda suzding,
Qorning ochsa g`o`ra uzding.

Salqin joyda qilding rohat,

Sovuqqa ham qilding-da toqat.

Menga bunday xiyla qilma,

Sigirlarni axmoq bilma.

Ishontirding o`tgan yili,

Rahm qildi hayvon eli.
She`r tahlili davom ettirilar ekan, itning bir amallab qishni o`tkazganligi, ammo yoz yoz kelib yana o`z va`dasini unutganligi, qishda tortgan azob-uqubatlarini unutganligini aniqlashga o`tiladi.
O`qituvchi. Itning yozda yozni qanday o`tkazganligini, u nima uchun o`ziga uy qurmaganligini ifodalangan parchani toping va o`qing?

• 
  O`ynab olay, keldi bahor
  

Deb sanqiydi erta bahor

Yoz bo`yi tinim bilmas

Sang`imoqni kanda qilmas

Issiq kunda cho`miladi

Qumda oyoq ko`milady

Salqin yerda xurrak otib,

Dam oladi beg`am yotib

Hamma ishda, kuchuk bekor:

Menga deydi uy na darkor?

Bir gap bo`lar qishda,- deyar,-

Erta g`amin eshak yeyar…
Bu parchada shoir itning yalqovligini qanday ifodalagan, u o`zini-o`zi nima deb yupantirib oqlaydi kabi savollari bilan o`qituvchi o`quvchilar diqqatini itning xarakter xususiyatini ochib berishga qaratadi va ko`zi oldida yalqov, dangasa, laqma itning obrazi yorqin tasavvur qilinishiga ko`z oldilarida gavdalanishiga qaratiladi. Shoirning xulosasi ifodalangan parchani topib o`qish va uni tushuntirish so`raladi:
O`quvchilar:
Yoz yemasang qishning g`amin,
Holingga voy bo`lgin amin.
Bu xulosa bilan “Qish g`amini yozda ye” maqoli bilan aloqadorlikni o`quvchilar o`z fikrlari bilan tushuntirib beradilar.
Shu tarzda o`qib, tahlil qilingan ushbu mavzu o`quvchilarda mehnatsevarlik hislatlarini tarbiyalashga, yalqovlik, dangasalik va yolg`onchilik kabi salbiy illatlarning oldini olishga, o`zi va atrofdagilar uchun ma`suliyatli bo`lishga undash uchun kabi fazil;atlarni shakllantirishga xizmat qiladi. Bu parchda laqma it obrazi orqali o`quvchilar tafakkuriga singdiriladi.
She’r mazmuni va uning obrazlarini o`quvchilar qanchalik tushunganliklarini bilish uchun she’r yuzasidan suhbat uyushtiriladi.