|
Azərbaycan Xalq Cəbhəsi (AXC). Artıq məlum oldu ki, Azərbaycanın rəsmi dairələri respublikanın ərazi bütövlüyünü qorumaq iqtidarına malik deyildir. Belə bir şəraitdə bu vəzifəni yerinə yetirəcək kütləvi ictimai-siyasi təşkilatın yaradılması zəruri oldu. 1988-ci ildə AXC-nin “Müvəqqəti təşəbbüs mərkəzi” yaradıldı.
1989-cu il iyulun 16-da Bakıda yarımleqal şəraitdə AXC-nin təsis konfransı kecirildi. 15 nəfərdən ibarət İdarə heyəti seçildi. Əbülfəz Əliyev (Elçibəy) AXC-nin sədri seçildi. AXC-nin Nizamnaməsi və Proqramı qəbul olundu. “Hüquqi dövlət və vətəndaş cəmiyyəti” AXC-nin son məqsədi elan edildi.
AXC yarandığı ilk vaxtlar geniş sosial bazaya malik idi. Azərbaycanın rəsmi dairələri bunu nəzərə alıb Moskvaya və Ermənistana təsir göstərmək üçün mitinqlərin və tətillərin keçirilməsinə icazə verdi. 1989-cu il sentyabrın 5-də AXC rəsmən qeydə alındı. AXC-nin fəal iştirakı ilə 1989-cu il sentyabrın 23-də Azərbaycan SSR Ali Sovetinin növbədənkənar sessiyası “Azərbaycan SSR-in suverenliyi haqqında Konstitutsiya qanunu”nu qəbul etdi. Bu qanun keçmiş SSRİ-də ilk demokratik meyilli qanun idi.
Dostları ilə paylaş: | 
