Ağa Məhəmməd xan 1795-ci ilin yayinda 100 minlik ordu ilə üç istiqamətdə Azərbaycanın şimalına hücum etdi. Bir dəstə Muğan-Şirvan-Dağıstan, ikinci dəstə Naxcıvan-irəvan, ücüncü dəstə Qarabağ-Gəncə-Gürcüstan istiqamətində yürüşə başladı. Qacar özü ücüncü dəstəyə başcılıq edirdi. Onun ordusu Şuşanı 33gün mühasirədə saxlasa da tuta bilmədi və ordan Tiflisə hərəkət etdi. Gəncəli Cavad xan da bu yürüşdə iştirak etdi. Qacarın ordusu Tiflisi ələ kecirib 8gün qarət etdikdən sonra Muğana çəkildi. Buna səbəb: 1) iran ordusunun ərzaqla təminatının pisləşməsi; 2)Şimali Qafqazdan rus ordusunun hücum təhlükəsi; 3)Nadir şahın nəvəsi Şahrux Mirzənin Xorasanda qiyam qaldırması idi. Qacarın ordusu Muğandan Şamaxı üzərinə hücum etdi. Şamaxılı Mustafa xan dərhal şəhər əhalisini Fit dağındakı qalaya köçürdü. Düşmən Şamaxını qarət etdi. Lakin Şimaldan rus qoşununun hücuma başlaması xəbərini alan Qacar Azərbaycanın şimal torpaqlarını tərk etdi.
