Instagram — Kevin Systrom va Mike Krieger tomonidan yaratilgan hamda rasm va videolarni ulashish uchun moʻljallangan ijtimoiy tarmoq. Shuningdek, boshqa ijtimoiy tarmoq platformalari orqali ularni yuklash imkonini beradi. Bundan tashqari, foydalanuvchilar rasmlar va videolar uchun raqamli filtrlar qoʻllash imkoniga egadir. Instagramda videolar uchun maksimal davomiylik 60 soniyadir. Instagram App Store va Play Market orqali bepul tarqatiladi.
Instagram Kevin Systrom va Mike Krieger tomonidan yaratilgan hamda bepul mobil ilova sifatida 2010-yilning oktabr oyida ishga tushirilgan. Dastlab, bu ilova nomi „Burbn“ boʻlgan. Keyinchalik, Systrom va Krieger, „instant camera“ („tezkor kamera“) va „telegram“ soʻzlarini birlashtirib, ilovaning nomini „Instagram“ga oʻzgartirishdi.
Bu xizmat qisqa fursatda 2012-yilning aprel oyiga kelib, 100 million faol
foydalanuvchilarga ega boʻlganligi ortidan mashhurlik qozondi. Keyinchalik shu yilning oʻzida kompaniyani Facebook, Inc. Sotib oldi. Instagram uchun AQSh$1 milliard sarflandi. 2018-yilga kelib esa Instagramda foydalanuvchilar soni 1.1 milliardga yetdi.
Mutaxasislarning taʼkidlashicha, Instagramdan tushadigan foyda naqd
$2.8 milliardni tashkil etadi.
Facebook ijtimoiy tarmogʻi Instagramʼning 13 yoshgacha boʻlgan bolalar uchun moʻljallangan maxsus versiyasini ishlab chiqadi. Maʼlum qilinishicha, Facebookʼning oʻzida hozirda shunday texnologiya mavjud boʻlib, u Messenger Kids deb nomlangan. Ammo undagi barcha funksiyalar hamda tarkibiy qism oʻsmirlar (14–18 yosh) uchun moslashtirilgan. Ishlab chiqiladigan yangi ilovaga esa ota-onalarga farzandining sahifalarini nazorat qilishga imkon beruvchi tizim kiritiladi.
“ Instagram “ — belgiyalik prodyuserlik dueti Dimitri Vegas & Like Mayk, fransuz DJ David Guetta, Puerto-Rikolik rapchi Daddy Yanki, gollandiyalik DJ dueti Afro Bros va Dominikalik qoʻshiqchi Natti Natasha qoʻshigʻi. U singl sifatida 2019-yil 5-iyulda Smash the House tomonidan chiqarilgan. Qoʻshiq mashhur ijtimoiy tarmoq ilovasi Instagram haqida.[1] Qoʻshiqni David Guetta, Francesca Richard, Dimitri Thivaios, Michael Thivaios, Ramon Luis Ayala Rodriguez, Giordano MS Ashruf, Natalia Alexandra Gutierrez Batista, Rashid MS M Badloe va Sharef MR Badloe yozgan.
