Ipoteka-bank

IV. OMONATCHINING HUQUQ VA MAJBURIYATLARI 
4.1. Omonatchi quyidagi huquqlarga ega: 
4.1.1. Omonat mablag‘laridan bank omonati shartnomasi va boshqa qonun hujjatlari 
doirasida erkin tasarruf etish,
4.1.2. Bank omonati bo‘yicha foiz, yutuq yoki boshqa shakldagi daromadlarni olish; 
4.1.3. Omonatni to‘liq yoki qisman qaytarib olish; 
4.1.4. Omonat hisobvarag‘idagi mablag‘larni boshqa hisobvaraqlarga o‘tkazish;
4.1.5. Omonat rasmiylashtirilganligini tasdiqlovchi hujjatni Bankdan olish; 
4.1.6. Bank tomonidan ko‘rsatiladigan omonat xizmatlari to‘g‘risidagi maʼlumotlarni 
shartnoma tuzilishidan avval bepul olish; 
4.1.7. Bank tomonidan omonat xizmatlarini taqdim etish shartlari, ushbu shartlarning 
o‘zgarishi haqidagi maʼlumotlar bankning rasmiy veb-saytida, shuningdek bankning axborot 
stendlarida doimiy ravishda tanishib borish; 
4.1.8. Bank omonatning qaytarilishini taʼminlash bo‘yicha majburiyatlarini bajarmagan 
yoki uning shartlarini yomonlashtirgan taqdirda, Bankdan omonat summasini darhol qaytarib 
berishni, O‘zbekiston Respublikasi Fuqarolik kodeksining 327-moddasiga muvofiq unga foizlar 
to‘lashni hamda o‘ziga yetkazilgan zararni qoplashni talab qilish; 
4.1.9. Omonatchi amaldagi qonun hujjatlariga muvofiq boshqa huquqlarga ham ega 
bo‘lishi mumkin. 
4.2. Omonatchi quyidagilarga majbur: 
4.2.1. Omonatchining va amaliyotning boshqa ishtirokchilarini identifikatsiyalash 
imkonini beruvchi amaldagi (taqdim etilgan sanada haqiqiy bo‘lgan) hujjatlarni Bankka taqdim 
etish; 
4.2.2. Omonat qoidalari va Bank oferta qilgan omonat shartnomasi bilan tanishib chiqish; 
4.2.3. Omonat shartnomasini belgilangan tartibda saqlash, omonat shartnomasi yo‘qolgan 
hollarda bu haqida Bankni darxol xabardor qilish; 
4.2.4. Omonatni tasarruf etish huquqini uchinchi shaxslarga berganida, ishonchnomani 
amaldagi qonun hujjatlariga muvofiq rasmiylashtirish hamda ishonchnomada ishonchli vakilning 
vakolatlarini aniq belgilab berish; 
4.2.5. Omonat mablag‘larini topshirishda amaldagi qonun hujjatlari va Bankning ichki 
meʼyoriy hujjatlariga to‘liq rioya qilish xususan, omonat mablag‘larini shaxsan o‘zi yoki vakili 
orqali bevosita Bankning tegishli bank kassalariga topshirish; 
4.2.6. Omonat mablag‘larini omonatni qabul qilish vakolatiga ega bo‘lmagan shaxslarga, 
shu jumladan omonat qabul qilish vazifasi yuklatilmagan Bank xodimiga topshirmaslik; 
4.2.7. Omonat mablag‘lari Bankning omonat kassa xodimi tomonidan qabul qilib 
olinganidan so‘ng, omonat qabul qilinganligini tasdiqlovchi shartnoma nusxasini olish va ushbu 
shartnomani o‘zida saqlash; 

---

4 
4.2.8. Jamg‘arma va muddatli omonat mablag‘larini saqlash muddati tugamasdan olish 
istagi bo‘lsa, bu haqda Bankni omonatni olishni mo‘ljallanayotgan sanadan kamida bir kun oldin 
xabardor qilishi; 
4.2.9. Bank tomonidan Bankning rasmiy veb-saytida, shuningdek bankning axborot 
stendlarida joylashtirib boriladigan eʼlonlar, bank xizmatlarini taqdim etish shartlari, ushbu 
shartlarning o‘zgarishi haqidagi maʼlumotlar bilan tanishib borish; 
4.2.10. Omonatga qo‘shimcha mablag‘lar qabul qilishda omonatchi nazoratchiga omonat 
shartnomasini va shaxsini tasdiqlovchi hujjatni taqdim qilishi shart.