Ishlab chiqarishda boshqaruv” fakulteti «iqtisodiyot» kafedrasi

KIRISH


Kurs ishi mavzusining dolzarbligi. Iste`mol, jamg`arma va investitsiyalar mamlakatning asosiy makroiqtisodiy ko`rsatkichlaridan bo`lib hisoblanadi va ular davlat iqtisodiyoti rivojini belgilovchi asosiy ko`rsatkichlardan, YaIM ni tarkibiy qismlaridir. Aholining iste`mol xarajatlari ularning turmush darajasini belgilaydi, ya`ni ularning iste`mol xarajatlariga qarab ularning daromadi aniqlanadi. Bundan tashqari, jamg`arma va iste`mol hamda jamg`arma va investitsiyalar o`rtasidagi bog`liqliklar negizida ko`plab iqtisodiy tushunchalar va munosabatlar yotadi. Jamg‘armalar va investitsityalar iqtisodiy o‘sishni ta‘minlashda, butun bir moliya-kredit tizimi shakllanishida va boshqa ko‘plab iqtisodiy va moliyaviy munosabatlar amalga oshishida jamg‘armalar va investitsiyalar asos bo‘lib xizmat qiladi.
Iqtisodiy o‘sishning Solou modeliga ko‘ra, jamg‘armalar va investitsiyalar ekstensiv iqtisodiy o‘sishning asosiy manbai hisoblanadi. Ushbu nazariya O‘zbekiston iqtisodiyotiga oid ma`lumotlar bilan mos tushadi: iqtisodiy o‘sish va jamg‘armalar hajmi o‘sishi o`rtasida kuchli bog`lanish mavjud. Demak, yaqin kelajakda iqtisodiy o‘sish sur`atlarini saqlab qolish uchun jamg‘armalar hajmining ham barqaror ortib borishiga qaratilgan chora-tadbirlar amalga oshirilishi kerak. Bugun O‘zbekistonda jamg‘armalar va investitsiyalar o`rtasidagi muvozanat ijobiy holatda, demak ushbu muvozanat ham muhim makroriqtisodiy muvozanatlardan biri ekani hisobga olinsa, kelajakda makroiqtisodiy barqarorlikni saqlab qolishda jamg‘armalar va investitsiyalar o`rtasidagi muvozanat ko`rsatkichiga e`tibor berilishi kerak.
Kurs ishi mavzusining obyekti. Iste`mol, jamg`arma va investitsiyalarning iqtisodiy mazmuni, iste`molga, jamg`armaga o`rtacha moyillik, O`zbekistonning investitsion siyosati va investitsiya hamda jamg`arma o`rtasidagi muvozanat.
Kurs ishi mavzusining predmeti. O`zbekiston Respublikasida aholining iste`mol va jamg`arish qobiliyatlari, investitsion siyosatning tutgan o`rni hamda uni rivojlantirish usullari.