Islomiy fondlar

Islomiy fondlarning strukturasi

Investorlar va fond boshqaruvchisi orasidagi konsruktiv munosabatlar fond strukturasini tashkil qilishda juda ham muhim omillardan biri hisoblanadi. Islomiy fondlar quyida keltirilgan tuzilmalardan tashkil etilishi mumkin:

Mudoraba

Vakala

Mushoraka

Mudoraba strukturasi:

Mudoraba bir tomon kapital, ikkinchi tomon esa malaka va tadbirkorlik layoqati bilan ishtirok etuvchi, foyda olishga qaratilgan hamkorlik turidir. Bu ko’rinishda investorlar kapital bilan ishtirok etishadi, fond menejeri esa ushbu jamg’armani mudoraba shartnomasi shartlari asosida boshqaradi. Foyda investor va fond menejeri o’rtasida kelishilgan nisbat bo’yicha taqsimlanadi. Yo’qotish esa faqat invesorlar zimmasiga tushadi. Ba’zida foyda nisbati aniq qilib belgilanib qo’yilishi mmkin. Misol uchun, jamg’arma kutilayotgandan ko’ra yuqoriroq foydaga erishsa, bu foyda mudoribga berilishi yoki tomonlar o’rtasida yangidan kelishilgan nisbat bo’yicha taqsimlanishi mumkin. Lekin foyda doimo aniq o’rnatilga qiymatda bo’lishi mumkin emas. Foyda vaqt nuqtayi nazaridan kelishilgan tartibda taqsimlanishi mumkin.