Issn №2078 6042 azərbaycan respublikasi кənd тəSƏRRÜfati naziRLİYİ аqrar elm məRKƏZİ

İnformasiya infrastrukturu bir-biri ilə qarşılıqlı əlaqədə olan aşağıdakı qruplardan ibarət ola bilər:

- bitkiçilikdə və heyvandarlıqda intensiv texnologiyalardan, ən yeni texnikadan istifadə olunması, torpaqların vəziyyətinin monitorinqi, bitki mühafizəsi, heyvan xəstəliklərinin profilaktikası;

- kənd təsərrüfatında və ASK-nın digər sferalarında, yeni texnologiyanın tətbiqi təcrübəsi haqqında informasiyanın olması;

- qanunvericilikdə, vergilərdə, vergi siyasətində, güzəştlərdə və s. sahələrdə baş verən dəyişikliklər haqqında informasiyanın olması;

- mühasibat uçotunun aparılması və digər idarəetmə funksiyalarının avtomatlaşdırılması;

- kommersiya haqqında informasiyanın olması;

- kompyuter texnikasından, kommersiya, informasiya şəbəkələrindən, elektron poçtdan istifadə edənlərin təlimatlandırılması;

- tətbiqi-innovativ mərkəz vasitəsilə istehsalçıların güzəştli qiymətlərlə kompyuterlə təmin olunması [7, s.35,42].

Tətbiqi-innovativ mərkəz istehsalçılara informasiya xidməti göstərmək üçün ilk növbədə aşağıdakı prioritet istiqamətlər üzrə baza və məlumat bankı yaradılmalıdır:

-kənd təsərrüfatında texnika və texnologiyalar;

- bitki mühafizəsi;

- heyvanların yemləşdirilməsi;

-heyvanların xəstəlikləri və onların profilaktikası;

-torpaq sahələrinin vəziyyəti və onun münbitliyinin yüksəldilməsi;

-vergilər və vergiqoyma;

-kommersiya sahəsində informasiya.

İnformasiya mənbəyi kimi aparıcı və tanınmış alimlərin, kənd təsərrüfatı mütəxəssislərinin məsləhətlərindən, statistika idarələrinin məlumatlarından, sorğu kitabçalarından istifadə etmək olar.