NƏTĠCƏLƏR VƏ ONLARIN MÜZAKĠRƏSĠ Müasir nomenklatur dəyişiklikləri nəzərə alan təftiş nəticəsində diatom yosunların 84 cinsinə,
36 fəsiləsinə, 16 sırasına, 6 yarımsinfinə və 3 sinfinə aid olan 378 növün (443 növdaxili taksonun –
ndt.) siyahısı tərtib olunmuşdur [2]. Müəyyən edilmışdir ki, Azərbaycan üçün bu yosunlar şöbəsinin
47 taksonu yenidir (41 növ və 6 ndt.), 21 isə nadir taksonlardır, bunlardan 19 eyni zamanda ölkənin
diatom florası üçün yenidir [3]. Aşağıda ölkə ərazisi üçün yeni olan 28 taksonun siyahısı təqdim edilir
(25 növ və 3 ndt.) və onlar barədə ətraflı məlumat verilir; növlər və ndt. taksonomik ardıcıllıqla qeydə
alınmışdır. Yeni taksonlar Boyük Qafqazın cənub-şərq (BQ) vilayətinin [1] şirin sularında rast gəlinir
(çaylarda, mineral və termal bulaqlarda, şəlalələrdə, müvəqqəti sututarlarda və s.); yosunların
yayılması inzibati rayonlar üzrə verilmişdir. Yeni taksonlar Bacillariophyta şöbəsinin Fragilariales, Cymbellales, Naviculales, Thalassiophysales, Bacillariales və Surirellales sıralarında təmsil olunur.
