Ishchi jadvaldagi varaqlarni qayta nomlash
Varaq nomlarini o‘zgartirishni quyidagi usullarda amalga oshirish mumkin:
— «Формат»—»Лист»—«Переименовать» buyruqlarini tanlagan holda yangi varaq nomini kiritish (4-rasm).
— Sichqoncha ko‘rsatkichini varaq yorlig‘i ustiga olib borib chap tugmachani ikki marta bosish va yangi nomni kiritish.
— Sichqoncha ko‘rsatkichini varaq yorlig‘i ustiga olib kelish va sichqonchaning o‘ng tugmasini bosish va kontekstli menyuda quyidagi buyruqlarni bajarish -menyudagi «Переименовать» (Qayta nomlash) buyrug‘ini tanlash va yangi nomni kiritish (5-rasm).
Eslatma -Yuqoridagi amallardan ixtiyoriy birini bajarib bo‘lgandan so‘ng ENTER tugmasi bosilishi kerak. Shundan keyin yangi kiritilgan nom varaqlar yorlig‘ida hosil bo‘ladi.
Yangi kiritilgan nomlar o‘zunligi bo‘sh joy bilan birgalikda 31 ta belgigacha bo‘lishi mumkin. Agarda o‘zun nom berilgan bo‘lsa, varaqlar yorlig‘i ham shunchalik katta bo‘lib, keyingi varaq yorliqlarining nomlari ko‘rinmay qoladi.
Ishchi kitobga yangi varaqlar kiritish
Ishchi kitobga qo‘shimcha yangi varaqlar kiritish uch yo‘l bilan amalga oshiriladi:
· «Вставка»—»Лист» buyruqlarini bajarish orqali;
· Sichqonchaning o‘ng tugmasini varaq yorlig‘i ustida bosib, kontekstli menyudagi «Вставить» (qo‘yish) buyrug‘ini tanlash orqali;
· Shift + F11 tugmalarini barobar bosish orqali.
Eslatma. Yuqoridagi amallar bajarilgandan so‘ng ishchi kitobdagi yangi qo‘shimcha varaq avtomatik ravishda faollashgan varaq holatiga o‘tadi va nomi ko‘rsatilgan o‘z yorlig‘iga ega bo‘ladi.
Ishchi kitobdan varaqlarni olib tashlash (yopish)
Ishchi kitobdagi kerak bo‘lmagan varaq nomlarini olib tashlash (yopish) quyidagi usullarda amalga oshiriladi:
· «Правка»—«Удалить лист» buyruqlar ketma-ketligini bajarish orqali;
· Sichqonchaning o‘ng tugmasini olib tashlanayotgan varaq yorlig‘i ustida bosish va buyruqlar menyusidan «Удалить» (Olib tashlash) buyrug‘ini tanlash orqali (6-rasm). Bunda Excel varaqni olib tashlashni tasdiqlashingizni so‘raydi.
Ishchi kitobidan o‘chirilgan varaqlarda ma’lumotlar yozilgan bo‘lsa uni qayta tiklab bo‘lmaydi. Shuning uchun ishlayotganda ma’lumotlarni «Отменить» (Bekor qilish) tugmachasini bosib o‘chirib yuborish kerak emas.
Tugmachalar yordamida o‘zgarishlar qilish quyidagi jadvalda berilgan:
Dostları ilə paylaş: |
