Jizzax davlat pedagogika universiteti

Tarmoqlar metodi (Klaster) texnologiyasi
Ushbu metod mantiqiy fikrlash, umumiy fikrlash doirasini kengaytirish, mustaqil ravishda adabiyotlardan foydalanishni o‘rgatishga qaratilgan. Biron-bir mavzuni chuqur o‘rganishdan oldin o‘quvchilarning fikrlash faoliyatini jadallashtirish hamda kengaytirishga xizmat qiladi.



Mavzu yuzasidan savol va topshiriqlar
1.Tarbiyachi va uning jamiyatda tutgan o‘rni haqida “Klaster” tuzish
2.Pedagog olimlarning tarbiyachi murabbiy shaxsi to‘g‘risidagi fikrlari haqida audio material tayyorlash
3.Maktabgacha tarbiya sohasi xodimlarni tayyorlash tizimi to‘g‘risida taqdimot tayyorlash

MUSTAQIL ISHLARNI TASHKIL ETISH
Oʻzbekiston Respublikasi Vazirlar Mahkamasining 2020 yil 31 dekabrdagi “Oliy ta’lim muassasalarida ta’lim jarayonini tashkil etish bilan bogʻliq tizimni takomillashtirish chora-tadbirlari toʻgʻrisida”gi 824-sonli Qarorida belgilangan vazifalarni bajarish va oliy ta’lim muassasalarida talabalarning kasbiy tayyorgarligiga qoʻyilayotgan talablar, maqsad va vazifalar kun sayin ochiqlik va rangbaranglik kasb etgan holda oʻzgarib bormoqda, bu oʻz navbatida amalda professional faoliyatni yoʻlga qoʻyishga xizmat qiluvchi usul va vositalarning ham zamon talablariga moslashishini taqozo etmoqda. Ushbu jihatdan qaraganda boʻlgʻusi mutaxassislar uchun kasbiy faoliyatga oid qarorlarni qabul qilishda mustaqil harakat qilish, mobillik kabi jihatlarga moʻljal olish muhim oʻrin tutadi, zero bularning barchasiga kasbiy kompitentlik orqali erishiladi.
Zamonaviy talablar odatdagi ta’lim strategiyasini qayta koʻrib chiqishni zarur qilib qoʻyadi. Talabalarning oʻz amaliy faoliyatlari natijalarini nazariy jihatdan chuqur anglab etish, talabalarning bilim olishlariga boʻlgan ichki motivlarini uygʻotishga qaratilgan oʻqitish vositalariga oʻtish jarayoni sodir boʻlmoqda. Kun sayin fundamental bilimlarning ahamiyati ortib bormoqda, individuallashtirishga alohida urgʻu berilmoqda, talabalarning mustaqil ishlari hajmi koʻpaygani holda, oʻqituvchi rahbarligida amalga oshiriluvchi oʻquv faoliyatidan mustaqil ta’lim faoliyatiga oʻtilmoqda.
Kredit-modul tizimida talabalarning mustaqil ish turlarining hajmi 50-60% gacha oshadi, amaldagi ta’lim tizimida bu koʻrsatkich deyarli 40% ni tashkil etadi. Shu sababli, mustaqil ta’limga yetarlicha e’tiborni qaratmasdan, uning uslubiy turlarini shakllantirmasdan kredit-modul tizimini toʻlaqonli tatbiq qilib boʻlmaydi.