Jizzax politexnika instituti "tasdiqlayman"

O‘ZBEKISTON RESPUBLIKASI OLIY VA O‘RTA 
MAXSUS TA’LIM VAZIRLIGI 
 
Jizzax politexnika instituti 
 
“Arxitektura va qurilish” fakulteti 
 
“Muxandislik kommunikatsiyalari” kafedrasi 
 
 
 
 
“Muxandislik komunikatsiyalari kurilishi” mutaxassisligi 
talabalari uchun
“Qayta tiklanuvchi energiya manbalaridan foydalanish” fanidan 
amaliy mashg‘ulotlarni bajarish uchun 
 
 
 
USLUBIY KO‘RSATMA 
 
 
 
 
 
 
 

---

Jizzax – 2018 y 
1-amaliy mashg‘ulot. Issiqlik energiyasini va energo resurslarni
tejash yo‘llari. 
Reja: 
1.
 
Issiqlik energiyasini va energo resurslarni tejash yo‘llari. 
2.
 
Muqobil energota’minot qurilish usullari 
 
Er yuzasi paydo bo‘lgandan boshlab, inson quyosh nurlaridan foydalangan. 
Arxeologik ma’lumotlardan ma’lumki, yashash uchun insonlar tinch, sovuq 
shamollardan asraydigan, quyosh nuri tushadigan joylarni tanlashgan. Quyosh haqida 
afsonalar to‘qilgan, uni xudolashtirishgan. Qadimgi Misrda Ra – quyosh xudosi 
hisoblangan. Birinchi mashhur geliosistema deb bizning eramizgacha XV asrga 
mansub Amenxotepa III haykalini atash mumkin. Haykal ichki tomonidagi havo va 
suv kameralari quyosh nuri ta’sirida berkitilgan musiqali asbobni harakatga keltirgan. 
Qadimgi Gretsiyada Geliosga sig‘inishgan. Bu xudo ismi hozirgi kunda quyosh 
energetikasi bilan bog‘liq ko‘pgina atamalarga asos qilib olingan. Qadimgi 
slavyanlarda Dojdbog – quyosh, issiqlik va yorug‘lik manbai ilohiylashtirilgan. 
Qadimda shunday sirli inshootlar bo‘lganki, hozirgi kunda ulardan geliokollektorlar 
sifatida foydalanilgan deb taxmin qilishimiz mumkin. 
O‘rta Osiyo xususan O‘zbekiston qurilish me’morchiligi ibtidosi bizning 
eramizgacha III asrga borib taqaladi. IX-X asrlarda qurilgan va bizning davrgacha 
saqlanib qolingan ko‘pgina binolar va inshootlar haqli ravishda qurilish sa’nati 
cho‘qqisi bo‘lib hisoblanadi, XVI-XVII asrda Samarqand, Buxoro, Xorazm, 
Toshkent va boshqa shaharlarda bunyod etilgan bino va inshootlar yuksak me’moriy-
qurilish maktabidan dalolat beradi, bu bino va inshootlarda shakl va fazoviy tarkib 
uygunligi, tabiiy-iqlim va shaxarsozlik sharoitlari hisobga olingan ichki va tashqi 
muhit yaqqol namoyon bo‘ladi. 
O‘zbekiston Respublikasining “Energiyadan ratsional foydalanish haqida”gi
qonuni ijrosi energetik resurslarni asrash va ulardan ratsional foydalanish, atrof 
muhitni himoya qilish samaradorligini oshirish, inson salomatligini asrash hamda 
alternativ quvvat manbalaridan keng foydalanish masalalarini belgilash imkonini 
beradi. MCHJ “Qurilish- Gemoservis” maxsus yirik korxonaning tashkil qilinishi 
quyosh sistemalarini O‘zbekiston hududida qo‘llashning keng dasturini ishlab chiqish 
imkonini berdi.
Ma’lumki, yoqilg‘ini energiyaga aylantirishda, ko‘p yoki kam darajada 
atmosferaga zararli chiqindilar chiqib, atrof-muhitni zararlaydi. Erlardan intensiv 
foydalanish, xom–ashyo qazib olish, qishloq xo‘jaligi uchun yaroqli erlar sonini 
qisqartirish, inson yashashi uchun tabiiy muhitini kamaytiradi. Ma’lumki, qazib 
olish, ishlab chiqarish, tashish, saqlash hamda energetika resurslarini iste’mol 
qilishda boshlang‘ich darajadagi energiyaning 90% yo‘qotiladi. Bu, birinchi navbatda 
iste’molchiga etib borgunga qadar xom-ashyoni ko‘pgina texnologik jarayonlardan 
o‘tishi hamda an’anaviy energiya ta’minoti qimmatlashishiga olib keladi. SHuning 
uchun arxitektorlar va quruvchilar XXI asr me’moriy loyihalashni rivojlantirish 

---

konsepsiyalarini ishlab chiqishda, shahar tarkibi va alohida binolarni ishchi 
loyihalarda tabiiy resurslarni asrash va iloji boricha yangi hosil bo‘lgan energiya 
manbaalari va birinchi navbatda quyosh energiyasidan samarali foydalanishni 
hisobga oluvchi loyihaviy echimlarni kengroq qo‘llashlari talab qilinadi. 
YAngi hosil bo‘ladigan manbaalarga quyosh energiyasi, shamol energiyasi, 
(daryolar) gidroenergiya, oqimlar, to‘lqinlar, erning chuqur qatlamlari energiyasi. 
Mamlakatning issiqlik balansida energiyaning yangi hosil bo‘lmaydigan manbaalari 
90% ni, shundan 30% i neft, 40% i gaz, toshko‘mir 20%ni tashkil qiladi. Butun 
organik yoqilg‘i (neft, gaz, toshko‘mir va h.k.) bu quyosh energiyasining turli 
bosqichlaridan o‘tib, qayta shakllanib million yillardan keyin bizgacha etib kelgan 
ko‘rinishi bo‘lib, ularning tugashi va qimmatlashishi xavfi bor. 
Quyosh erga yuborayotgan nur oqimining quvvati haqiqatdan ulkandir, erga 
tushadigan 100% quvvatning (o‘rta hisobda 340 Vt 1kv.m.ga to‘g‘ri keladi) 47% i er 
yuziga tushadi (160 VT), quvvatning qolgan qismi dunyo fazosiga tarqaladi va 
planeta issiqliqlik balansini ta’minlaydi. 
Er yuzasining 1 kv.m.ga to‘g‘ri keladigan quyosh energiyasi 160 Vt/m
2
ni tashkil 
qiladi, lekin turli geografik kengliklar uchun bu ko‘rsatkichlar turlichadir, namlik, 
bulutli havo, atmosferaning changlanganligi, er sathining balandligi, yil fasllari, 
sutkalik harorat va boshqalarga bog‘liq.
Hozirgi dolzarb masala er yuziga tushadigan quyosh energiyasining qancha 
qismi inson ehtiyojlari uchun sarflanishidadir. Inson tomonidan foydalaniladigan 
quyosh energiyasi yo‘q bo‘lmaydi, balki shakli o‘zgaradi (ma’lum yuza bilan 
to‘qnashishgan boshqa tana orqali atrof muhitga chiqib ketadi), konveksiya orqali (bu 
yuza atrofida havo aylanishi hisobiga) va nurlanish orqali (har bir qizigan yuza 
issiqlik tarqatadi). SHu uchta holning har biri yuza harorati hamda yuza va atrof 
muhit haroratlari farqiga bog‘liq, bunda iqlimni o‘zgarishlari hisobga olinadi. 
Energiyaning an’anaviy va noan’anaviy manbaalari. Ilm-texnika rivojlanishinig 
mavjud darajasida energiya ist’emol qilinishi organik yoqilg‘i (ko‘mir, neft, gaz)dagi 
foydalanish hisobiga to‘ldirilishi mumkin. Ko‘pgina tadqiqotlar natijalari shuni 
ko‘rsatadiki, 2020 yilga organik yoqilg‘i dunyo bo‘yicha energetikaga bo‘lgan talabni 
qismangina qondiradi. Energiyaga bo‘lgan talabning qolgan qismi noan’anaviy va 
yangi hosil bo‘luvchi boshqa energiya manbaalari hisobiga qondiriladi. YAngi hosil 
bo‘luvchi boshqa energiya manbaalari – bu doimiy mavjud yoki atrof-muhitda davriy 
ravishda paydo bo‘luvchi energiya oqimlaridir. YAngi hosil bo‘luvchi quvvat insonni 
yo‘naltirilgan faoliyati mahsuli emasligi- uning farqli jihatidir. 
YAngi hosil bo‘lmaydigan energiya manbaalari – bu modda va materiallarning 
tabiiy zahirasi bo‘lib, energiya ishlab chiqarish uchun inson tomonidan ishlatilishi 
mumkin. Bunday quvvat manbaalariga yadro yoqilg‘isi, ko‘mir, neft, gaz misol bo‘la 
oladi. YAngi hosil bo‘ladigan manbaalardan farqli ravishda yangi hosil bo‘lmaydigan 
quvvat manbaalari tabiatda bir-biriga bog‘liq holatda joylashadi va inson aralashuvi 
natijasida ajratib olinadi. 
BMT bosh assambeyasi №33/148 son rezolyusiyasiga muvofiq noan’anaviy va 
yangi hosil bo‘luvchi energiya manbaalariga quyidagilar kiradi: quyosh, shamol, 
geotermal, dengiz to‘lqinlari, okean va dengizlar sohillaridagi to‘lqinlardan hosil 

---

bo‘luvchi energiya biomassa, yog‘och, yog‘och-ko‘mir, torf, slanetslar, bitumsimon 
qumliklar, katta va kichik suv oqimlari gidroenergiyasi.