Teqvim-2015. pdf

212
Milli ədəbiyyat 
80 
illiyi
Fikrət Qoca
1935
AV
Q
U
S
T
Fikrət Göyüş  oğlu Qocayev (Fikrət 
Qoca) 1935-ci il avqust ayının 25-də 
Ağdaş rayonunun Kotanarx kəndində 
anadan olmuşdur. Orta təhsilini başa 
vurduqdan sonra 1959-1964-cü illərdə 
Moskvada M.Qorki adına  Ədəbiyyat 
İnstitutunda təhsil almışdır. 
Əsərləri 1956-cı ildən mətbuatda çap 
edilir. Azərbaycan Radio və Televizi-
ya Verilişləri Komitəsində, Azərbaycan 
Yazıçılar İttifaqında beynəlxalq əlaqələr 
üzrə məsul katib, “Azərbaycan gəncləri” 
qəzeti redaksiyasında  ədəbi işçi olmuş, 
“Azərbaycan” jurnalında fəaliyyət 
göstərmişdir. 1987-2004-cü illərdə “Qo-
bustan” incəsənət toplusunun baş redak-
toru olmuşdur. 1998-ci ildən Azərbaycan 
Yazıçılar İttifaqının katibidir.
Çap etdirdiyi şeir kitablarında vətən 
məhəbbəti, vətənpərvərlik duyğuları, 
insan və zaman haqqında düşüncələri 
öz  əksini tapmışdır. Dünyanın bir çox 
ölkəsində yaradıcılıq səfərlərində ol-
muş, həmin ölkələrdə gedən milli azad-
lıq hərəkatlarına  şeirlər həsr etmiş, o 
cümlədən Kubanın azadlıq mübarizi Er-
nesto Çe Gevar (“Ünvansız məktublar”), 
Qvineya-Bisaunun azadlıq hərəkatı xa-
dimi Amilkar Kabral (“Amilkar Kab-
ral”), Filippinin milli qəhrəmanı Xose 
Risal (“Xose Risal”), vyetnamlı gənc Li 
Vi Tom (“Li Vi Tom”) və b. haqqında 
poemalar yazmışdır. Əsərləri bir sıra xa-
rici dillərə  tərcümə olunmuşdur. 1990-
cı illərdə yazdığı “Oddan keçənlər”, 
“İnsan səviyyəsi”, “Adi həqiqətlər” və 
s. poemalarında Azərbaycanda gedən 
azadlıq mübarizəsindən bəhs olunur. 
 
“Ölüm ayrılıq deyil” (1990), “Hələlik, 
- qiyamətədək” (2000) povestlərində 
1990-cı ilin 20 Yanvar hadisələri öz 
əksini tapmışdır.
M.Lermontov, T.Şevçenko, E.Meje-
laytis, İ.Volker, X.Risal, İ.Taufer və b.-
dan tərcümələri var. 
Şairin “Anacan dostum evlənir”, 
“Könlüm”, “Günay”, “Gəl ey səhər”, 
“Çiçək tapa bilmədim”, “Gecə yaman 
uzundur”, “Payız gəldi”, “Bir xumar 
baxışla”, “Arazım”, “Qaytar eşqimi”, 
“Ey xəyal” və başqa  şeirlərinə musi-
qi bəstələnmiş, Azərbaycanın məşhur 
müğənnilərinin ifasında səslənmiş  və 
sevilmişdir.
Gənclərin qəhrəmanlıq və  fədakarlı-
ğından bəhs edən “Təkərlər geri fırla-
nır”, “Yaralı çiçəklər” və “Rəssam dü-
şünür” poemalarına görə 1968-cı ildə 
Azərbaycan komsomolu mükafatını al-
mışdır. 1998-ci ildə  uğurlu yaradıcılıq 
fəaliyyətinə görə “Humay” mükafatı la-
ureatı olmuşdur.
Fikrət Qoca 1978-ci ildə  “Əməkdar 
incəsənət xadimi”, 1999-cu ildə “Xalq 
şairi” fəxri adlarına layiq görülmüşdür. 
1995-ci ildə Azərbaycan Respublikası-
nın “Şöhrət” ordeni ilə təltif edilmişdir.
2010-cu ildə Azərbaycan Respubli-
kası Prezidenti cənab  İlham  Əliyevin 
sərəncamına 
əsasən Azərbaycan 
ədəbiyyatının inkişafındakı xidmətlərinə 
görə Fikrət Göyüş  oğlu Qocayev 
“Azərbaycan Respublikası Prezidenti-
nin fəxri diplomu” ilə təltif olunmuşdur.