Konstitutsiya baxtimiz poydevori

12-o‘quvchi: Atrof-muhitni saqlash,
Barchaning teng burchidir.
Uni asrab avaylash –
Vijdonlining ishidir
(50-modda)
13-o‘quvchi: Milliy boyligimizni
Qadriga yetmoq kerak.
Yer, suv, o‘simlik bari
Elimga doim kerak
(55-modda)
14-o‘quvchi: Oila – jamiyatning
Asosiy bo‘g‘inidir
Oltmish uchinchi modda
Shu bo‘g‘in talqinidir.
15-o‘quvchi: Oltmish oltinchi modda
Farzandlik burchin so‘zlar.
Har soniya, soat
Insoniylikni ko‘zlar.
16-o‘quvchi: Yetmish oltinchi modda,
Yurtim oliy organi.
Oliy majlis haqida,
Qunt bilan o‘rgan uni.
17-o‘quvchi: Yuz yigirma beshinchi,
Moddani anglash kerak.
Ozod, hur Vatan uchun,
Dovyurak o‘g‘lon kerak.

(raqsijroetiladi.)
1-boshlovchi: Barakalla, bolajonlar! Juda yaxshi, sizlar qomusimiz borasidagi o‘z fikrlaringiz bilan bizni xursand qildingiz. Xalqimizning oliy maqsadi huquqiy demokratik davlat barpo etish ekan, ana shu ulug‘ ishlarda siz, yoshlarning ham munosib hissangiz bo‘lishi kerak.
-Bolalar, Konstitutsiya moddalarini o‘rganish davomida yuridik atamalar bilan ham tanishdingiz. Xo‘sh, ular nimalarni bildirar ekan? Shu haqdagi fikringizni bildirsangiz.
(Atamalar yozilgan plakatlar ko‘targan o‘quvchilar navbat bilan ularga ta’rif beradilar).
1-o‘quvchi: Konstitutsiya – Davlatning asosiy qonuni.
2-o‘quvchi: Qonun – davlat hokimiyati oliy organi
tomonidan belgilangan tartibda qabul qilinadigan hujjat.
3-o‘quvchi: Respublika – davlatni idora etish shakli.
4-o‘quvchi: Sessiya – majlis, kengash, vakolatli
organlarning tashkiliy-huquqiy faoliyat shakli.
5-o‘quvchi: Fuqarolik – shaxsning biror davlatga
mansubligi.
6-o‘quvchi: Farmon – davlat boshlig‘i tomonidan
chiqariladigan hujjat.
7-o‘quvchi: Sud – sudlov ishlarini olib boruvchi maxsus
davlat organi, fuqarolik da’volari yoki jinoiy ishlarni ko‘rib,
qonun doirasida hukm chiqarish vakolatiga ega.