Kuvanova Shahnoza Omonovna nemis tili fanidan mukammal qo‘llanma

24.3 Infinitiv Passiv
( Passiv mit Modalverben der Infinitiv Passiv)

Infinitiv passiv asosiy fe’lning partitsip II sidan va werden yordamchi fe’lining Infinitividan yasaladi.

Infinitiv I Passiv werden yordamchi fe’lining aniq nisbatdagi infinitiv I hamda mustaqil fe’lning sifatdosh II shaklidan yasaladi:
gelesen werden, geschrieben werden,gekauft werden,gefragt werden;
Der Brief muβ gelesen werden- Xat o‘qilishi kerak.
Infinitiv II Passiv werden yordamchi fe’lining aniq nisbatdagi infinitiv II hamda mustaqil fe’lning sifatdosh II shaklidan yasaladi:
gelesen worden sein, geschrieben worden sein, gekauft worden sein, gefragt worden sein;
Der Brief muβ gelesen worden sein.-Xat o‘qilgan bo‘lishi kerak.
Infinitiv passiv asosan modal fe’llar bilan qo‘llaniladi. Modal fe’llar odatda prezens yoki preterit zamon shakllarida turadi.
Der Student soll geprüft werden.
Der Text kann ohne Wörterbuch übersetzt werden.

24.4 Shaxssiz Passiv
( Das unpersönliche Passiv)

Nemis tilida shaxssiz passiv konstruksiyasi ham mavjud. Bu konstruktsiyaning ikki va uch bo‘lakli passivdan farqi shundaki, shaxssiz passiv nafaqat o‘timli, balki o‘timsiz fe’llardan ham yasaladi.

Shaxssiz passivda ish-harakatning bajaruvchisi ham, predmeti ham tushib qolgan bo‘ladi.Passiv konstruksiyasiga xos uch bo‘lakdan faqat bir bo‘lagi mavjud bo‘ladi, u ham bo‘lsa, ish-harakat. Shu sababga ko‘ra bu konstruksiya bir bo‘lakli passiv deb ham yuritiladi. Shaxssiz passiv konstruksiyali gaplarda ega vazifasida es shaxssiz olmoshi qo‘llanadi. To‘g‘ri so‘z tartibli gaplarda u gapning boshida keladi. Teskari so‘z tartibli gaplarda esa es tushib qoladi.
Es wurde getanzt.
Es wird hier nicht geraucht.
Hier wird nicht geraucht.
Yuqorda aytilganidek, barcha o‘timli va ko‘pgina o‘timsiz fe’llar passivda shaxssiz es olmoshi bilan qo‘llanib, shaxssiz passiv konstruksiyasini tashkil etadi. Shaxssiz es olmoshli passiv gaplar aniqlik maylidagi man shaxsi noaniq olmoshli gaplar (Aktivsätze) ga to‘g‘ri keladi.
Es wird erzählt – Man erzählt
Es wird getanzt – Man tanzt.
Aniqlik maylidagi shaxsi noaniq man olmoshli gaplar, es olmoshli shaxssiz passiv gaplarga aylantirilganda, man olmoshi tushib qoladi, uning o‘rniga es shaxssiz olmoshi qo‘llanadi.
Man verkauft hier deutsche Bücher.
Es wird hier deutsche Bücher verkauft.
Demak, nemis tilida bir bo‘lakli passiv ish- harakatning ijrochisini va to‘ldiruvchisini ko‘rsatmaydi, aksincha ish harakat haqidagi ma’lumotni ifodalaydi va shu bilan u ikki va uch bo‘lakli passiv konstruktsiyalaridan farq qiladi.