38) Romanovski boyağının tərkibinə Romanovski tozundan başqa hansı maddələr daxildir?
A) Eozin, neytral qırmızı
B) Eozin, metilen abısı
C) Metil spirti, qliserin
D) Qliserin, azur I
E) Qliserin, Sudan III
3,8 q Romonovski boyağı 250 ml metil spirtində həll edilir, 3-5 gün saxlanılır, arabir qarışdırılır. Sonra 250 ml təmiz qliserin tökülüb yenə də 3-5 gün saxlanılır və vaxtaşırı çalxalanır. Hazırlanmış boyaq tünd olur. Reaktivi ağzı kip bağlı qabda saxlamaq lazımdır.
Ədəbiyyat: Rəsulova Z.F, Cəfərova G.Ə. Kliniki diaqnostik laborator müayinə üsulları. Bakı.1996 səh 89 В.С. Ронин, Г.М. Старобинец. Руководство к практическим занятиям по методам клинических лабораторных исследований. Москва «Медицина» 1989 səh 149
39) Normada 1 yaşında uşağın qan yaxmasInda limfositlərin miqdarı neçə %-dir?
A) 60-65%
B) 10-12%
C) 20-25%
D) 19-25%
E) 25-30%
Yeni doğulan uşaqların qanında neytrofil və limfositin sayı orta yaşlı adamın qanına uyğun gəlir. Get-gedə neytrofillərin sayı azalır, limfositlərin sayı artır və uşağın 1 yaşında təxminən limfositlər 60-65% neytrofillər 25%-dir.
Ədəbiyyat: Rəsulova Z.F, Cəfərova G.Ə. Kliniki diaqnostik laborator müayinə üsulları. Bakı.1996 səh 77, 78
40) Asidoz nədir?
A) Qanda leykositlərin miqdarının artması
B) Qanda bilirubinin artması
C) OH ionlarının artması
D) Qanın tərkibində H ionlarının artması
E) Qanın xüsusi çəkisinin yüksəlməsi
Reaksiyanın turşuluğa doğru meylliliyi qanın tərkibində H ionlarının artması zamanı müşahidə edilir ki, bu proses asidoz adlanır.
Ədəbiyyat: Rəsulova Z.F, Cəfərova G.Ə. Kliniki diaqnostik laborator müayinə üsulları. Bakı.1996 səh 72 В.С. Ронин, Г.М. Старобинец. Руководство к практическим занятиям по методам клинических лабораторных исследований. Москва « Медицина» 1989 səh 116, 117
41) Alkoloz nədir?
A) Qanda OH ionlarının yüksəlməsi
B) Qanda qlobulin zülalın yüksəlməsi
C) Qanda düz bilirubinin yüksəlməsi
D) Qanda H ionlarının yüksəlməsi
E) Qanın pH-nın yüksəlməsi
Qanın reaksiyasının qələviliyə doğru meylliliyinin artması alkaloz adlanır ki, bu proses qanda OH ionlarının artması zamanı rast gəlinir.
Ədəbiyyat: Rəsulova Z.F, Cəfərova G.Ə. Kliniki diaqnostik laborator müayinə üsulları. Bakı.1996 səh 72 В.С. Ронин, Г.М. Старобинец. Руководство к практическим занятиям по методам клинических лабораторных исследований. Москва « Медицина» 1989 səh 116, 117
42) Retikulositlər hansı boyaqla boyanır?
A) Metilen göyü
B) Gensian violet boyağı
C) Sudan III boyağı
D) Eozin boyağı
E) Brilliyant krezil abısı
Retikulositlərin toz, sap şəkilli şəbəkəsi, brilliyant krezilin abısı ilə göy-yaşıl rəngə boyanır.
Ədəbiyyat: Rəsulova Z.F, Cəfərova G.Ə. Kliniki diaqnostik laborator müayinə üsulları. Bakı.1996 səh 92 А.Я.Любина, Л.П.Ильичева, Т.В. Катасонова, С.А.Петросова. Клинические лабораторные исследования. Москва « Медицина» 1984 səh 55
43) Qanın ümumi müayinəsinə hansı analizlər aiddir?
A) Qanaxma müddətinin, hemotokritin təyini
B) Hb, trombositin qanaxmanın təyini
C) Qan qrupları, Hb, laxtalanmanın təyini
D) Hb, leykositlərin, eritrositlərin, E.C.S-nin , leykoformulanın sayılması
E) E.C.S-nin leykositlərin, protrombinin təyini
Qan orqanizmdəki bütün gizli və aydın gedən patoloji prosesləri özündə əks etdirir. Qanın ümumi müayinəsində E.C.S-nin təyini. 1 l qanda leykosit və eritrositlərin miqdarının sayılması, Hb-nin təyini və leykoformulanın sayılması aiddir.
Ədəbiyyat: Rəsulova Z.F, Cəfərova G.Ə. Kliniki diaqnostik laborator müayinə üsulları. Bakı.1996 səh 82
44) E.C.S(Eritrositlərin çökmə sürəti)-nin təyinində reaktivlə qanın bir-birinə nisbəti necə olur?
A) 3:1
B) 1:4
C) 1:3
D) 2:2
E) 4:2
E.C.S-(Eritrositlərin çökmə sürəti)-i Pancenkov aparatında təyin edilir. Pancenkov pipetinin 50 bölgüsünə qədər reaktiv, “K” bölgüsünə qədər (100 bölgü). 2 dəfə qan götürülür. Yəni 1 hissə reaktiv, 4 hissə qan (1:4) götürülməlidir.
Ədəbiyyat: Rəsulova Z.F, Cəfərova G.Ə. Kliniki diaqnostik laborator müayinə üsulları. Bakı.1996 səh 88
45) Qan yaxması neçə dərəcəli bucaq altında çəkilir?
A) 50
B) 35
C) 20
D) 45
E) 90
Əşya şüşəsi üzərinə qoyulmuş qan damlası, cilalanmış əşya şüşəsi ilə 450 bucaq altında soldan sağa yaxma çəkilir.
Ədəbiyyat: Rəsulova Z.F, Cəfərova G.Ə. Kliniki diaqnostik laborator müayinə üsulları. Bakı.1996 səh 88
46) Analiz üçün kapilyar qan haradan götürülür?
A) Barmaqdan, arteriyadan
B) Barmaqdan, qulaqdan
C) Venadan, barmaqdan
D) Dabandan, venadan
E) Venadan, qulaqdan
Analiz üçün kapilyar qan, sol əlin IV barmağından və qulağın sırğa yerindən götürülür.
Ədəbiyyat: Rəsulova Z.F, Cəfərova G.Ə. Kliniki diaqnostik laborator müayinə üsulları. Bakı.1996 səh 82
47) Qanda leykoformulanın sayılması üçün hansı boyaqdan istifadə olunur?
A) Turş eozin
B) Azur II boyağı
C) Romanovski boyağı
D) Maya – Qrunvalt boyağı
E) Azur I boyağı
Leykositlərin bütün növlərinin boyanması üçün boyağın tərkibi həm turş, həm də qələvi boyaq olmalıdır. Romanovski boyağının tərkibində turş eozin və qələvi xassəli Azur II olur. Romanovski boyağı ilə leykositlərin növləri müvafiq olaraq boyanır.
Ədəbiyyat: Rəsulova Z.F, Cəfərova G.Ə. Kliniki diaqnostik laborator müayinə üsulları. Bakı.1996 səh 85
48) Normada eritrositlərin yaşama müddəti nə qədərdir?
A) 1ildən çox
B) 30-35 gün
C) 9-12 gün
D) 90-120 gün
E) 1 aya kimi
Eritrositlərin yaşama müddəti 90-120 gündür. Qocalıb, fiziki-kimyəvi dəyişkənliyə uğramış eritrositlər retikuloendotel hüceyrələrdə, əsasən dalaqda parçalanır.
Ədəbiyyat: Rəsulova Z.F, Cəfərova G.Ə. Kliniki diaqnostik laborator müayinə üsulları. Bakı.1996 səh 79
49) Soliklon anti-A, anti-B ilə təyinatda hansı görünüş O (I) qan qrupu olduğunu bildirir?
A) Soliklon anti-A ilə mənfi, anti-B ilə müsbətdir.
B) Soliklon anti-A ilə müsbət, anti-B ilə mənfidir.
C) Soliklon anti-A və anti-B ilə aqqlütinasiya reaksiyası müsbətdir.
D) Yalnız anti-A ilə aqqlütinasiya gedir hər iki reagentlə mənfidir.
E) Soliklon anti-A və anti-B ilə aqqlütinasiya reaksiyası getmir, mənfidir.
O (I) qrupa mənsub olan eritrositdə heç bir aqqlütinogen olmadığına görə soliklon anti-A, anti-B reagentlə reaksiya mənfi olur.
Ədəbiyyat: Rəsulova Z.F, Cəfərova G.Ə. Kliniki diaqnostik laborator müayinə üsulları. Bakı.1996 səh 117
50) Soliklon anti-A, anti-B ilə müayinədə hansı görünüş AB (IV) qan qrupu olduğunu bildirir?
A) Soliklon anti-A və anti-B ilə aqqlütinasiya reaksiyası müsbətdir.
B) Yalnız anti-B ilə aqqlütinasiya reaksiyası müsbətdir
C) Soliklon anti-A və anti-B ilə aqqlütinasiya reaksiyası mənfidir.
D) Yalnız anti-A aqqlütinasiya reaksiyası müsbətdir
E) Soliklon anti-A ilə müsbət, anti-B ilə aqqlütinasiyası mənfidir.
AB (IV) qrupa mənsub olanların eritrositində hər iki aqqlütinogen (A və B) olduğundan soliklon anti-A və anti-B ilə aqqlütinasiya reaksiyası müsbət olur.
Ədəbiyyat: Rəsulova Z.F, Cəfərova G.Ə. Kliniki diaqnostik laborator müayinə üsulları. Bakı.1996 səh 117
51) Leykositoz nədir?
A) Leykositlərin miqdarının normadan çox olması
B) Leykositlərin miqdarının normadan az olması
C) Neytrofil leykositdə toksiki danəlilik
D) Leykositlərin miqdarının normada olması
E) Leykositlərin olmaması
Qanda normada leykositlərin 4,0x109l – 9,0x109l olmalıdır. 9,0x109l-dən çox olduqdqa leykositoz adlanır.
Ədəbiyyat: Rəsulova Z.F, Cəfərova G.Ə. Kliniki diaqnostik laborator müayinə üsulları. Bakı.1996 səh
52) Leykositlərin ayrı-ayrı növlərinin faizlə təyini necə adlanır?
A) Leykositlərin sayılması
B) Osmotik davamlılıq
C) Leykoformula
D) Sola meyl indeksi
E) Leykositlərdə fermentlərin təyini
Mikroskopun immersion sistemi ilə qan yaxmasında leykositlərin ayrı-ayrı növləri sayılır və faizlə qeyd olunur və leykoformula adlanır.
Ədəbiyyat: Rəsulova Z.F, Cəfərova G.Ə. Kliniki diaqnostik laborator müayinə üsulları. Bakı.1996 səh 84, 85
53) Fonio üzrə trombositlər qan yaxmasında neçə eritrositə görə sayılır?
A) 100
B) 10000
C) 110
D) 1000
E) 500
Fonio üzrə qan yaxmasında trombositləri saymaq üçün 1000 eritrosit sayılır və 1000 eritrosit sahəsində neçə trombosit varsa qeyd edilib hesablama aparılır.
Ədəbiyyat: Rəsulova Z.F, Cəfərova G.Ə. Kliniki diaqnostik laborator müayinə üsulları. Bakı.1996 səh 90
54) Hemoqlobin hansı üsulla təyin edilir?
A) Qazometrlə
B) Hemoqlobinsionid üsulu ilə
C) Polyarimetrlə
D) Rozental kamerada
E) Hər biri ilə
Qanda hemoqlobin təkmilləşmiş üsullardan olan hemoqlobinsionid (FEK) üsulu ilə təyin edilir. FEK üsulunda transformaedici məhluldan istifadə edilir.
Ədəbiyyat: Rəsulova Z.F, Cəfərova G.Ə. Kliniki diaqnostik laborator müayinə üsulları. Bakı.1996 səh 83
55) Qanyaxmasında trombositləri saymaq üçün hansı reaktivlərdən istifadə olunur?
A) MgSO4, EDTA
B) KJ, natrium sitrat
C) NaCl, KJ
D) KJ, EDTA
E) MgSO4, KCl
14% MgSO4, 6% EDTA trombositlərin bir-birinə yapışmasının, üst-üstə toplanmasının qarşısını alır və nəticədə onlar qan yaxmasında bərabər, hamar paylanırlar. Qan göstərilən reaktivin hər hansı biri ilə qarışdırılıb yaxma çəkilir.
Ədəbiyyat: Rəsulova Z.F, Cəfərova G.Ə. Kliniki diaqnostik laborator müayinə üsulları. Bakı.1996 səh 90
56) Trombositlərin yaşama müddəti neçə gündür?
A) 17-20 gün
B) 10-17 gün
C) 7-10 gün
D) 20-27 gün
E) 15-16 gün
Fiziki-kimyəvi cəhətcə tam olan trombositlərin yaşama müddəti 7-10 gündür.
Ədəbiyyat: Rəsulova Z.F, Cəfərova G.Ə. Kliniki diaqnostik laborator müayinə üsulları. Bakı.1996 səh 80
57) Aşağıdakılardan hansı eritrositlərin çökmə sürətinin artmasına təsir edir?
A) Qanda xolesterinin miqdarının çoxalması
B) Qanda asidoza meyillilikdə
C) Eritrositlərin miqdarının azalması
D) Qanda qlobulinin artması
E) Qanda albuminin artması
Eritrositlərin çökmə sürəti (E.Ç.S) normada kişilərdə 2-10 mm/saat, qadınlarda 2-15 mm/saat olur. Qanda qlobulinin artması qan xəstəliklərində, revmatizmdə, iltihabi xəstəliklərdə təsadüf edilir.
E.Ç.S qan xəstəliyində revmatizmada, iltihabi xəstəliklərdə, yoluxucu xəstəliklərdə və digər xəstəliklərdə yüksəlir. E.Ç.S-nin artmasına qanda qlobulinin artması səbəb olur.
Ədəbiyyat: Rəsulova Z.F, Cəfərova G.Ə. Kliniki diaqnostik laborator müayinə üsulları. Bakı.1996 səh 88 А.Я.Любина, Л.П.Ильичева, Т.В. Катасонова, С.А.Петросова. Клинические лабораторные исследования. Москва «Медицина» 1984 səh 144, 145
58) Hansı xəstəliklərdə qanda eozinofilin miqdarı artır?
A) Qarın yatalağı, anemiya
B) Appendisit, polimielit
C) Nefrit, qastrit
D) Anemiya
E) Bronxial astma, askaridoz
Eozinofiliya – eozinofilin miqdarının artmasına deyilir və askaridozda, allergiyada, bronxial astmada, məxmərəkdə müşahidə olunur.
Ədəbiyyat: Rəsulova Z.F, Cəfərova G.Ə. Kliniki diaqnostik laborator müayinə üsulları. Bakı.1996 səh 96 А.Я.Любина, Л.П.Ильичева, Т.В. Катасонова, С.А.Петросова.Клинические лабораторные исследования. Москва «Медицина» 1984 səh 158
59) Aşağıdakı verilən göstəricilərin hansı qanda patoloji vəziyyəti göstərir?
A) Hb-120 q\l, eritrosen 4,5x 1012\l
B) Hb-130 q\l, eritrosit 5,0 x 1012\l
C) Hb-120 q\l, eritrosit 3,7 x 1012\l
D) Hb-120 q\l, eritrosit 4 x 1012\l
E) Hb-70 q\l, eritrosit 2,0 x 1012\l
Normada Hb – qadınlarda 120-140 q/l, kişilərdə 130-160 q/l olur. Hemoqlobinin aşağı düşməsi anemiyada dəmir çatışmamazlığında, çoxalması eritremiya və s. hallarda olur. Normada 1 l qanda eritrositlərin miqdarı qadınlarda 3,7x1012\l - 4,7x1012\l qədər olur. Kişilərdə 4,0x1012\l - 5,0x1012\l olur.
Ədəbiyyat: Rəsulova Z.F, Cəfərova G.Ə. Kliniki diaqnostik laborator müayinə üsulları. Bakı.1996 səh 82, 86 А.Я.Любина, Л.П.Ильичева, Т.В. Катасонова, С.А.Петросова. Клинические лабораторные исследования. Москва «Медицина» 1984 səh 126
60) Hansı xəstəliklər zamanı retikulositoz müşahidə olunur?
A) Şua xəstəliyində
B) Hemolitik anemiyada
C) Miokard infarktında
D) Aplastik anemiyada
E) Krupoz pnevmoniyada
Sağlam insanda 2-10./.. retikulosit olur. Retikulositoz – qanda retikulositlərin normadan çox olmasına deyilir. Hemolitik anemiyada, B12 vitamini çatışmamazlığında, xərçəng şişlərinin sümük iliyində metaztazı zamanı retikulositin miqdarı qanda çox olur.
Ədəbiyyat: Rəsulova Z.F, Cəfərova G.Ə. Kliniki diaqnostik laborator müayinə üsulları. Bakı.1996 səh 92 В.С. Ронин, Г.М. Старобинец. Руководство к практическим занятиям по методам клинических лабораторных исследований. Москва «Медицина» 1989 səh 186
61) Eritrositlərin osmotik davamlılığı əsasən hansı xəstlikdə təyin edilir?
A) Miyelofibroz
B) Hemolitik anemiya
C) Kəskin post hemorragik aenmiya
D) Qastrit, meningit
E) Trombositopatiya
Eritrositlər osmotik qanuna tabedir, yəni onlar hipertonik duz məhlulları içərisində büzüşərək kiçilir, hipotonik məhlullarda isə şişərək öz həcmlərini böyüdürlər. Əgər eritrositlər öz həcmlərini həddindən artıq böyüdürlərsə, o zaman onların daxilində hemoqlobin xarici mühitə dağılaraq hemoliz əmələ gəlir. Ona görə də hemolitik anemiyada eritrositlərin osmotik davamlılığı təyin edilir.
Ədəbiyyat: Rəsulova Z.F, Cəfərova G.Ə. Kliniki diaqnostik laborator müayinə üsulları. Bakı.1996 səh 93 A.Я.Любина, Л.П.Ильичева, Т.В. Катасонова, С.А.Петросова. Клинические лабораторные исследования. Москва «Медицина» 1984 səh 168, 169
62) Anemiya zamanı eritrositlərdə hansı keyfiyyət dəyişkənliyi müşahidə edilir?
A) Limfositoz, monositoz
B) Eozinofiliya, eozinopeniya
C) Normaxrom, neytrofilez
D) Anizositoz, poykilositoz
E) Normositoz, neytropeniya
Anemiyalar zamanı eritrositlərin ölçüsü, forması və boyaq qəbul etməsi dəyişir. Normada eritrositlərin diametri 7-8 mkm bərabərdir, eritrositin diametri 6,5 mkm kiçik olarsa buna mikrosit, 9 mkm böyük olarsa makrosit adlanır. Əgər qanda həm makrosit, həm mikrosit eritrosit olarsa, buna anizositoz deyilir. Eritrositlər öz formalarını dəyişməsi poykilositoz adlanır.
Ədəbiyyat: Rəsulova Z.F, Cəfərova G.Ə. Kliniki diaqnostik laborator müayinə üsulları. Bakı.1996 səh 97-98 А.Я.Любина, Л.П.Ильичева, Т.В. Катасонова, С.А.Петросова. Клинические лабораторные исследования. Москва «Медицина» 1984 səh 161, 163
63) Anemiya zamanı poykilosit eritrosit hansıdır?
A) Eritrositlərin ölçüsünün dəyişməsi
B) Boyaq qəbul etmə xüsusiyyəitnin dəyişməsi
C) Yaşama müddətinin dəyişməsi
D) Eritrositlərin formasının dəyişməsi
E) Toksiki dənəlilik xüsusiyyəti
Poykilosit eritrosit – müxtəlif formalı eritrositlərə deyilir. Anemiyalar zamanı eritrositlər öz formalarını dəyişirlər. Məsələn: armudvari, damcı şəkilli, turpa bənzər, aypara şəkilli, girintili-çıxıntılı olurlar.
Ədəbiyyat: Rəsulova Z.F, Cəfərova G.Ə. Kliniki diaqnostik laborator müayinə üsulları. Bakı.1996 səh 98 А.Я.Любина, Л.П.Ильичева, Т.В. Катасонова, С.А.Петросова. Клинические лабораторные исследования. Москва «Медицина» 1984 səh 162
64) Anizositoz zamanı eritrositdə hansı əlamət müşahidə olunur?
A) Anizoxrom
B) Ölçüsünün dəyişməsi
C) Formasının dəyişməsi
D) Kebot həlqəli eritrosit
E) Normoblast
Normada eritrositlərin diametri 7-8 mkm bərabərdir. Eritrositin diametri 6,5 mkm kiçik olarsa buna mikrosit, 9 mkm böyük olarsa makrosit adlanır. Qanda həm makrosit, həm mikrosit eritrosit olarsa, buna anizositoz deyilir. Anizositoz, demək olar ki, bütün növ qan azlığında olur ki, bu da xəstəliyin ilkin əlamətini göstərir.
Ədəbiyyat: Rəsulova Z.F, Cəfərova G.Ə. Kliniki diaqnostik laborator müayinə üsulları. Bakı.1996 səh 97-98 А.Я.Любина, Л.П.Ильичева, Т.В. Катасонова, С.А.Петросова. Клинические лабораторные исследования. Москва «Медицина» 1984 səh 162
65) Hansı anemiyada mikrositoz müşahidə olunur?
A) Addison-Birmer xəstəliyi
B) Meqaloblast anemiya
C) Kəskin posthemorrogik
D) Dəmir çatışmazlığı
E) B12 vitamini çatışmaması
Dəmir çatışmazlığı nəticəsində əmələ gələn anemiyada eritrositlər əksərən ölçücə kiçik olur – yəni mikrosit olurlar. Mikrosit eritrositlərin miqdarı qanda çox olarsa, mikrositoz adlanır.
Ədəbiyyat: Rəsulova Z.F, Cəfərova G.Ə. Kliniki diaqnostik laborator müayinə üsulları. Bakı.1996 səh 99 А.Я.Любина, Л.П.Ильичева, Т.В. Катасонова, С.А.Петросова. Клинические лабораторные исследования. Москва «Медицина» 1984 səh 164
66) Hansı anemiyada meqalasitoz müşahidə olunur?
A) B12 vitamininin, fol turşusu çatışmazlığı
B) Aplastik anemiyada
C) Talassemiyada
D) Posthemorragik anemiyada
E) Dəmir çatışmamasında
B12 vitamininin çatışmamazlığı anemiyası zamanı qan yaxmasında meqalosit hüceyrələr görünür. Bu hüceyrələr böyüklüyünə və quruluşuna görə normal eritrositlərdən fərqlənirlər. Onların böyüklüyü 12-14 mkm olur.
Ədəbiyyat: Rəsulova Z.F, Cəfərova G.Ə. Kliniki diaqnostik laborator müayinə üsulları. Bakı.1996 səh 101 А.Я.Любина, Л.П.Ильичева, Т.В. Катасонова, С.А.Петросова. Клинические лабораторные исследования. Москва «Медицина» 1984 səh 166
67) Hansı anemiya zamanı sidiyin rəngi qara rəngdə olur?
A) Vitamin B12 çatışmamazlığı anemiyasında
B) Posthemorragik anemiyada
C) Aplastik anemiyada
D) Dəmir çatışmamazlığı anemiyasında
E) Hemolitik anemiya-qlükoza-6-fosfat dehidrogenaza ferment aktivliyinin pozulması
Eritrositlərin parçalanması əsas damar və kapilyarlarda gedir. Azad olmuş hemoqlobin sidiklə ifraz olunmağa başlayır, bu vaxt sidiyin rəngi qara rəngdə olur. Qlükoza-6-fosfat dehidrogenaza ferment aktivliyinin pozulması nəticəsində də hemolitik anemiya əmələ gəlir. Bu zaman sidiyin rəngi qara olur.
Ədəbiyyat: Rəsulova Z.F, Cəfərova G.Ə. Kliniki diaqnostik laborator müayinə üsulları. Bakı.1996 səh 103 А.Я.Любина, Л.П.Ильичева, Т.В. Катасонова, С.А.Петросова. Клинические лабораторные исследования. Москва «Медицина» 1984 səh 170
68) Aşağıda göstərilən amilin hansı irsi hemolitik anemiyaya səbəb ola bilər?
A) Limfopoezin pozulması
B) İrinli-iltihablı proses
C) Trombopoezin pozulması
D) Eritrositdə ferment aktivliyinin pozulması
E) Miyelopoyezin pozulması
Anadangəlmə irsi-hemolitik anemiya eritrosit qlafı strukturunun defekti, ferment aktivliyinin pozulması, hemoqlobin sintezinin pozulması nəticəsində əmələ gəlir. Ona görə də hemolitik anemiya müxtəlif şəkildə keçir.
Ədəbiyyat: Rəsulova Z.F, Cəfərova G.Ə. Kliniki diaqnostik laborator müayinə üsulları. Bakı.1996 səh 76 А.Я.Любина, Л.П.Ильичева, Т.В. Катасонова, С.А.Петросова. Клинические лабораторные исследования. Москва «Медицина» 1984 səh 122
69) Normada eritrositin quruluşu necə olur?
A) Dairəvi, diskə bənzər
B) Oraqvari
C) Ellips şəkilli
D) Şar şəkilli
E) Uzunsov şəkilli
Eritrosit – dairəvi hər iki tərəfdən batıq diskə bənzər yetişmiş hüceyrədir. Çəhrayı-qırmızı rəngli, dairəvi formalıdır. Eritrositlərin kənarları tünd boyaq, mərkəzi hissə nisbətən açıq boyaq qəbul edir
Ədəbiyyat: Rəsulova Z.F, Cəfərova G.Ə. Kliniki diaqnostik laborator müayinə üsulları. Bakı.1996 səh 76 А.Я.Любина, Л.П.Ильичева, Т.В. Катасонова, С.А.Петросова. Клинические лабораторные исследования. Москва «Медицина» 1984 səh 122
70) Normada eritrositin ölçüləri necə olur?
A) Diametri 7-8 mkm, qalınlığı 2 mkm
B) Diametri 1,5 mkm, qalınlığı 1 mkm
C) Diametri 12-13 mkm, qalınlığı 3 mkm
D) Diametri 4-5 mkm, qalınlığı 3 mkm
E) Diametri 10-12 mkm, qalınlığı 3 mkm
Normal eritrositin – diametri 7-8 mkm, qalınlığı 2 mkm qədərdir. Eritrositlərin kənarları tünd boyaq, mərkəzi hissə nisbətən açıq boyaq qəbul edir
Ədəbiyyat: Rəsulova Z.F, Cəfərova G.Ə. Kliniki diaqnostik laborator müayinə üsulları. Bakı.1996 səh 76 А.Я.Любина, Л.П.Ильичева, Т.В. Катасонова, С.А.Петросова. Клинические лабораторные исследования. Москва «Медицина» 1984 səh 122
71) Rəng göstəricisi normada nə qədər olur?
A) 1,5
B) 0,6-0,8
C) 0,5-0,6
D) 0,4-0,5
E) 0,85-1,05
Normada rəng göstəricisi 0,85-1,05 arasında dəyişə bilər. Rəng göstəricisinin təyin edilməsi böyük əhəmiyyətə malikdir. O qan azlığının kliniki təsnifatında geniş surətdə işlədilir.
Ədəbiyyat: Rəsulova Z.F, Cəfərova G.Ə. Kliniki diaqnostik laborator müayinə üsulları. Bakı.1996 səh 87 А.Я.Любина, Л.П.Ильичева, Т.В. Катасонова, С.А.Петросова.Клинические лабораторные исследования. Москва «Медицина» 1984 səh 142,143
72) Oksofil nədir?
A) Qələvi və turş boyalarla boyanma
B) Qələvi boyalarla boyanma
C) Turş boyalarla boyanma
D) Əsasi boyalarla boyanma
E) Neytral boyalarla boyanma
Boyaq qəbul etmə xüsusiyyətinə görə hüceyrələr fərqlənirlər. Turş boyağı qəbul edən, yəni turş boyaqla boyanan hüceyrələr oksofil adlanır.
Ədəbiyyat: Rəsulova Z.F, Cəfərova G.Ə. Kliniki diaqnostik laborator müayinə üsulları. Bakı.1996 səh 153
73) Qan yaranma prosesinin pozulması nəticəsində hansı anemiya baş verir?
A) Hemolitik anemiya (qazanılma)
B) Kəskin posthemorragik anemiya
C) Autoimmun hemolitik anemiya
D) Dəmir və B12 vitamini çatışmazlığı
E) Posthemorrogik anemiya
Anemiya – qan azlığı da adlanır. Qan azlığında qanda eritrositlərin sayı azalır və nəticədə hemoqlobin aşağı düşür. Dəmir və B12 vitamini hemopoetik maddələrdir. Onlar qanyaranmaya spesifik təsir edirlər. Dəmir və B12 vitamini çatışmadıqda qan yaranma pozulur və anemiya baş verir. Qanın əmələ gəlmə prosesinin pozulması nəticəsində dəmir, B12 vitamini çatışmazlığı, və aplastik anemiya əmələ gəlir.
Ədəbiyyat: Rəsulova Z.F, Cəfərova G.Ə. Kliniki diaqnostik laborator müayinə üsulları. Bakı.1996 səh 97 А.Я.Любина, Л.П.Ильичева, Т.В. Катасонова, С.А.Петросова. Клинические лабораторные исследования. Москва « Медицина» 1984 səh 164, 165
74) Kastlın qaraciyərdə aşkar etdiyi xarici faktor (maddə) hansıdır?
A) E vitamini
B) C vitamini
C) A vitamini
D) PP vitamini
E) B12 vitamini
XX əsrin əvvəllərində qaraciyərdə xüsusi maddənin olması aşkar edildi ki, bu da pernisioz anemiyanın müalicəsində böyük əhəmiyyət kəsb etdi. Həmin dövrdə Kastl belə bir fikir irəli sürdü ki, heyvanın qaraciyərində xarici bir faktor vardır ki, hansı ki, bu “xarici faktor” mədənin “daxili faktoru” ilə birləşərək qanın əmələ gəlməsini nizamlayır. Sonralar qaraciyərdə “xarici faktorun” B12 vitamini olduğu aşkar edilmişdir.
Ədəbiyyat: Rəsulova Z.F, Cəfərova G.Ə. Kliniki diaqnostik laborator müayinə üsulları. Bakı.1996 səh 100 А.Я.Любина, Л.П.Ильичева, Т.В. Катасонова, С.А.Петросова. Клинические лабораторные исследования. Москва « Медицина» 1984 səh 165
75) Hansı maddələrin birləşməsindən antianemik kompleks əmələ gəlir?
A) Qlükoza + ATF komleksi
B) Qlükoprotein zülalı + B6 vitamini
C) Qlükoprotein zülalı + B12 vitamini
D) Qlükoprotein zülalı + C vitamini
E) HCl + B2 vitamini
Daxili və xarici faktorlar birləşərək antianemik kompleks əmələ gətirirlər. B12 vitamini insana qida vasitəsi ilə daxil olur. Qida ilə qəbul olunmuş B12 vitamini “daxili faktor” qlukoprotein zülalı kompleksi ilə qana sorulur.
Ədəbiyyat: Rəsulova Z.F, Cəfərova G.Ə. Kliniki diaqnostik laborator müayinə üsulları. Bakı.1996 səh 100 А.Я.Любина, Л.П.Ильичева, Т.В. Катасонова, С.А.Петросова. Клинические лабораторные исследования. Москва « Медицина» 1984 səh 165
Dostları ilə paylaş: | 
