Laboratoriya ishi №2 Mavzu: Cisco Packet Tracer dasturida lan va vlan tarmoqlarini qurish. Ishning maqsadi: cpt dasturida ikkinchi sath kommutatori modeli bilan ishlashni o’rganish

Laboratoriya ishi №2 Mavzu: Cisco Packet Tracer dasturida LAN va VLAN tarmoqlarini qurish. Ishning maqsadi: CPT dasturida ikkinchi sath kommutatori modeli bilan ishlashni o’rganish. Kommutator asosida LAN va VLAN tarmoqlarini qurish bo’yicha bilim va ko’nikmalarga ega bo’lish. Nazariy qism. Kommutator (switch) – bu kompyuter tarmoqlarining bir nechta uzellarini (xostlarini) bir yoki bir nechta tarmoq segmentlari chegarasida bog’lash uchun mo’ljallangan qurilma. Konsentratordan farqli ravishda kommutator ma’lumotlarni faqat qabul qiluvchiga yuboradi. Bu tarmoqning samaradorligini va xavfsialigini tarmoqning boshqa segmentlari ular uchun mo’ljallanmagan ma’lumotlarni qayta ishlashini zaruratining oldini olish hisobiga oshiradi. Kommutatorlar OSI modelining kanal sathida ishlaydi. Kommutator xotirasida kommutatsiya jadvalini saqlaydi, jadval kommutatorning portiga mos keladigan qurilma MAC-adresini ko’rsatadi. Kommutator yoqiganda bu jadval bo’sh bo’ladi va u o’rganish rejimida ishlaydi. Ushbu rejimda qaysidir portga kelgan ma’lumot kommutatorning qolgan barcha portlariga yuboriladi. Bunda kommutator kadrni tahlil qiladi va yuboruvchi-uzel MAC-adresini aniqlab uni jadvalga kiritadi. Keyinchalik, agar kommutatorning portlaridan biriga kadr yuborilsa va u kadr MAC-adresi jadvalda mavjud bo’lgan uzel uchun mo’ljallangan bo’lsa, u holda kadr faqat jadvalda ko’rsatilgan port orqali yuboriladi. Agar qabul qiluvchi uzel MAC-adresi kommutatorning qaysidir portiga mos kelmasa, u holda kadr barcha portlarga yuboriladi. Vaqt o’tishi bilan kommutator o’zining barcha portlari uchun to’liq jadvalni shakllantiradi va natijada trafik lokalizatsiyalanadi. Laboratoriya ishini bajarish bo’yicha uslubiy ko’rsatma Cisco packet Tracer dasturida LAN tarmog’ini qurish. Ushbu mashqada sizdan to’rtta shaxsiy kompyuterni kommutator yordamida birdarajali tarmoqqa 2.1- rasmda ko’rsatilgandek birlashtirib lokal tarmoq modelini hosil qilish talab qilinadi. 2.1-rasm. Kommutator yordamida qurilgan lokal tarmoq. Quyidagi amallarni bajaring: 1. Cisco Packet Tracer dasturini yuklang. 2. Cisco Packet Tracer ishchi sohasiga tarmoqqa birlashtirish lozim bo’lgan qurilmalarni joylang: 2.1. Ishchi sohaga PC0, PC1, PC2 va PC3 ShKlarni joylashtiring. 2.2. Switches guruhini tanlang. Switches guruhidan kommutatorning abstrakt modeli Switch-PT (Generic) ni tanlang va uni ishchi sohaga joylang. 3. Barcha kompyuterlarni kommutatorga to’g’ri mis kabel yordamida ulang (1- laboratoriya ishiga qarang). 4. PC0 kompyuterini sozlang: 192.168.1.1 IP-manzil va 255.255.255.0 niqobni bering. 5. PC1 kompyuterini sozlang: 192.168.1.2 IP-manzil va 255.255.255.0 niqobni bering. 6. PC2 kompyuterini sozlang: 192.168.1.3 IP-manzil va 255.255.255.0 niqobni bering. 7. PC3 kompyuterini sozlang: 192.168.1.4 IP-manzil va 255.255.255.0 niqobni bering. 8. Kommutatorning Ethernet portlari yorug’lik indikatorlarini ifodalovchi barcha rangli nuqtalar qizil rangdan yashil rangga o’tguniga qadar kuting, bu kommutator suhbu portlarni ishchi holatga keltirganligini ko’rsatadi. 9. O’ng tomondagi uskunalar panelidan lupani tanlang va kommutator ustiga olib borib ushbu holatda bir necha sekund kutib turing. Shundan so’ng ekranda kommutator portlari holatini tasvirlovchi kontekst oyna hosil bo’ladi (2.2-rasm) 10.Cisco Packet Tracer dasturini Realtime real vaqt rejimidan Simulation qadamma-qadam modellashtirish rejimiga o’tkazing. 11.Qadamma-qadam modellashtirish rejimidan foydalanib PC0 kompyuteridan PC2 kompyuteriga oddiy paket yuboring va aksincha. 12.Event List hodisalar ro’yxatiga qarang. 13.Reset Simulation tugmasini bosing. 14.Modellashtirish tezligini tartibga soluvchi surgichni o’ng tomon oxiriga o’tkazing. 15.Auto Capture/Play tugmasini bosib modellashtirishni uzluksiz rejimga o’tkazing. 16.Senariya maydonidan Delete tugmasini bosib, modellashtirish senariyalarini tozalang. 17.PC0 kompyuteridan tarmoqqa qisqa keng eshittirishli xabar yuboring: 17.1. Murakkab paket yaratish uchun o’ng tomondagi uskunalar panelidan Add Complex PDU tugmasini bosing, keyin kursorni PC0 kompyuteri ustiga o’rnating va sichqoncha chap tugmasini bosing. Natijada ekranda Create Complex PDU muloqot oynasi hosil bo’ladi. 17.2. Outgoing Port (yuboruvchi port) ro’yxatidan FastEthernet portini ko’rsating. 17.3. Select Application (ilovani tanlash) ro’yxatidan PING ni ko’rsating. 17.4. Destination IP Address (qabul qiluvchi manzili) maydoniga 255.255.255.255 keng eshittirishli manzilni kiriting. 17.5. Source IP Address (manba manzili) maydoniga PC0 kompyuteri IPmanzili 192.168.1.1 ni kiriting. 17.6. TTL paket hayot vaqti maydiniga 32 qiymatni kiriting. 17.7. TOS xizmat ko’rsatish turi maydoniga ICMP protokoli foydalanadigan 0 qiymatni kiriting. 17.8. Sequence Number (ketma-ketlik raqami) maydoniga 1 qiymatni kiriting. 17.9. Modellashtirish parametrlari maydonida One Shot (bir marta bajarish) puntini tanlang va Time boshlang’ich vaqt to’g’risiga 0 qiymatni kiriting. Natijada Create Complex PDU oynasi 2.3-rasmda ko’rsatilgandek ko’rinishga kelishi kerak. 2.2-rasm. Kommutator portlari holatini ko’rish. 2.3-rasm. Murakkab paket yaratish muloqot oynasi. 17.10.Paket yaratish jarayonini yakunlash uchun oynaning pastki qismidagi Create PDU tugmasini bosing. 18.Xabar yuborish jarayoni qanday kechishini kuzating: 18.1. Capture/Forward tugmasini bosing va paketning PC0 komputerdan kommutatorga yuborilish jarayonini kuzating. 18.2. Yana Capture/Forward tugmasini bosing va PC1, PC2, PC3 kompyuetrlariga bir vaqtning o’zida keng eshittirishli paketning uch nusxasi yuborilishini kuzating. 18.3. Capture/Forward tugmasini bosing va PC1, PC2, PC3 kompyuetrlari javob paketlarining kommutatorga yuborilish jarayonini kuzating. Kommutator barcha paketlarni bir vaqtning o’zida PC0 kompyuteriga yuboraolmaydi, shuning uchun ular kommutator buferida jamlanadi (2.4-rasm). 18.4. Capture/Forward tugmasini ketma-ket uch marta bosing va paketlarning kommutatordan PC0 kompyuteriga navbatma-navbat yuborilishini kuzating. 2.4-rasm. Paketlarni kommutator buferida jamlanishi. 19.Modellashtish senariylarini tozalash uchun senariy maydonidan Delete tugmasini bosing. 20.Tarmoqni ikkita mantiqiy qismga ajratish: 20.1. PC2 IP-manzilini 192.168.2.1 qiymatga o’zgartiring. 20.2. PC3 IP-manzilini 192.168.2.1 qiymatga o’zgartiring. Endi PC0 va PC1 kompyuterlari bitta tarmoq ostida joylashgan, PC2 va PC3 kompyuterlari – boshqasida. Tarmoq osti ushbu holatda bir biridan ajratilganligini bildiradi, ular orasida faqat keng eshittirishli paketlar uzatiladi. 21.PC0 kompyuteridan PC1 kompyuteriga oddiy paket yuboring. 22.PC2 kompyuteridan PC3 kompyuteriga oddiy paket yuboring. 23.PC0 kompyuteridan PC2 kompyuteriga oddiy paket yuborishga urunib ko’ring (urunish omadsiz yakunlanadi, sababi ushbu kompyuterlar turli tarmoq ostilarida joylashgan). 24.Modellashtish senariylarini tozalash uchun senariy maydonidan Delete tugmasini bosing. Cisco Packet Tracer dasturida VLAN tarmog’ini qurish. Kompyuter IP address Kommutator Port kommutator VLAN 2_1 10.0.0.1/8 Switch1 1 VLAN 20 2_2 10.0.0.3/8 Switch2 1 VLAN 20 3_1 10.0.0.2/8 Switch1 2 VLAN 30 3_2 10.0.0.4/8 Switch2 2 VLAN 30 Bundan tashqari, biz 2_1 va 2_2 VLAN 20-da, 3_1 va 3_2 VLAN 30-da ekanligini taxmin qilamiz. Qurilgan tarmoqning ulanishini tekshirib chiqamiz. Buning uchun 2_1 dan boshqa barcha kompyuterlarga ping yuboring. Tarmoqda hali VLAN-larga bo'linish bo'lmaganligi sababli, barcha kompyuterlar ma’lumot almashinish mavjud bo'lishi kerak. Endi biz VLAN 20 va VLAN30-ni switchlarda tarmoqlarni tuzish uchun sozlaymiz. Switch1-ni sozlash uchun, Uning CLI menyusini oching. Ochilgan oynada CLI yorlig'iga o'ting, imtiyozli rejimga o'ting va jadvalga muvofiq VLAN 20 va VLAN30-ni sozlang. Kommutatorda VLAN 20 yarating, buning uchun CLI rejimda quyidagi buyruqni bajaring: Switch1#conf t Enter configuration commands, one per line. End with CNTL/Z. Switch(config)# Konfiguratsiya rejimiga o'ting va VLAN 20 va VLAN 30 ni quyidagicha sozlash: Switch1(config)#vlan 20 Switch1(config)#interface fastEthernet 0/1 Switch1(config-if-range)#switchport mode access Switch1(config-if-range)#switchport access vlan 20 Switch1(config-if-range)#exit Switch1(config)#vlan 30 Switch1(config)#interface fastEthernet 0/2 Switch1(config-if-range)#switchport mode access Switch1(config-if-range)#switchport access vlan 30 Kommutatorda mavjud bo'lgan VLAN-lar haqida ma'lumotni quyidagi buyruq bilan ko'ring: Switch1#sh vl br yoki Switch1#show vlan Natija quydagicha ko’rinishda namoyon bo’ladi: Xuddi shu tarzda 2-Switchni sozlang. Hozirda VLANlar haqida ma'lumot almashinuvi mavjud emasligi sababli, kompyuterlar faqat o'zlarini ping qiladi. Endi biz Switchlar o'rtasida almashinadigan magistral yo'lni tashkil qilamiz. Buning uchun har bir switchdagi uchinchi portni magistral porti sifatida sozlang. Switch1 CLI menyusiga kiring va magistral portini o'rnating: Switch1>en Switch1#conf t Switch1(config)#interface fastEthernet 0/3 Switch1(config)#switchport mode trunk Switch1(config)#no shutdown Switch1(config)#exit FastEthernet 0/3 interfeysi konfiguratsiyasi. Switch2-da FastEthernet 0 / 3 avtomatik ravishda magistral sifatida sozlangan. Endi bitta VLANga kiritilgan kompyuterlar ping orqali aloqa qilishi kerak. Sizda 2_1 va 2_2 kompyuterlari, shuningdek 3_1 va 3_2 o'rtasida aloqa o'rnatilishi kerak. Ammo boshqa VLANdagi kompyuterlar o’rtasida aloqa mavjud bo'lmaydi.
1-amaliy ish skrinshotlari:

2-amaliy ish skrinlari: