Ma`lumotlar bazasini tashkil qilish

Ma`lumotlar bazasini tashkil qilish

Sohalar ma`lumotlar bazasi – bu katta tashkilotlar information tizimlari hisoblanib, ular o`zida bir necha o`nlab MBni saqlaydai. Bu MB har xil bo`limlarda joylashgan o`zaro bog`langan EHMlarda joylashgan bo`ladi.
Amaliy ma`lumotlar bazasi – bu bir yoki bir necha amaliy masalalarni уechish uchun zarur bo`lgan berilganlarni birlashtiruvchi ma`lumotlar bazasidir.
Sohalar ma`lumotlar bazasi har qanday joriy va kelgusi ilovalarni quvvatlashni ta`minlab beradi. Uning ma`lumotlar elementlari amaliy ma`lumotlar elementlari to`plami bazasiga ham kiradi.
Mbni loyihalashtirishnung joriy va oldindan ko`rilgan ilovalarga asoslanib yuqori effektli informatsion tizimlarniyaratishni yanada tezlashtirish mumkin. Shu sabab amaliy loyihalash Mbni ishlab chiqaruvchilarni o`ziga jalb etmoqda. Bunday informatsion tizimlarda ilovalar sonining oshib borishi amaliy MB sonini tez o`stirib yubormoqda.
Shunday qilib har bir qarab chiqilgan loyihalashga bo`lgan usul har xil yo`nalishdagi loyihalashtirish natijasiga ta`sirini ko`rsatadi.
Maqsadga erishish uchun loyihalash metadalogiyasini tashkil etishda sohali va amaliy usullarni qo`llash effektivligiga bog`liqdir. Umuman olganda sohali usul boshlang`ich informatsion strukturani qurish uchun ishlatiladi, amaliy usul ese uni rivojlantirish maqsadida ma`lumotlarni qayta ishlash effektivligini oshirishda ishlatiladi.
Informatsion tizimlarni loyihalashda bu tizimlarni to`liq analiz qilish va unga bo`lgan foydalanuvchilar talablarini aniqlashga olib keladi. Ma`lumotlarni yig`ish mohiyatni o`rganish bilan boshlanadi.
Mbni loyihalashning asosiy maqsadi – bu saqlanadigan ma`lumotlarni kamaytirish, ishlatiladigan xotira hajmini iqtisod qilish va ko`p qaytariladigan operatsiyalarni kamaytirishdir.

Ma`lumotlar bazasini normallashtirish

Normallashtirish – bu ma`lumotlarni qo`shishda, o`zgartirishda va o`chirishda eng yaxshi xususiyatlarga ega ikki yoki undan ortiq bo`laklarga jadvalni bo`lish. Normallashtirishning asosiy maqsadi ma`lumotlar bazasini olishga qaratilganki, unda har bir dalil (fakt) faqat bir joyda uchraydi, ya`ni ma`lumotlar ortib ketmaydi. Bu faqat xotiradan tejam foydalanlish maqsadida qilinmay, balki saqlanayotgan ma`lumotlar orasida qaramaqarshiliklarni bartaraf qilish uchundir.
Har bir jadval relyatsion ma`lumotlar bazasida shunday shartlarni qoniqtiradiki, unga ko`ra jadvalning har bir ustun va satrining kesishish joyida har doim yagona atomar qiymat joylashadi va hech qachon ko`p miqdorda xuddi shunday qiymatlar bo`lishi mumkin emas. Shu shartni qoniqtiruvchi har qanday jadval normallashgan deyiladi. Umuman olganda normallashmagan jadvallar, ya`ni takrorlanuvchi ma`lumotlar guruhiga ega jadvallar relatsion ma`lumotlar bazasiga kiritilmaydi.
Har qanday normallashgan jadval avtomat ravishda birinchi normal formada, qisqacha 1NF, deb hisoblanadi. Shunday qilib, umuman olganda, “normallashtirilgan” va “1NF da joylashgan ” bitta ma`noni anglatadi. Lekin amaliyotda “normallashtirilgan” atamasi ko`proq tor ma`noda islatiladi – “to`liq normallashtirilgan”, ya`ni proyektda normallashtirishning hech qaysi prinsipi buzilmayapti degan ma`noda.
Keyingi pog`onadagi normallashtirishlarni ko`rib chiqamiz – ikkinchi normal forma (2NF), uchinchi normal forma (3NF) va hokazo. Umuman olganda, jadval 1NF da bo`lsa va undan tashqari yana bir qo`shimcha shartni qoniqtirsa, uning ma`nosi keyinroq ko`rib o`tiladi. Jadval 3NF da deyiladi, qachonki u 2NF dab o`lsa va yana bir qo`shimcha shartni qoniqtirsa va hokazo.
Har bir normal forma qandaydir ma`noda oldingisiga qaraganda ancha chegaralangan, lekin ma`qulroqdir. Bu shunga bog`liqki, “N-chi normal forma” ega bo`lgan ba`zi yoqimsiz tomonlariga “(N+1)-chi normal forma” ega emas. N-chi normal forma ga qarab (N+1)-chi normal formaga qo`yilgan qo`shimcha shartning umumiy ma`nosi ana shunday yoqimsiz tomonlarni yo`qotishdan iborat.
Normallashtirish nazariyasi jadval maydonlari orasidagi u yoki bu bog`liqlikning borligiga asoslanadi. Bunday bog`liqliklarning ikki turi aniqlangan: funksional va ko`p qiymatli
Funksional bog`liqlik: Berilgan ixtiyoriy vaqtda A maydonning har bir turli qiymatiga mos ravishda albatta B maydonning har bir turli qiymatidan faqat bitta qiymati bo`lsa, jadvalning B maydoni huddi shu jadvalning A maydoniga funksional bog`langan deyiladi. Aytib o`tish kerakki, A va B maydonlar tashkil qiluvchilar bo`lishi mumkin.
To`liq funksional bog`liqlik: B maydon A tashkil qiluvchiga to`liq funksional bog`liq bo`ladi, agar u A ga funksional bog`liq bo`lsa va A maydonning boshqa qitymatlariga bog`liq bo`lmasa.
Ko`p qiymatli bog`liqlik: A maydon huddi shu jadvalning B maydonini ko`p qiymatli aniqlaydi, agar A maydonning har bir qiymatiga mos ravishda B maydonning aniqlangan qiymatlari bor bo`lsa.
Ko`p funksional bog`liqlikga misol “O`qish jadvali”

Tartib	Muallim	Darslik
Dasturlash	Abdullayev I.R.	Liberti Dj . Osvoy samostoyatelno C++
Dasturlash	Raxmonov U.K.	Forsayt R. Pascal dlya vsex
Dasturlash	Kovalev N.N.	Liberti Dj. Osvoy samostoyatelno C++
Dasturlash	Kovalev N.N.	Forsayt R. Pascal dlya vsex
Dasturlash	Raxmonov U.K.	Faysman K. Professionalnoye programmirovaniye na Paskale

Jadvalda ko`p qiymatli bog`liqlik bor “Tartib-Muallim”: tartib bir nechta muallim tomonidan o`qilishi mumkin. Yana boshqa bog`liqlik ham bor “Tartib-Darslik”: informatikani o`tishda “Pascal dlya vsex”, ”Osvoy samostoyatelno C++” va “Professionalnoye programmirovaniye na Pascale” darsliklari ishlatiladi. Bunda Muallim va Darslik funksional bog`lanmagan, bu esa ortiqchalikka olib keladi (yangi darslikni yozish uchun yana ikkita yangi qator yozish kerak bo`ladi). Bu jadvalni ikkiga ajratganda ish yaxshilanadi.