Odam organizmi har xil organlardan iborat. Suyaklar, mushaklar, yurak, me'da, o'pkalar shular jumlasidandir. Har bir organ murakkab tuzilgan bo'lib, organizmda maxsus funksiya bajaradi. Organlarda xilma-xil to'qimalarni ko'rish mumkin. To'qimalar, o'z navbatida, tuzilishi jihatidan bir-biriga o'xshash va organizmda muayyan funksiya bajaradigan hujayradan tuzilgan. To'qimalardan, hujayralardan tashqari, hujayralararo moddalar ham bo'ladi. Organizmda asosan, to'rt xil to'qima bor. Ular bir-biri bilan birikib, organlarni hosil qiladi. Tuzilishi har xil bo'lishiga qaramay, bir xil funksiya bajaradigan organlar organlar tizimi deb ataladi.
