2022 yilda aholi jon boshiga YaIM 2255 AQSh dollariga teng bo‘ldi. Bir yil oldin bu qiymat 1983 AQSh dollari edi. O‘zbekistonda 2022 yilda aholi jon boshiga YaIM 2255 AQSh dollariga teng bo‘ldi. Bu haqda Markaziy bank tomonidan Oliy Majlis Senatining yalpi majlisiga taqdim qilingan hisobotda aytiladi. Bu ko‘rsatkich bo‘yicha o‘tgan davrga nisbatan o‘sish qariyb 15 foizni tashkil qilgan.
Qayd qilinishicha, 2022 yilda O‘zbekistonda iqtisodiy o‘sish ko‘rsatkichi 5,7 foizni tashkil etgan bo‘lsa, inflatsiya darajasi 12,3 foiz bo‘lgan. Bu esa, o‘z navbatida, aholi real daromadlarining yuqori sur’atlarda (o‘sishi 9,7 foiz) o‘sib borayotganligida hamda yil yakunida jon boshiga YaIM hajmining 2 255 AQSh dollariga yetganligida namoyon bo‘lgan.
2023 yilning dastlabki 6 oyi ma’lumotlari bo‘yicha Qoraqalpog‘iston Respublikasi kambag‘allik darajasi eng yuqori hudud ekani ma’lum bo‘ldi — 19,7 foiz. Undan keyingi o‘rinlarni Sirdaryo (19,5) va Xorazm (19,1) viloyatlari egallab turibdi.
Kambag‘allik darajasi past bo‘lgan hududlarga Toshkent shahri (8,5 foiz), Navoiy (9,2 foiz) va Buxoro (11,9 foiz) viloyatlari kiritilgan.
Qayd qilinishicha, O‘zbekistonda bugungi kunda 1,3 milliondan ortiq oila kambag‘al hisoblanadi, kambag‘allik darajasi 14,1 foizni tashkil qiladi.
