«Davlat boji» axborot tizimiga talab. Vakolatli organlar tomonidan budjetga yo‘naltirilgan davlat boji bo‘yicha hisobotga ma’lumot kiritishdan oldin hisobot taqdim etuvchining elektron raqamli imzosi (ERI) so‘ralishi va kiritilgan elektron raqamli imzo to‘g‘ri bo‘lgan holda keyingi ma’lumotlarni kiritish imkoni mavjud bo‘lishi lozim.
Elektron hisobot to‘diriladigan til (o‘zbek yoki rus tili) tanlanishi lozim.
Agar hisobot taqdim etuvchi vakolatli organlarida soliq to‘lovchining identifikatsion raqami (bundan buyon matnda STIR deb yuritiladi) mavjud bo‘lmasa, hisobotni elektron tarzda topshirish imkoniyati mavjud bo‘lmasligi lozim.
Vakolatli organlarning elektron soliq hisoboti DSIga topshirilganligi to‘g‘risida berilgan javobida davlat soliq xizmati organi xodimi tomonidan quyidagi ma’lumotlar ko‘rsatilishi lozim:
- elektron hisobot elektron pochta orqali yuborilganligi to‘g‘risida belgi;
- taqdim etilgan hisobotning varaqlar soni;
- ro‘yxatga olingan raqam;
- taqdim etilgan sana;
- elektron hisobotni qabul qilgan soliq inspektorining ismi, familyasi va sharifi;
Ushbu ma’lumotlar vakolatli organning pochta manziliga quyidagi shaklda avtomat tarzda javob yuboriladi.
