Mavzu: Mustaqillik yillarida O’zbekistonda tarix fanining rivojlanishi. O‘zbekistonda tarixshunoslik fanining alohida soha sifatida rivojlanishi

Birinchi davr asosan 1917 yilgacha yozilgan tadqiqotlarni, ikkinchi davr 20-50 yillarda, uchinchi davr esa 50 yildan to 80 yillar birinchi yarmiga qadar yaratilgan asarlarni qamrab oladi. To‘rtinchi davrga oid adabiyotlar tarixshunoslikda “Qayta qurish” deb nom olgan O‘zbekiston Respublikaisining mustaqillikka erishganiga qadar va mustaqillik yillarida vujudga kelgan asarlar majmuidan iboratdir.
O‘zbekiston mustaqillika erishgach tarixshunoslik fanida yangi sahifa ochildi. Ayniqsa bu borada Birinchi Prezidentimiz I.Karimovning 1996 yil 18 sentyabrdagi O`zbekiston Respublikasi Prezidenti huzuridagi Davlat va jamiyat qurilishi akademiyasi qoshida «O`zbekistonning yangi tarixi markazini tashkil etish to’g’risida»gi farmoyishi va O`zbekiston Respublikasi Vazirlar Maxkamasining 1996 yil 16 dekabrdagi qaror goyat katta dastur amal ahamiyatga ega bo’ldi. Mazkur tarixiy xujjatlarda O`zbekistonning yangi tarixini tayyorlashdek ulkan vazifa qo‘yildi, buni amalga oshirishda XIX asrning o‘rtalaridan hozirgi kungacha xalqimiz hayotida sodir bo‘lgan tarixiy voqealarni, bosqichlarni va o‘zgarishlarni to‘la qamrab olishga e’tibor berishi alohida ta’kidlandi.
Birinchi Prezident tomonidan tarixchilar oldiga katta va asosiy vazifalar qo‘yildi:
1. O‘zbekiston tarixini o‘rganishning konsepsiyasi qanday bo‘lishi kerak? 
2. O‘zbek xalqining kelib chiqishi va davlatchiligi tarixini qanday o‘rganish kerak?
3. Zamonaviy tarixchining qiyofasi qanday bo‘lishi kerak.? 
4. O‘zbek davlatchiligi tarixi qachondan boshlangan?
Qo‘yilgan masalalarni hal qilish uchun tarix fanining metodologik asoslarini tubdan o‘zgartirish zarur edi. Prezident suhbatidan keyin e’lon qilingan O`zbekiston Reslublikasi Vazirlar Mahkamasining «O`zbekiston Reslublikasi Fanlar akademiyasi Tarix instituti faoliyatini takomillashtirish to‘g’risida» gi qarori (1998 yil 24 iyul) tarix fanining vazifalarini strategik jihatdan o‘zgartirish uchun asos bo‘ldi) Vu qaror o`zbek tarixshunosligining keyingi yunalishini belgilab olishda, o`zbek milliy davlatchiligi tarixini tadqiq etishda muhim ahamiyat kasb etmoqda.
I.Karimovning 1998 yil 26 iyunda bir guruh tarixchi olimlar bilan bo‘lgan uchrashuvda bildirgan fikr-g‘oyalari, tarixchilari uchun dasturiamal, kontseptual ahamiyatga ega bo‘lib, ular o`zbek tarixshunosligining hozirgi taraqqiyotini va bundan keyingi asosiy ustuvor yo‘nalishlarini belgilab berish.
Mustaqillik yillarida tarixchi olimlarimiz tomonidan bir talay tarixiy asarlar chop qilindi. Ulardan ayrimlarini ko’rib chiqamiz:
Axmedov B. O`zbekiston xalqlari tarixi manbalari. 1991 y.
Axmedov B. Tarixdan saboqlar. 1994 y.
Saidqulov T. O’rta Osiyo xalqlari tarixining tarixshunosligidan lavhalar. 1993 y.
Karimov Sh., Shamsiddinov R. Turkiston Rusiya bosqini davrida. 1995 y.
Kamoliddinov S. Istoricheskaya geografiya Yujnogo Sogda i Toxaristana po araboyazichnim istochnikam IX nachalo XIII veka. 1996 g.
Raximov J. O`zbekiston tarixini urganishda arxiv manbalaridan foydalanish. 1995 y.
Bobobekov X. Quqon tarixi. 1996 y.
O`zbekiston tarixini urganish va uqitishning dolzarb masalalari. 1993 y.
O`zbekistonning yangi tarixi(Turkiston chor Rossiyasi mustamlakachiligi davrida) 2000y.
O’zbekiston Respublikasi Fanlar akademiyasi bilan bir vaqtda uning tarkibida Tarix instituti tashkil etildi. Bu tarix oldida qisqa bir muddat bo’lishiga qaramay, tub o’zgarishlar sodir bo’lganligi jihatidan butun bir davrga teng: bir tuzumikkinchisi bilan almashdi va shunchaki almashib qolmadi-qadimiy ildizlariga ega bo’lgan, boyva bebaho madaniyat yaratgan mamlakat mustaqillikga erishdi, jahon hamjamiyatiga teng huquqli a’zo sifatida kirib, o’zining o’ziga xos taraqqiyot yulini tanladi.


3.Mustaqillikning 28 yili davomida barcha sohalarda, shu jumladan, fan va uning yetakchi yunalishlaridan biri bo’lgantarix fanida ham katta va tub o’zgarishlar yuz berdi. Bu o’zgarishlar va yutuqlar birinchi navbatda butun yil davomida tarix fanining bayroqdori bo’lib kelgan O’zR FA Tarix institute faoliyati bilan bog’liq. Bu mashaqqatli yulda tarixchilarning o’zlari ham, ularning ilmiy tadqiqotlari ham sovet hukumati mafkurachilarning tazyiqlarini boshdan kechirishlariga to’g’ri keldi. Bu o’rinda Amir Temurning tarixda tutgan o’rnini xolis baholash va uni buyuk sarkarda hamda davlat arbobi sifatida ko’rsatishga uringani uchun taniqli olim, akademik Ibrohim Mo’minovning kuchli tazyiqlarga duchor bo’lganligi yaqqol misol bula oladi. Shunga qaramay, ayni shu davrda tarix fanida,ayniqsa qadimgi va o’rta asrlar tarixi hamda arxeologiyada katta yutuqlar qulga kiritildi.
Institut olimlari tomonidan O’zbekistonning ijtimoiy-iqtisodiy taraqqiyoti bilan bog’liq ilgari ma’lum bo’lmagan va o’qilmagan juda katta miqdordagi ko’lyozmalar ilmiy muomilaga kiritildi, arxeologoya sohasida O’zbekiston zaminida eng qadimgi madaniyat avtoxton tarzda taraqqiy etgani va u rivojlangan sivilizatsiyaning mahsuli ekanligini ko’rsatishga imkon beradigan muhim kashviyotlar amalgam oshirildi. Bunda O’zbekiston arxeologiya va umuman tarix fanining shakillanishiga raxbarlik qilgan akademik Yahyo G’ulomovning hissasi beqiyos. Bugina emas. Uning qattiyati, har qanday vaziyatda ham o’z-o’ziga va fanga sodiq qodirligi tufayli ko’plab arxeologik, tarixiy yodgorliklar hamda obyektlar saqlab qolindi.


O’tgan yillar mobaynida tarix instituti o’zbek xalqi etnografiyasini o’rganish markaziga aylandi. Bu ishga M.S.Andreev, O.A.Suxareva, K.Sh.Shoniyozov kabi taniqli olimlar o’zlarining katta hissalarini qo’shdilar. Mazkur dargohda faoliyat ko’rsatayotgan ularning shogirtlari o’z ustozlarini hali-hanuz alohida hayajon bilan esga oladi. Aynan shu yillarda o’zbeklarining oilasi va turmush tarzi, kasb-hunari, urf-odatlarini o’rganish boshlandi. Albatta, bu soha ham komunistik-atiestik qoliblar doirasidan tashqariga chiqolmadi. Bunday qiyinchiliklarga qaramay, tariximizning mustamlaka va sovet davrini tadqiq etishda muayyan yutuqlarga erishildi. Bu borada nomlari O’zbekistondan tashqarida ham mashhur bo’lgan H.Z.Ziyoev va R.H.Aminova kabi olimlarning hizmatlari katta bo’ldi. 

O’zR FA Tarix instituti kadrlar tayyorlash buyicha O’rta Osiyoda hamisha birinchi o’rinni egallab kelganligini alohida takidlab o’tish joiz. Tarix fanining ko’olab yunalishlari boshqa respublikalarda rivojlanmagan edi, shuning uchun institut yitakchi olimlarining shogirtlari orasida qozoqlar, qirg’izlar, turkmanlar va boshqa millat tarixchilari ham bo’lib ular hozirda o’z mamlakatlarining fan sohasida qizg’in faoliyat ko’rsatmoqdalar.