Metallarning kimyoviy tarkibi. Bunda po„lat tarkibidagi turli aralashma va Qo’shimchalarning foiz hisobidagi miqdori xarakterlanadi. Uglerod - po„latni mustahkamlik va oquvchanligini oshirsa, uning egiluvchanlik va payvandlanishini kamaytiradi. Kremniy - po„latni mustahkamligini oshirsa, uning zarb yopishqoqligi va payvandlanishini kamaytiradi. Marganes – po’latni mustahkamligini oshirsa, uning egiluvchanligini kam miqdorda kamaytiradi. Mis – po’latni mustahkamligi va zanglashga chidamligini oshiradi. Alyuminiy – po’latni yaxshi oksidlantirib, zararli bo’lgan fosfor ta’sirini barqarorlashtiradi, zarb yopishqoqligini oshiradi. Po’lat tarkibiga nikel, xrom, vanadiy, volfram va boshqa uni toblovchi. Qo’shimchalar aralashtirilganda uning mexanik xossasi sezilarli darajada oshadi. Fosfor – po’lat tarkibida bo’lgan fosfor o’ta zararli bo’lib, uning egiluvchanligi va zarb yopishqoqligini tezda kamaytiradi va uni past haroratda mo’rt bo’lishiga olib keladi. Oltingugurt – po’latni mustahkamligini kamaytirib, uni payvandlash paytida yoriqlar hosil bo’lishiga olib keladi. Metallni eritishda havo orqali o’tgan kislorod, vodorod va azodlarning bo’lishi uning tarkibini yomonlashuviga hamda uni mo’rt bo’lib qolishiga olib keladi.
