Mavzu: Xirurgik statsionarning tuzilishi bilan tanishuv. Toza va yiringli xirurgiya haqida tushuncha

O’quvchi bajara olishi kerak.

• 
  Bemorni rejali operatsiyaga tayyorlashni;
  
• 
  Bemorni operatsiya xonasiga transportirovka qilishni;
  
• 
  Bemorni operatsiya xonasidan palataga transportirovka qilishni;
  
• 
  Operatsiyadan keyin bemorlarni parvarish qilishni;
  

Bemorni rejali operatsiyaga tayyorlash algoritmi.

Bajarilish tartibi.

1. 
   Operatsiyaning zarurligi tushuntiriladi va uning natijasi yaxshi bo’lishiga ishontiriladi.
   
2. 
   Bemorning operatsiyadan oldingi holatiga baho beriladi (arterial bosim o’lchanadi, puls va nafas harakatlarining soni sanaladi).
   
3. 
   Bemorga parhez haqida tushuntiriladi: operatsiyadan oldingi kun kechqurun bemorga yengil kechki ovqat beriladi, operatsiya kuni ertalab bemorni ovqatlantirilmaydi.
   
4. 
   Ichak tozalanadi, operatsiyadan 3 soat oldin tozalash huqnasi (klizma) qilinadi.
   
5. 
   Operatsiyadan oldingi kun, kechqurun vrach-anesteziolog buyurgan sedativ dori vositalari yuboriladi (bemor dam olishi vat inch uxlashi uchun).
   
6. 
   Bemorga dush qabul qilish tavsiya etiladi, oqliklar almashtiriladi.
   
7. 
   Operatsiyaga bevosita transportirovka qilish oldidan bemor hamma gigiyenik muolajalarni o’tkazishi kerak.
   
8. 
   Operatsiyadan 30 daqiqa oldin premedikatsiya qilinadi, bemorni aravachada operatsiya xonasiga olib kelinadi.