Mavzu: Zamonaviy avtomatlashtirilgan loyihalash tizimlari va ularni texnik sohalarda qo‘llanilishi

Boshqariluvhi grafika

Matlab sirtlar, chiziqlar va boshqa grafik ob’ektlarni o’zlashtirish va yaratish imkonini beruvchi past darajadagi funktsiyalar majmuasini taqdim qiladi. Bu tizim boshqariluvchi grafika (Handle Graphics) deyiladi. Grafik ob’ektlar - bu Matlabdagi boshqariluvchi grafika tizimining bazis elementlaridir. Ular ierarxik daraxt tuzilishli ko’rinishda bo’ladi. U orqali grafik ob’ektlar bog’lanishini ko’rish mumkin. Boshqariluvchi grafika ob’ektlarining 10 ta ko’rinishi mavjud:

• 
  Root
  
• 
  Figure
  
• 
  Uicontrol
  
• 
  Axes
  
• 
  Uimenu
  
• 
  Image
  
• 
  Line
  
• 
  Surface
  
• 
  Text
  
• 
  Light
  

Har bir grafik ob’ekt o’zining handle(manipulyator) deb ataluvchi identifikatoriga ega. Bu identifikatorni Matlab ob’ekt yaratilganda qo’shib qo’yadi. Ayrim grafiklar, masalan, bir nechta egri chiziqlar grafiklari, har biri o’z identifikatoriga ega bo’lgan ob’ektlardan tashkil topadi. Barcha ob’ektlar xossalarga ega. Bu xossalar uni ekranga qanday chiqishini aniqlab beradi.

Matlab tizimi operatorlari

Matlab tizimining operatorlari uchta kategoriyaga bo’linadi:

• 
  arifmetik operatorlar - hisoblashlarni bajaradi va arifmetik ifodalarni tuzish imkonini beradi.
  
• 
  munosabat operatorlari - sonli operandlarni solishtirish imkonini beradi.
  
• 
  mantiqiy operatorlar - mantiqiy ifodalarni tuzish imkonini beradi.
  

Arifmetik operatorlarning bajarilish tartibi:

1. 
   (.’) (.^) (‘) (^)
   
2. 
   (+) (-)
   
3. 
   (.*) (./) (.\) (*) (/) (\)
   
4. 
   (+) (-)
   
5. 
   (:)
   

Matlab tizimining arifmetik operatorlari bir xil o’lchovli massivlar bilan ishlaydi. Vektorlar va to’g’ri to’rtburchakli massivlar uchun ikkala operand ham bir xil o’lchovga ega bo’lishi kerak (skalyarlar bundan mustasno).
Munosabat operatorlari: < > <= >= == ~=
Munosabat operatorlari teng o’lchovli ikkita massivni elementlari bo’yicha solishtirishni bajaradi. Vektorlar va to’g’ri to’rtburchakli massivlar uchun ikkala operand ham bir xil o’lchovga ega bo’lishi kerak (skalyarlar bundan mustasno).
Mantiqiy operatorlar: & | ~
Mantiqiy operatorlar teng o’lchovli massivlarni elementlari bo’yicha solishtirishni amalga oshiradi. Vektorlar va to’g’ri to’rtburchakli massivlar uchun ikkala operand ham bir xil o’lchovga ega bo’lishi kerak (skalyarlar bundan mustasno).