Mədəniyyət və turizm Mündəricat

 
Yusif  Məmmədəliyevin  memorial  muzeyi.  1985-ci  ildə  yaradılmışdır.  AMEA-nın  Neft-Kimya 
Prosesləri İnstitutunda yerləşir. Muzeydə görkəmli kimyaçı alim, SSRİ EA-nın müxbir üzvü, akademik Yusif 
Heydər  oğlu  Məmmədəliyevin  (1905-1961)  həyatını  və  elmi  fəaliyyətini  əks  etdirən  fotosənədlər,  diplomlar, 
müxtəlif rəsmi sənədlər, Y.Məmmədəliyevin elmi kəşflərinə dair sxemlər nümayiş etdirilir.  

---

163 
 
 
Muzeyin ünvanı: Bakı şəhəri, Xocalı pr., 30  
 Telefon: [phone] 
 
*** 
 
Bəhruz Kəngərlinin ev-muzeyi. Muzey Azərbaycan rəssamlıq sənətinin görkəmli nümayəndələrindən 
biri,  təsviri  sənətimizdə  realist  dəzgah  boyakarlığının  banisi  Bəhruz  Kəngərlinin  xatirəsini  əbədiləşdirmək 
məqsədilə 2002-ci ildə Naxçıvan şəhərində Bəhruz Kəngərlinin ev muzeyi yaradılmışdır. Burada 361 eksponat 
qorunub saxlanılır və nümayiş etdirilir ki, bunların da 56-ı rəssamın əsərlərinin orijinalı, qalanları isə əsərlərinin 
fotosurətlərindən,  habelə  ailəsi,  həyat  və  fəaliyyəti  ilə  bağlı  sənədlərdən,  məişət  əşyalarından  və  digər 
materiallardan ibarətdir. Xəstəliyi ilə əlaqədar qısa ömür sürmüş və cəmi 7 il yaradıcılıq fəaliyyəti ilə məşğul 
olmaq imkanı qazanmış Bəhruz Kəngərli 2000-ə qədər rəsm əsəri yaratmışdır. 
Muzeyin ünvanı: Naxçıvan şəhəri, Atatürk  küçəsi 75 
***