Məişət zorakılığı haqqında anlayışlar. Təcavüzkar davranış nəzəriyyələri

Cinsi və reproduktiv zorakılıq

• 
  Ginekoloji xəstəliklər: sonsuzluq, çanaq nahiyəsində iltihabi xəstəliklər
  
• 
  Hamiləlik vaxtı ağırlaşmalar: düşük
  
• 
  Təhlükəli abortlar
  
• 
  Arzuolunmaz hamiləlik
  
• 
  Cinsi disfunksiya
  
• 
  İİV/QİÇS də daxil olmaqla, cinsi yolla yoluxan xəstəliklər
  

Psixoloji zorakılıq:

• 
  Alkoqol və narkotiklərdən sui-istifadə etmə
  
• 
  Depressiya və təşviş
  
• 
  Qidalanma və yuxu pozuntuları
  
• 
  Xəcalət və günah hissləri
  
• 
  Fobiyalar və vahimə
  
• 
  Fiziki apatiya
  
• 
  Özünü aşağı qiymətləndirmə
  
• 
  Posttravmatik stress pozuntuları
  
• 
  Psixo-somatik pozuntular
  
• 
  Tütünçəkmə
  
• 
  İntihar cəhdləri və özünə zərər yetirmə davranışı
  
• 
  Təhlükəli cinsi davranış
  

Ölümlə nəticələnmə

• 
  İntihar
  
• 
  QİÇS səbəbindən ölüm
  
• 
  Doğuş və hamiləlik zamanı ölüm
  

Zorakılıq uzun müddət davam edirsə, qurban yardım və dəstək almırsa, acizlik, çıxılmazlıq, ümidsizlik, təcrid, qorxu, özünə və düşdüyü vəziyyətə görə rüsvayçılıq hissləri dərinləşə bilər. Bu zaman posttravmatik stress pozuntuları və onun nəticələri meydana çıxa bilər.

Məişət zorakılığı ilə mübarizə üçün qadınlar hərəkatı 1970-ci illərdə ABŞ-da başlamışdır. O vaxtdan etibarən tədqiqatçılar məişət zorakılığının qarşısının alınması məqsədi ilə onun yaranma səbəbləri haqqında anlayışlara yiyələnmək üçün bir sıra nəzəriyyələr təklif etməyə nail oldular. Bu nəzəriyyələr arasında ən çox məişət zorakılığının sonradan öyrənilən davranış nəzəriyyəsi, zorakılıq silsiləsi nəzəriyyəsi və güc və nəzarət nəzəriyyəsi haqqında daha geniş müzakirələr aparıldı.