Darsni jihozlash – tebranish konturi mavzusiga oid jihozlar, prujinaga
osilgan jism, shtativ, mavzuga oid slaydlar va videoproyektor, ekran.
Uslubiy tavsiyalar – elektromagnit tebranishlar mavzusidagi elektr
hodisalarni o’rganish ancha murakkab. Bu mumurakkablikni bartaraf etishda
zaruriyatga qarab mexanik tebranishlarning o`xshashligini qo`llash mumkin.
Darhaqiqat, erkin mexanik tebranishlar, masalan, prujinaga bog`langan
sharchaning tebranishlari bilan tebranishlar konturidagi elektr tebranishlar
o`rtasida o`xshashlik mavjud. Bu o`xshashlik davriy ravishda o`zgaruvchan
kattaliklarning o`zlarini tabiatga bog`liq emas, balki kattaiklarning davriy
o`zgarish jarayoniga taaluqlidir. Shuning uchun bu o`xshashlikning chegarasini
oqilona, to`g`ri aniqlab qo`llash esa hodisani tasavvurlashni shakllantirishga
yordam beradi. Natijada o`quvchilar mexanik tebranishlar o`xshashligini elektr
tebranishlarning real jarayoni kabi juda tez qabul qiladilar. Shuning uchun bu
yerda gap faqat jarayonlarning o`xshashligi to`g`risida borayapti, ammo
ularning aynan emasligini tajribada ko`rsatish zarur. Aks holda o`quvchilar
mexanik va elektromagnit tebranishlarni aynan bir xil deb xato tasavvurga ega
bo`lishlariga yo`l qo`yilishi mumkin.
Dostları ilə paylaş: | 
