Microsoft Word Materiallar Full

Azərbaycan Respublikasındakı mövcud vəziyyət 

Respublikamızda da məllimlərin  İKT bacarıqlarının inkişaf etdirilməsi məsələsi  ən aktual məsələlərdəndir. Müasir 

İKT-dən istifadə etməklə  təhsilin keyfiyyətini yüksəltmək, ölkədəki təhsil sisteminin dünya təhsil sisteminə  və  əhalinin 

informasiya cəmiyyətinə inteqrasiyasını təmin etmək məqsədi ilə Azərbaycan Respublikasının Prezidenti 21 Avqust 2004-

cü ildə “Azərbaycan Respublikasında ümumtəhsil məktəblərinin informasiya və kommunikasiya texnologiyaları ilə təminatı 

Proqramı (2005-2007-ci illər)” [2] və 10 iyun 2008-ci ildə  “2008-2012-ci illərdə Azərbaycan Respublikasında təhsil 

sisteminin informasiyalaşdırılması üzrə Dövlət Proqramı”nı  təsdiq edib [3]. Bu proqramların  əsas vəzifələri arasında 

ümumtəhsil məktəblərinin müasir tipli kompyuter avadanlıqları ilə təchiz olunması, ümumtəhsil məktəblərində şəxsi heyətin 

İKT-dən öz fəaliyyət sahələrində istifadə etməsinin öyrədilməsi, Azərbaycan Respublikası  təhsil sisteminin informasiya 

infrastrukturunun yaradılması  və s. nəzərdə tutulmuşdur. Proqramlara əsasən təhsil sistemində çalışanların  İKT üzrə 

savadlılığının artırılmasına yönəldilmiş kompleks tədbirlərin həyata keçirilməsi Təhsil Nazirliyinin rəhbərliyi ilə müvafiq 

qurumlar tərəfindən həyata keçirilir.  

 2011-ci  ildə YUNESKO-nun təşəbbüsü, Təhsil və Rabitə  və  İnformasiya Texnologiyaları nazirliklərinin dəstəyi ilə 

“Biliklərə əsaslanan cəmiyyətdə müəllimlərin kompetensiyaları: siyasət, pedaqogika, sosial vərdişlər” mövzusunda konfrans 

keçirilmişdir. Bu konfrans çərçivəsində AMEA İnformasiya Texnologiyaları  İnstitunda  “Açıq təhsil resursları” 

mövzusunda seminar təşkil olunmuşdur [4]. 

"Mədəd" təşkilatı  tərəfindən 4 istiqamətdə  təlimlər aparılmışdır: "Müəllimlərin peşəkarlıq səviyyəsinin 

təkmilləşdirilməsi", "İntel - Gələcək üçün təhsil", "Elektron məktəb" və  "İnzibati-idarəetmə heyəti üçün İKT-nin təhsilə 

tətbiqi" təlimləri. Bu istiqamətdə Qafqaz universitetinin fəaliyyətini də göstərə bilərik [5]. Belə ki, Qafqaz Universitetinin 

təşkilatçılığı ilə 2005, 2009, 2010-cu illərdə 4 dəfə olmaqla təlim kursları keçirilmişdir. Bu kurslarda Abşeron, Sumqayıt, 

Xırdalan və  Xızı ümumtəhsil məktəblərindən 400-ə yaxın informatika və digər fənn müəllimləri iştirak edib. Kurslar 4 

modul üzərə aparılıb, bunlar aşağıdakılardır: 

  Kompyuterlərin əsasları və Kompyuter vasitəsiylə təlim məlumatları 

  Windows əməliyyat sistemi və Office proqramları 

  Kompyuter təlim proqramları və onların hazırlanma texnologiyaları 

  Təlim məqsədli veb saytlarının hazırlanması texnologiyaları 

Təkliflər 

Müəllimlərin İKT bacarıqlarının inkişaf etdirilməsi 2 istiqamətdə aparılmalıdır: 

  Müəllimlərin İKT avadanlıqları ilə davranış qaydaları və istifadəsi 

  Müəllimlərin İKT vasitələrinin təlim-tədris fəaliyyətində istifadəsi 

---