Mövzu 1: Büdcənin sosial- iqtisadi mahiyyəti və funksiyaları

 
Ədəbiyyat 
 
1. “Büdcə sistemi haqqında” Azərbaycan Respublikasının Qanunu 2002. 
2. Azərbaycan Respublikasının Vergi Məcəlləsi. Bakı 2011. 
3. “Təhsil haqqında” Azərbyacan Respublikasının Qanunu. 
4. Ş.Ş.Bədəlov, P.B.Məhərrəmov, F.Ə.Qurbanov. Büdcə sistemi.Bakı 2003. 
5. Z.Vəliyev .Büdcə.Bakı 2010. 
6. N.A.Novruzov, X. Ə.Hüseynov.Maliyyə. Bakı 2007. 
7. M.M.Sadıqov, S.M. Məmmədov .Maliyyə sistemi. Gəncə 2010. 
Azərbaycan Respublikasının təhsil sistemi məktəbəqədər müəssisələrdən 
başlayaraq diplomdan sonrakı təhsil də daxil olmaqla çox geniş sahəni əhatə edən 
fasiləsiz (ardıcıl) fəaliyyət göstərən bir sistemidir. 
Təhsil sisteminə məktəbəqədər tərbiyə müəssisələri, ümumtəhsil məktəbləri,
məktəbdənkənar müəssisələr, peşə təhsili müəssisələri, orta ixtisas və ali təhsil 
təhsil müəssisələri, ixtisasartıma institutları, həmçinin qeyd edilən müəssisələrə 
KitabYurdu.az 
96

---

müxtəlif səpgidə,köməklik göstərən və onlara rəhbərlik edən idarə, müəssisə və 
təşkilatlar daxildir. 
Respublikamızda 2000- 2001- ci tədris ilində fəaliyyət göstərən 1790 
məktəbəqədər müəssisədə 3 min nəfərlik uşağın tərbiyə ilə 32 min işçi, 16 min 
pedaqoji işçi məşğul olmuşdur. 
Azərbaycan təhsil sistemində ümumtəhsil məktəblərinin xüsusi yeri vardır. 
Ümumtəhsil məktəbləri geniş şəbəkəyə malikdir. 2000- 2001- ci tədris ilində 
respublikada fəaliyyət göstərən 4548 ümumtəhsil məktəbində təhsil alan 1654 
min nəfər şagirdin təlim – tərbiyəsi ilə 165 min nəfər müəllim məşğul olub.
Ümumtəhsil məktəbləri ilə yanaşı respublikada peşə təhsili müəssisələri də 
fəaliyyət göstərir. 2000 – 2001 – ci tədris ilində 119 peşə təhsili müəssisəsində 25 
min nəfər gənc müxtəlif peşələr üzrə təhsillərini davam etdirmişlər. Peşə 
məktəbləri və peşə liseylərində gənclərin təlim- tərbiyəsi ilə 3,5 min nəfərə yaxın 
mühəndis – pedoqoji işçi məşğul olmuşdur. 
2000- 2001- c tədris ilində respublikamızda 68 dövlət, 3 qeyri- dövlət (özəl) 
orta ixtisas məktəbi fəaliyyət göstərmişdir. Dövlət orta ixtisas məktəblərində 41,2 
min nəfər tələbənin təlim- tərbiyəsi ilə 5316 nəfər pedaqoji işçi məşğul olub. 
Ali məktəb müəssisələri də respublikamızın həyatında mühüm əhəmiyyət kəsb 
edir. 2000- 2001 – ci tədris ilində respublikamızda 25 dövlət ,17 qeyri- dövlət( 
özəl) ali təhsil müəssisəsi fəaliyyət göstərmişdir. Ali təhsil müəssisələrində 119,7 
min nəfərdən çox tələbə təhsil almış,həmin tələbələrin təhsili ilə 13,3 min 
nəfərədək professor- müəllim heyəti məşğul olmuşdur.