Mövzu Sosial psixologiyada tətbiqi tədqiqatların xüsusiyyətləri

d) Təhsil müəssisələrində psixoloji xidmətin təşkili məsələləri—

Təhsil müəssisələrində psixoloji xidmət şəbəkəsi 90-cı illərin əvvəllərindən formalaşmağa başlamışdır. Bu gün respublikamızda çox cəhətli təhsil islahatlarının həyata keçirildiyi bir şəraitdə məktəbə psixolji xidmətin təşkili xüsusi aktuallıq kəsb edir. Məktəbə psixoloji xidmətin təşkili məktəbin əsas strateji məqsədinin bütün praktik problemlərinin müvəffəqiyyətlə həll edilməsində mühüm vasitə sayılır.

Şagirdlərə fərdi yanaşma, onların təlim çətinliklərinin aradan qaldırılması, uşaq şəxsiyyətin inkişafındakı çatışmazlıqların, məktəblilərin təlimdə geri qalma hallarının psixoloji diaqnostikası və onların aradan qaldırılması üçün tədbirlərin müəyyən edilməsi, şagirdlərin tərbiyə və təlim prosesində meydana çıxan çətinliklərin psixoloji profilaktikası üzrə iş - bunların hamısı məktəbdə psixolji xidmətin vəzifələrinə daxildir. Məktəb psixoloqları 6 yaşlı uşaqların təlimi, şagirdlərin qabiliyyət və istedadının vaxtında düzgün müəyyənləşdirilməsinə, məktəb və ailə tərbiyəsində çətin və ziddiyyətli hallar meydana çıxarkən müəllim və valideyinlər üçün psixolojiməsləhətlərin təşkili kimi məsələlərin uğurlu həllinə yaxından kömək göstərir.