Sənaye və aqrar inqilablarının iqtisadi-siyasi nəticələri. Sənaye inqilabının başlamasının əsas nəticəsi əmək məhsuldarlığının artması və kapitalist istehsalının güclü inkişafı olmuşdur. Toxuculuq sənayesinə maşınların tətbiq edilməsi bu sahənin inkişafına səbəb oldu. XVIII əsrin son 15 ili ərzində İngiltərədə pambığa olan tələbat 4 dəfə artdı. Həmin dövrdə çıxarılmış kömürün kütləsi isə iki dəfə artdı. İstehsalın maya dəyəri aşağı düşdü, sənaye mallarının qiyməti azaldı. Bununla yanaşı maşınlı istehsala keçid fabrik və zavodların eləcə də sənaye şəhərlərinin böyüməsinə sürətləndirdi. XVIII əsrin sonlarında Mançestr, London, Şeffild Birminheymvə Lide iri sənaye şəhərlərinə çevrildilər. Sənaye istehsalının inkişafının səviyyəsinə görə isə ilk yeri ölkənin şimal rayonları tuturdu.
Burjua inqilabının sosial nəticələri daha böyük idi. İnqilab cəmiyyətdə tam dəyişikliyə səbəb olmuşdur.