Yeraltı suların iyi. Yeraltı sular tərkibində biokimyəvi xarakterli qazların və çürümüş üzvi maddələrin olması nəticəsində müxtəlif iylərə malik olurlar. Yeraltı suların iyi həm təbii, həm də süni mənşəli ola bilər. Təbii mənşəli iyə torpaq, hidrogen-sulfid, bataqlıq və s., süni mənşəli iyə isə xlor, dərman, neft məhsulları iyi aid edilə bilər. Məsələn: suyun tərkibində H2S qazının olması onlarda lax yumurta iyi əmələ gətirir. Dayaz yatma dərinliyinə malik yeraltı sular bataqlıq suları ilə əlaqədar olduqda «bataqlıq» iyi verir. Suyun keyfiyyətinin təyin edilməsində onun iyinin öyrənilməsinin böyük əhəmiyyəti var və onun dəqiq təyin edilməsi üçün suyu bir qədər qızdırmaq (60°C-ədək) lazım gəlir. İçməli suların iyi və tamı standartlara əsasən 20°C-də 2 bal götürülür.
