Mühazirə 16. Logistikada tara və qablaşdırma

Logistikada qablaşdırmanın əsas funksiyaları aşağıdakılardır:

• 
  zədələrdən qoruma;
  
• 
  nəqletmə və yükün emalının rahatlığının təmin olunma;
  
• 
  informasiya.
  

Logistik prosesdə məhsulun zədələnməsinin ən tipik amilləri aşağıdakılardır:

• 
  vibrasiya;
  
• 
  yüksək təzyiq;
  
• 
  zərbə;
  
• 
  deşilmə.
  

Yükün emalı prosesində və ya nəql etmədə məhsul bəzən bütün bu təsirlərə eyni zamanda məruz qalır. Nəql edilmə zamanı yükün qorunmasının ən tipik qorunma metodları bunladır:

• 
  strop (ip, buraz);
  
• 
  qayış;
  
• 
  amortizasiya edən palet;
  
• 
  nəqliyyat vasitəsinin kip doldurulması.
  

Qablaşdırmanın aşağıdakı növləri istifadə edilir:

− kisələr;

− büzmə kartondan qutular;

− konteynerlər;

− ağacdan və plastik kütlədən yeşiklər;

− sisternlər;

− paletlər (altlıqlar);

− termik oturdulmuş qablaşdırma.

Qabların işlənib hazırlanma prosesində mümkün zədələyici təsirlərin nəzərə alınması və bu təsirlərə davam gətirə bilən materialların və konstruksiyaların seçilməsi çox vacibdir.

Tara – qablaşdırmanın növü olub məhsulun yerləşdirilməsi üçün istifadə olunur və nəql etmə, yükləmə-boşaltma, anbarlaşma işləri və saxlanma zamanı zədələnmənin və xarab olmanın qarşısını almaq məqsədi daşıyır. Taraya yeşiklər, çəlləklər, konteynerlər aiddir.