MühaziRƏ MƏTNİ Mövzu Mikroiqtisadiyyat- iqtisadi nəzəriyyənin tərkib hissəsi kimi

4.4. Bazar infrastrukturunun yaranması və əsas elementləri
Bazar infrastrukturu əmtəə və xidmətlərin hərəkətləri­ni, alqı-satqı aktlarını və ya bazara xidmət edən və onun normal rejimdə fəaliyyətini təmin etmək üzrə müəyyən funksiyaları yerinə yetirən institutlar, sistemlər, xidmətlər, müəssisələrin cəmini əhatə edən təşkilati-hüquqi formala­rın məcmusudur.
Müasir bazarın infrastrukturunun əsas elementləri bun­lardır:

• 
  birjalar (əmtəə, xammal, fond, valyuta), onların təşkilati rəsmiləşdirilmiş vasitəçiliyi;
  
• 
  hərraclar, yarmarkalar və sair təşkilati qeyri-birja vasitəçiliyi formaları;
  
• 
  kredit sistemi və kommersiya bankları;
  
• 
  emissiya sistemi və emissiya bankları;
  
• 
  əhalinin məşğulluğunun tənzimlənməsi sistemi və məşğulluğa dəstəyin hökumət və qeyri-hökumət mərkəzləri (əmək birjaları);
  
• 
  informasiya texnologiyaları və işgüzar kommunikasiya vasitələri;
  
• 
  vergi sistemi və vergi müfəttişliyi;
  
• 
  kommersiya təsərrüfat riskinin sığortalanması sistemi və sığorta şirkətləri;
  
• 
  xüsusi reklam agentlikləri, informasiya mərkəzləri və kütləvi informasiya vasitələri agentlikləri;
  
• 
  ticarət palataları, işgüzar dairələrinin digər ictimai, könüllü və dövlət təşkilatları (assosiasiyaları);
  
• 
  gömrük sistemi;
  
• 
  muzdla işləyənlərin həmkarlar ittifaqları;
  
• 
  kommersiya-sərgi kompleksləri;
  
• 
  ali və orta iqtisadi təhsil sistemi;
  
• 
  audit şirkətləri;
  
• 
  məsləhət (konsaltinq) şirkətləri;
  
• 
  iş fəallığının həvəsləndirilməsi təyinatlı ictimai və dövlət fondları;
  
• 
  xüsusi azad sahibkarlıq zonaları.
  

İnfrastruktur bazar subyektlərinin sivil xarakterli fəaliy­yətini təmin etməlidir, özü də onun elementləri subyektlərə kənardan verilməyib, bazar münasibətlərinin özündən törən­mişlər.