Mühazirə mətnləri Bakı ­- 2015

ƏSAS İQTİSADİ TERMİN, KATEQORİYA VƏ ANLAYIŞLARIN İZAHLI LÜĞƏTİ
A

Abonement - Müəyyən müddət ərzində müxtəlif nemət-lərdən və xidmətlərdən istifadə etmək hüququ verən sənəd.

Abstraksiya - Hadisə və proseslərin təhlili gedişində isti-fadə olunan mücərrəd yanaşma metodu.

Açıq bazar əməliyyatları - Dövlətin pul-kredit siyasətinin tərkib hissəsi kimi Mərkəzi Bankın qiymətli kağızları açıq bazarda alıb-satması.

Açıq iqtisadiyyat - Milli iqtisadiyyatın dünya təsərrüfat əlaqələrində və beynəlxalq əmək bölgüsündə optimal iştirakı.

Açıq inhisar - Bir şirkətin (korporasiyanın) müəyyən dövr ərzində bazarda tək istehsalçı və satıcı kimi fəaliyyət göstərməsi.