12-seminar: Yangilanayotgan O’zbekiston: Milliy tiklanishdan – milliy yuksalish sari Reja. 1.Yangilanayotgan O’zbekiston: Prezident SH.M.Mirziyoev yangi O’zbekistonning novator rahbari 2. Milliy tiklanishdan – milliy yuksalish sari. 3.Harakatlar strategiyasi – milliy taraqiyotimizning yangi bosqichi. Tayanch tushunchalar: Konsepsiya, Sanksiya, Strategiya, milliy tiklanish, milliy yuksalish,Oliy Majlis, «Elektron hukumat», Qonun va adolat – ustuvorligi
Mamlakatimizda mustaqillik yillarida amalga oshirilgan keng ko‘lamli islohotlar milliy davlatchilik va suverenitetni mustahkamlash, xavfsizlik va huquqtartibotni, davlatimiz chegaralari daxlsizligini, jamiyatda qonun ustuvorligini, inson huquq va erkinliklarini, millatlararo totuvlik va diniy bag‘rikenglik muhitini ta’minlash uchun muhim poydevor bo‘ldi.
Mustaqillik tufayli O’zbekiston dunyo hamjamiyatining teng huquqli aʼzosi boʻlib, yorugʻ kelajagimiz oʻz qoʻlimiz bilan bunyod etib kelinmoqda.
O’zbekiston istiqlol yillarida erishgan yutuqlarga tayanib, milliy tiklanishdan –
milliy yuksalish sari dadil qadam qoʻyb bormoqda.Mamlakatimiz taraqqiyotini
yanada yuksak bosqichga koʻtarish maqsadida Harakatlar strategiyasini qabul qilindi.
Bu noyob hujjatda belgilangan ulugʻvor vazifalarni roʻyobga chiqarishga qatʼiy kirishilgani O’zbekiston uchun yangi ufq va imkoniyatlarni ochib berdi.Dunyo miqyosida raqobat keskinlashib borayotgan hozirgi murakkab davrda mamlakatimizni ilm-fan yutuqlari, yuqori texnologiyalar asosida modernizatsiya qilish va yangilash eng muhim vazifaga aylandi. 2018 yilni yurtimizda Faol tadbirkorlik, innovatsion gʻoyalar va texnologiyalarni qoʻllab-quvvatlash yili, deb eʼlon qilindi.Bu borada qabul qilingan Davlat dasturida 11 trillion 200 milliard soʻm va 1 milliard 300 million AQSH dollari hajmidagi ishlarni amalga oshirish koʻzda tutildi. Dastur ijrosini taʼminlash uchun keng koʻlamdagi ulkan ishlar olib borildi.O’zbekistonda faol investitsiya siyosati yuritilib, zamonaviy korxonalar barpo etildi, soliq tizimi tubdan isloh qilinib, tadbirkorlik va xususiy mulkni rivojlantirish, barcha soha va tarmoqlarda innovatsiya, ilm-fan yutuqlari, yangicha va ijodiy yondashuvlarni joriy etishga alohida eʼtibor berildi.
