Mundarija: Kirish I. Bob. Pedagogik konfliktologiya fan sifatida

Pedagogik konfliktalogiya fanining vazifalari:

• 
  gumanitar fanlar sohasi sifatida uning ob’ekti va predmetidagi izlanishdir va asosiy kotegoriyalari haqida talabalarda nazariy tasavvurlarni shakllantirish;
  
• 
  pedagogik faoliyatning insonparvarlikka yo‘naltirilganligi ni ochib berish;
  
• 
  konfliktlarni bartaraf etish, oldini olish, yechimini topishning asosiy shakl va usullarini egallash;
  
• 
  pedagogik konfliktning qonuniyatlari va faktorlari haqida to‘liq tasavvurni shakllantirish;
  
• 
  pedagogik konfliktli vaziyatlarni muvofiqlashtirish, tahlil qilish va tushunish, umumiy ilmiy yondashishni aniqlay bilishdan iboratdir.
  

Fanning ta’limdagi o‘rni pedagogik jarayon keng qamrovli bo‘lib, unda turli pedagogik konfliktlarning yuzaga kelishi tabiiy hodisadir. Pedagogik jarayonda yuz beradigan konfliktlar o‘ziga xos xususiyatlar, rivojlanish darajasi va bosqichlari, chegarasiga ega. Bo‘lajak pedagoglarda pedagogik konfliktlarni oldini olish va bartaraf etish ko‘nikma va malakalarini shakllantirishda mazkur fan alohida ahamiyatga ega. Pedagogik konfliktologiya fani bo‘yicha o‘qituvchi kasbga oid nazariy va amaliy bilimlarni egallashi, pedagogik jamoa bilan doimiy muloqotda bo‘lish ijobiy natijalar beradi. Binobarin, bunday muhitda o‘zaro fikr almashish, shaxsiy mulohazalarni boshqalar tomonidan bildirilayotgan qarashlar bilan taqqoslab, ularning to‘g‘riligi, haqqoniyligiga ishonch hosil qilish, mavjud bilimlarni yanada boyitish, xato yoki kamchiliklarni aniqlash hamda ularni bartaraf etish yo‘llarini topish imkoniyati mavjud.
Hozirgi zamon fan va texnikasi jadal sur’atda rivojlanayotgan, zamonaviy axborot texnologiyalarining salmog‘i keskin oshayotgan bir davrda o‘qituvchi pedagogik mahoratini takomillashtirish muhim ahamiyat kasb etadi. Agar, ilgari fanning biror sohasida ro‘y berayotgan yirik kashfiyot qariyib o‘n besh yillik samarali va kishi zo‘rg‘a ishonadigan voqea hisoblangan bo‘lsa, hozir har yili, xatto har oyda fan, texnika sohasida yangi kashfiyotlar yaratilmoqda, bilimlarning ilgari noma’lum bo‘lgan yangi yo‘nalishlari maydonga kelmoqda. Kishilarda bilimga bo‘lgan intilish beqiyos darajada o‘sib bormoqda.
Pedagogik konfliktologiya fani ixtisoslik fani hisoblanib, uning rivojlanishi qator pedagogik, xususan, pedagogika, pedagogika nazariyasi, oila pedagogikasi, ijtimoiy pedagogika, pedagogik texnologiya, pedagogik mahorat, umumiy psixologiya, yosh va pedagogik psixologiya, psixologik konfliktalogiya, pedagogika tarixi, qiyosiy pedagogika, shuningdek, anatomiya va fiziologiya, psixologiya, sotsiologiya, falsafa, tarix, huquq va boshqa ijtimoiy fanlar bilan yaqin aloqadorlikda o‘rganiladi va shu fanlar bilan birgalikda hamkorlikda ish olib boradi.