Mundarija

1.1-rasm.  Fitonematodalar  bilan  zararlangan  o`simliklarning    vegetativ  a`zolari. 

Bunda:  A - kartoshka;  B – piyoz; C – pomidor;  D –g`o`za;  E -ituzum;  F –sabzi.  

 

---

 

18 

P.K.  Erjanova  o`z  tadqiqotlarida  Samarqand  viloyati  Samarqand  tumanida 

g`o`za  va  uning  rizosferasi  tuprog`i  nematodafaunasini  o`rganib,  ushbu 

o`simlikning  vegetativ  a`zolari  va  rizosferasi  tuprog`ida  84  tur  nematoda 

uchrashini  aniqlaydi.  Nematodafauna  tarkibidagi  12  tur  fan  uchun  yangi  turlar  deb 

topiladi.  P.K.  Erjanovaning  ma`lumotlariga  binoan    Samarqand  tumanining 

paxtachilik  bilan  shug`illanuvchi  xo`jaliklarida  g`o`za  o`simligining  yer  usti 

vegetativ  a`zolarida    nematodalar    miqdori  ildiz  sistemasidagiga  nisbatan  10 

barobar  kam  bo`lishini  qayd  qiladi.  Shuning  bilan  birga  g`o`zaning  yer  usti  va  yer 

osti  vegetativ  a`zolarida  uchrovchi  turlarning  barchasi  rizosfera  tuprog`i 

qatlamlarida  ham  uchratilgan.  Bundan  tashqari  tuproq  qatlamlarida  topilgan 

nematoda  turlari  va  ularning  individlari  miqdorini  qatlamlar  bo`yicha  o`zaro 

solishtirilganda,  0-10  sm  li  tuproq  qatlami  pastki  qatlamlarga  nisbatan 

chuvalchanglar  ancha  ko`p  va  turli-tuman  bo`lishi  bilan  ajralib  turadi.  Shunday 

qilib,  hozirgi  vaqtda  O`zbekistonning  ko`pgina  viloyatlarida  g`o`za  va  uning 

rizosfera  tuprog`i  nematodafaunasi  190  turdan  iborat  bo`lishi  aniqlanadi.  Ushbu 

fauna  tarkibidan  joy  olgan  parazit  fitonematodalardan  bo`rtma  nematodalari,  poya 

nematodalari,  afelenx  va  pratilenxlar,  shuningdek  ektoparazit  turlar  g`o`za 

maydonlarida  ancha  keng  tarqalganligi  isbotlab  berildi.  Ushbu  nematodalarning 

salbiy  faoliyati  tufayli  ko`pgina  viloyatlarda  sabzovotchilik,  kartoshkachilik,  kanop 

etishtirish  va  paxtachilikka  katta  zarar  keltirish  e`tiborga  olingan  O`zbekiston 

Respublikasi  sharoitida  sabzavot  ekinlarining  nematodafaunasini  o`rganish  va  ular 

orasidan  parazit  fitonematodalarni  aniqlash  ishiga  dastlab  prof.  A.T.To`laganov 

asos  solgan.  U  Zarafshon  vodiysining  Buxoro,  Karmina,  Kattaqurg`on  va 

Samarqand  tumanlari  sharoitida  pomidorning  nematodafaunasini  o`rganib,  ushbu 

o`simliklarning  vegetativ  a`zolarida  hamda  rizosferasi  tuprog`i  qatlamlarida  25 

turdan iborat nematodalar  bo`lishini  aniqlaydi  [50, 59].  

 

Nematodafauna  tarkibidagi  turlar oddiy afelenx (Aphelenchoides parietinus), 

Kyun  afelenxi  (A.Kűhnii),  poya  nematodasi  (Ditylenchus  dipsaci)  va  maysa 

pratilenxi  (Pratylenchus  pratensis)  kabilar  sabzavot  ekinlariga,  jumladan  pomidor 

---

 

19 

uchun  ham  zararli  ekanligini  qayd  etadi.  A.T.To`laganovning  keyinchalik  olib 

borgan  tadqiqotlarida  Zarafshon  vodiysining  turli  tuman  va  xo`jaliklarida  sabzavot 

bodring,  qand  lavlagi,  piyoz,  karam,  sabzi  va  pomidorning  fitonematodalarini 

o`rganish  ishini  davom  ettirib,  ushbu  o`simliklarda  turli-tuman  fitonematodalar 

uchrashini  hamda  ularning  ayrimlari  sabzavot  ekinlari  uchun  katta  havf 

tug`dirishini  isbotlaydi. 

 

A.T.To`laganovning  ma`lumotlariga  binoan  piyozda  23  tur,  bodringda  26 

tur,  pomidorda  28  tur  va  sabzida  20  tur  nematodalar  bo`lishi  bilan  xarakterlangan. 

Sabzavot  ekinlarining  yer  usti  va  ildiz  sistemalarida  topilgan  turlarning  ko`pchiligi 

o`simlik  shirasi  bilan  oziqlanuvchi  parazit  fitonematodalardan  iborat  bo`lgan. 

Shunisi  xarakterli  bo`lganki  tadqiq  etilgan  sabzavot  ekinlarining  barchasini 

vegetativ  a`zolarida  parazit  turlardan  Ditylenchus  dipsaci  va  Aphelenchoides