Mundarija

 

---

 

28 

1.4.2. Kimyoviy usul 

 

O`simliklarning  parazit  nematodalariga  qarshi  kurashda,  ularga  ta`sir  etuvchi  

kimyoviy  moddalar  topishga  qaratilgan  izlanishlar  ancha  oldin  boshlangan. 

Masalan,  1871-yilda  Kyun  Germaniya  lavlagi  nematodasiga  qarshi  oltingugurt 

uglerodini  qo`llagan,  lekin  qoniqarli  natija  bermagan.  Keyinchalik  oltingugurt 

uglerodini  AQSH  dab  bo`rtma  nematodalariga qarshi qo`llanilgan va bu yerda ham 

natija  ko`ngildagidek  bo`lmagan.  Bu  sohadagi  dastlabki  yaxshi  natija  birinchi 

jahon  urishidan  keyin  Angliyada  nematodalarga  qarshi  xlorpikrinni  qo`llanilganda 

olindi.  Xlorpikrin  yordamida  olib  borilgan  ijobiy  natijalar  Korolina  shtatida 

(AQSH)    va  sobiq  SSSR  da lavlagi hamda bo`rtma nematodasiga qarshi kurashda 

namoyon bo`ladi [55].  

 

Amerika  armiya  tomonidan  xlorpikrin  ananas  plantatsiyalariga  bo`rtma 

nematodalariga  qarshi  kurashda  foydalanilgan  va  bu  bir  necha  yillar  yaxshi  natija 

bergan.  Nematodalarga  qarshi  xlorpikrinni  sanoat  miqyosida  ishlab  chiqarish 

1937-yildan  boshlangan.  

 

1940-yilda  metilbromidni  yuqori  nematotsidlik  xususiyati  borligi  ma`lum 

bo`ldi,  ikkinchi  jahon  urishi  yillarida  amerikalik  tadqiqotchilar  D-D  (1,3-

dixlorpropen-1,2  dixlrpropan)  va  etilen-dibromid  (1,2-dibrometan)  lardan  keng 

foydalanishgan  [52]. 

 

Dastlabki  ijobiy  natijalar  olingandan  so`ng,  tuproq  va  o`simliklarni 

nematodalardan  tozalash  uchun  ishlatiladigan  preparatlar  yangi  avlodlarini  izlab 

topishga  katta  e`tibor  qaratilgan.  1950-yillardan  boshlab  asosan  AQSH  va  Angliya 

bozorlarida  har  yili  yangidan-yangi  preparatlar  paydo  bo`la  boshladi.  Bulardan 

nemagon, varam, milon,  talon va boshqalar keng foydalanilib  kelingan. 

 

Nematotsid  xususiyatli  zaxarli  kimyoviy  moddalarni  ishlab  chiqarish  va 

tarqatilish  tezlik  bilan  olib  borildi.  Bu  preparatlarni  narxini  balandligi  uni 

sotilishiga  ta`sir  etmadi.  Buni  bir  misol  bilan    izohlash  mumkin.  Janub  bo`rtma 

nematodasi-Meloidogyne  incognita  ga    qarshi  kurashda  tuproqni  ishlov  berishda 

1m

2

  joydagi  bodring  ekiladigan  maydonga  0,05-0.3  so`m  mablag`  sarf  etiladi.  Shu 

---

 

29 

maydonda  bu  usul  qo`llanilgan  qo`shimcha  daromat  sifatida  bodringdan  2-8  so`m 

foyda ko`rilgan  [50]. 

 

MDH  da  o`simliklarning  parazit  nematodalariga  qarshi  kurashishda 

foydalaniladigan  yangi  kimyoviy  moddalarni  ishlab  chiqish  Ya.  V.  Samo ylov 

nomidagi  o`g`itlar  va  insektofungitsidlar  ilmiy-tadqiqot  instiituti  va  boshqa  ko`plab 

tashkilotlarda  olib  borildi.  Hozirda  MDH  sanoatida  bir  qator  yuqori 

samaradorlikka  ega  nematotsid  preparatlari  ishlab  chiqaradi.  Tavsiya  etilgan 

nematotsid  preparatlarga  metilbromid,  karbation,  nemagon,  №  23,  №  93  

preparatlari  tiofos,  xlorpikrin  va  boshqalarni  misol  qilib  keltirish  mumkin.  Bu  kabi  

preparatlardan  foydalanish  chog`ida  uni  ishlatish  talablariga  qat`iy  rioya  qilish, 

shaxsiy  va  ommaviy  xavfsizlik  charalari  ko`rilgan  holda  amalga  oshirish  lozim. 

Qo`llash  muddatlari  va  me`yorlari  buzilganda  nematoasidlar  aks  ta`sir  etishi 

mumkin,  masalan,  ekinlarqattiq  zararlanishi,  nobud  bo`lishi  mumkin.  Bundan 

tashqari  ular  odamlar  va  hayvonlarning  sog`lig`iga  ham  jiddiy  ziyon  etkazadi  [2, 

49].  

 

Tuproq  fumigantlari-nematotsidlarni  amalyotda  qoniqarli  qo`llash  uchun 

quyidagi  talablarni  bajarish  lozim: 

 

1.  Nematotsid  tuproqqa  shimilish  yoki  kamida  30  sm  chuqurlikka  o`tishi 

kerak.  Ba`zida  parazit  nematodalr  tuproqning  chuqurroq  qavatlarida  uchraydi, 

bunday  paytlarda  zaharli  kimyoviy  moddalarni  yanada  chuqurroqqa  yuborish talab 

etiladi.   

 

2.  Nematotsidlar  parazitni  o`rab  turuvchi  turli  to`siqlar:  sistalar,  o`simlik 

ildizining  to`qimalari,  kutikulasi,  tuxim  qobig`idan  o`tishi  lozim.  Shunda 

nematotsid nematodani nobud qiladi.   

 

3.  Nihoyat,  nematotsidlar  qo`llanilgach,  ma`lum  bir  vaqtdan  so`ng  tuproqda 

o`simlik  oziqlanishi  uchun  zararli  hisoblangan  zararli  moddalar  qolmasligi  talab 

etiladi. 

 

Tuproqda  nisbatan  tez  va  bir  tekisda  gazlar  tarqaladi.  Gazlardan 

nematotsidlar  sifatida  foydalanishning  anchagina  murakkabligi  bor  va  kam 

---

 

30 

maydonni  qamrab  oladi.  Biroq,  shunday  bo`lsada,  kichik  maydonlarni  qayta 

ishlashda  yaxshi  natija  beradi.  Foydalanish  uchun  nisbatan  qulay  usuli  bu-

suyuqlikni  bug`lantirish  hisoblanadi.   

 

Agar  yetarli  miqdorda  suv  zaxirasi bo`lsa, tuproqning yuzasiga qattiq, suvda 

eriydigan  nematotsid sepiladi  va keyin  serob qilib sug`oriladi  [29].