Muqobil energiya manbalari

2-mavzu. Atom energetikasi tarmog‘i
	3-mavzu. Energetika sohasida davlat nazorati
	4-mavzu. Sanoat korxonasining energetik balansi
	5-mavzu. Energiya tejamkorligi ko‘rsatkichlarining tavsifi va tarkibi
	6-mavzu. Energiyani tejash tadbirlarini tanlash tartibi
	7-mavzu. Energiya tejamkor tadbirlarni samaradorligini oshirish usullari
	8-mavzu. Energiya tejamkor tadbirlarning samaradorligi mezonlari
	9-mavzu. Issiqlik o‘tkazuvchanlik. Asosiy tushuncha va ta’riflari. Issiqlik o‘tkazuvchanlik qonuniyatlari
	10-mavzu. Sanoat korxonalarida issiqlik almshinuvini tahlil qilish va baholash
	11-mavzu. Sanoat korxonasining issiqlik yo‘qotish-larini kamaytirish usullari va ularning tahlili
	12-mavzu. Issiqlik energiyasini hisobga olish uchun hisoblash usullarini tahlil qilish
	13-mavzu. Issiqlik energiyasini hisobga oluvchi o‘lchash vositalari yordamida baholash
	14-mavzu. Sanoat korxonalarining energetik tahlili va energoaudit yordamida uning samaradorligini baholash
	15-mavzu. Sanoat korxonalarida bino va inshootlarning issiqlik balansini tahlil qilish
	16-mavzu. Sanoat korxonalarida energiya samaradorlikni tekshirish. Energomenejment tizimining yuqori tashkilot tomonidan tekshirilishi
	17-mavzu. Energiya samaradorligini baholash kompaniyalari va energo xizmat ko‘rsatish shartnomalari
	18-mavzu. Samaradorlikni oshirishda samaradorlik chegaralari va uni oshirish chora tadbirlari
	19-mavzu. Sanoat korxonalarida issiqlik energiyasini hisoblashda o‘lchash usullaridan foydalanish
	20-mavzu. Issiqlik energiyasini aniqlashdagi xatolilar. Hisoblash qurilmalarini tekshirish va attestatsiyadan o‘tkazish
	21-mavzu. Sanoat korxonasining elektr energiya iste’moli hisoblash usullari
	22-mavzu. Sanoat korxonalarida energiya samaradorlikni oshirishda namunaviy chora tadbirlarni qo‘llash
	23-mavzu. Sanoat korxonalarida samaradorlikni oshirishda qayta tiklanuvchi va ikkilamchi energiya manbalaridan foydalanish
	Foydalanilgan adabiyotlar

1- mavzu. Neft, gaz va elektr energetika tarmog`i.
Reja:

1. 
   Tiklanuvchi va tiklanmaydigan energiya resurslari.
   
2. 
   Shartli yoqilg‘i.
   
3. 
   O‘zbekiston yoqilg‘i-energetika majmuasining tavsiflari.
   

Yoqilg’i energetika resurslari
Elektr energiyasi boshqa turdagi energiyalardan bevosita yoki oraliq o`zgartirish yo`li orqali olinadi. Buning uchun tabiiy organik energetik resurslardan va yadroviy yoqilg`i, shuningdek, qayta tiklanuvchan energiyalardan, ya‘ni daryolarning oqimi, sharshalar, okean oqimlari, quyosh radiatsiyasi, shamol, geotermal massalar va boshqalardan foydalaniladi.
Elektr energiyasidan sanoat va qishloq xo`jalik sohalarida, transportda, aloqa tizimlarida, hamda maishiy xizmatda keng foydalaniladi. Elektr energiyasini ishlab chiqarish va uni tarqatish energetika sohasiga tegishli hisoblanadi. Shuning uchun energetika xalq xo`jaligining asosiy tarmog`i hisoblanadi.
Hozirgi vaqtda mamlakatimizning elektrlashtirish tizimini yaratish va xalq ho`jaligini turli sohalarini elektr energiyasi bilan ta‘minlash uchun elektr energiyasining ko`p qismi (80% atrofida) issiqlik elektr stansiyalarida (IES) organik yoqilg`ining kimyoviy energiyasini o`zgartirish yo`li bilan amalga oshiriladi.
Elektr energiyasini ishlab chiqarish hajmi bo`yicha ikkinchi o`rinda gidroelektrostansiyalar (GES) turadi. Bunda gidroturbinalar va gidrogeneratorlar yordamida elektr energiyasiga o`zgartiriladigan daryolar oqimi energiyasidan foydalaniladi.
Elektr energiyasini asosiy ishlab chiqaruvchilari qatorida issiqlik va gidroelektr stansiyalaridan keyin atom elektr stansiyalari (AES) turadi. Atom elektr stansiyalarining birlamchi energiyasi atomlar yadrolari energiyasi hisoblanadi. Bu energiya issiqlik energiyasiga o`zgartiriladi, keyin esa elektr energiyasini olish sxemasi esa, issiqlik elektr stansiyasi sxemasiga o`xshash bo`ladi.
Organik yoqilg`i zaxiralarining tez kamayishi, shuningdek issiqlik elektr stansiyalarining atrof-muhitga salbiy ta‘sirini hisobga olib, elektr energiyasini olishni qayta tiklanuvchan elektr manbalaridan (QTEM) foydalanish asosidagi texnik va iqtisodiy yechimlarini qoniqarli izlash amalga oshirilmoqda.