Nizomiy nomidagi toshkent davlat pedagogika universiteti tarix fakulteti

3.4-rasm. Me’yoriy hujjatlarning yuritilish holatlari bo’yicha
91-maktab monitoringi

Yuqoridagi statistik diagrammalardan ko‘rish mumkinki Yakkasaroy tumanidagi maktablardagi boshqaruv jarayoni aynan ushbu yo‘nalishlarga bog‘liq ekanligini ko‘rish mumkin.

Darhaqiqat, bugungi kunda O‘zbekistonda 10104 ta umumta’lim maktablari mavjud bo‘lib, ularning 2696 tasi shaharlarda, 7408 tasi esa qishloqlarda faoliyat ko‘rsatmoqda. Bugungi kunda maktablarda 6 300 000 nafar o‘quvchi tahsil olmoqda.
Ma’lumki O‘zbekiston ko‘p millatli mamlakat sanaladi. Shuning uchun maktablarda ta’lim yettita tilda olib boriladi. Xususan, o‘zbek tilida ta’lim beradigan maktablar bilan bir qatorda (8227 ta maktab) 245 ta qoraqalpoq tilida, 143 ta  qozoq tilida 92 ta tojik tilida, 88 ta rus tilida, 23 ta turkman tilida, shuningdek, 21 ta  qirg‘iz tilida ta’lim beradigan maktablar mavjud.
Maktablarda jami  502867  nafar o‘qituvchi faoliyat ko‘rsatib, shundan  343961  nafarini ayollar, qolgan  158726  nafarini erkaklar tashkil etadi.
Maktab o‘qituvchilarining 26929  nafari  oliy toifaga, 74703 nafari birinchi toifaga, 118478  nafari ikkinchi toifaga ega bo‘lib, 282577 nafar o‘qituvchilar tegishli toifalarga ega emas¹⁵.(3.1-rasm)



3.1-rasm. Bugungi kunda O‘zbekiston Respublikasi maktabgacha va maktab ta’limi varirligi tasarrufidagi umumiy o‘rta ta’lim maktablari

Ma’lumki, mamlakatimizdan iqtidorli bolalarni aniqlash, o‘qitish va tarbiyalash, ularni yanada qo‘llab-quvvatlash va rag‘batlantirish, ma’naviy boy va intellektual rivojlangan avlodni shakllantirish maqsadida 2019 yili xorijiy ta’lim tashkilotlari bilan birgalikda ishlab chiqilgan o‘quv rejalari va dasturlariga muvofiq ta’lim jarayoni ingliz tilida olib boruvchi Prezident maktablarini tashkil etish to‘g‘risida qaror qabul qilingan, bu esa ta’lim sifatining ilg‘or andozalari qo‘llanilayotganidan dalolat bermoqda.

Maktab ta’limi, ijodkorlikni qo‘llab-quvvatlash, shuningdek, xorijiy tillarni chuqur o‘rganish imkoniyatlarini yaratish sohasida muhim voqealardan biri bu ijodiy va ixtisoslashtirilgan maktablarning tashkil etilishi bo‘ldi.
So‘nggi besh yil davomida xalq ta’limi tizimini takomillashtirishning huquqiy asoslari yaratildi. Xususan, “Ta’lim to‘g‘risida” Qonunning yangi tahriri qabul qilindi, O‘zbekiston Respublikasi xalq ta’limi tizimini 2030 yilgacha rivojlantirish konsepsiyasi tasdiqlandi. Maktab ta’limini rivojlantirish sohasida bevosita 17 ta hujjat, jumladan O‘zbekiston Respublikasi Prezidentining 4 ta hujjati qabul qilindi.
Darhaqiqat, tuman xalq ta’limi bo‘limlarida ta’lim sifatini monitoring qilish va baholashni tashkil etishda asosiy vazifani “Ta’lim sifatini monitoring qilish va attestatsiyasi bo‘limi” tashkil etadi. Agar ushbu bo’lim faoliyati bilan tanishadigan bo‘lsak, ularning lavozim vazifalari quyidagilardan iborat.