“Nogironligi bo‘lgan shaxslarni hamda aholining ijtimoiy himoyaga muhtoj qatlamlarini qo‘llab-quvvatlashning qo‘shimcha chora-tadbirlari to‘g‘risida”gi farmoni
Toshkent Tibbiyot Akademiyasi Menejment fakulteti birinchi bosqich talabasi Raxmonov Elshodning "ATYOT" fanidan tayyorlagan mustqail ishi NOGIRONLAR HUQUQLARINI TA’MINLASH: milliy va xalqaro yondashuvlardagi o‘zaro mushtaraklik
oriy yil 17 fevralda O‘zbekiston Respublikasi Prezidenti Shavkat Mirziyoevning “Nogironligi bo‘lgan shaxslarni hamda aholining ijtimoiy himoyaga muhtoj qatlamlarini qo‘llab-quvvatlashning qo‘shimcha chora-tadbirlari to‘g‘risida”gi farmoni matbuotda e’lon qilindi. Ushbu hujjat 2022 yil 28 yanvarda tasdiqlangan “2022-2026 yillarga mo‘ljallangan Yangi O‘zbekistonning taraqqiyot strategiyasi” ijrosi doirasida ishlab chiqilgan.
Bunga qadar, Harakatlar strategiyasi doirasida, jumladan, Prezidentimiz tomonidan 2021 yil 25 martdagi “Keksalar va nogironligi bo‘lgan shaxslarni ijtimoiy qo‘llab-quvvatlash, “Saxovat” va “Muruvvat” internat uylari tizimini yanada rivojlantirish to‘g‘risida”gi farmon, 2021 yil 27 noyabrda “Tibbiy-ijtimoiy ekspertiza xizmati faoliyati hamda bolalarga nogironlikni belgilash tizimini yanada takomillashtirish chora-tadbirlari to‘g‘risida”gi qaror qabul qilingan va ijroga yo‘naltirilgan.
2022 yil 16-17 fevral kunlari Nogironlik muammolari bo‘yicha Global sammit bo‘lib o‘tdi. Ushbu xalqaro anjuman Norvegiya va Gana hukumatlari hamda Nogironlik muammolari bo‘yicha xalqaro alyans tomonidan onlayn shaklda tashkil etildi.
Nogironlik muammolari bo‘yicha Global sammitda imkoniyati cheklangan insonlar hayotida aniq va amaliy o‘zgarishlar yuz berishiga xizmat qiladigan inklyuziv taraqqiyot talablarini tatbiq etish istiqbollari muhokama qilindi. Bunda BMTning Barqaror rivojlanish maqsadlaridan kelib chiqildi.
Barqaror rivojlanishning 17-maqsadiga erishish uchun sakkiz yildan ozroq vaqt qolmoqda. Shuning uchun, bu borada qo‘lga kiritilgan natijalarga tayangan holda, ushbu maqsad doirasida belgilangan inklyuziv taraqqiyotni kengaytirish bo‘yicha majburiyatlarni bajarish lozim.
