II boʻlim. ALIFBE DAVRI (112 soat) 1. Oʻqishga oʻrgatish (56 soat) Unli va undosh tovushlar, ularning talaffuzidagi farqlanish haqida
maʼlumot berish; harf va tovush munosabatiga oid tushunchalar bilan
oʻquvchilarni tanishtirish; kesma harf va boʻgʻinlar asosida soʻz hosil qilish,
tuzilgan soʻzlarni toʻgʻri oʻqish; soʻzlarni avval boʻgʻinlab, ravon oʻqishga
oʻrgatish; taqqoslash va chamalash qobiliyatlarini oʻstirish; tinish belgilariga
rioya qilib, ifodali oʻqishga oʻrgatish; oʻqish jarayonida amal qilinishi lozim
boʻlgan gigiyena qoidalariga rioya qilishga oʻrgatish.
2. Yozuvga oʻrgatish (56 soat) Unli va undosh harflarning bosh va kichik shakllarini yozish (genetik
metod),
kichik harflarga oʻxshash bosh harflarni farqlash; oʻquvchida yozuv
sifatini, yaʼni harflarni toʻgʻri bogʻlab yozish; harflarni belgilangan 65º
qiyalikda yozish (chiziqli metod); har bir qatorda harflarning bir xil balandlikda
boʻlishiga erishish (sanoq- ohang metodi); harf elementlari, harflar va soʻzlar
orasidagi masofalarni bir xilda saqlash kabilarni shakllantirish; tasavvur qilish
orqali havoda harflarning shaklini yozdirish orqali (tasavvur orqali yozish
metodi), har bir harf yoki harflarning
bogʻlanishi, ogʻzaki yoki doskada
tushuntirish orqali,
qoʻlni qayerga qoʻyish, qayerda bu harakatni burish yoki
uzish kerakligi, harflarning yozuv
chizigʻi boʻylab joylashishi haqida nazariy va
amaliy tushuncha va malakalarni rivojlantirish; bir va undan ortiq
boʻgʻinlardan tashkil topgan talaffuzi va yozilishi bir xil soʻzlarni, 2-3 soʻzdan
tuzilgan gaplarni eshitib yozish; soʻz va gapni toʻgʻri yozish; eshituv va koʻruv
xotirasiga asoslangan kichik diktantlar yozish.
ONA TILI VA OʻQISH SAVODXONLIGI
