Oila – ma’naviy va mafkuraviy tarbiya maskani. Yosh oila himoyag
2. Yosh oila himoyaga muhtojmi yoki paternalizmning mohiyati. Shunisi xarakterliki, fuqarolar o’rtasida ro’y beradigan juda ko’plab munosabatlarga, masalan, nikohga kirish uchun kim-kimni tanlashi, yoqtirib oila qurishi yoki sovchilar orqali topishish, yaqin do’st tanlash, bordi-keldi qilish, yoki odamlar o’rtasida ro’y beradigan oldi-sotdi, tadbirkorlik, mehnat munosabatlarga chetdan deyarli hech kim ataylab aralashmaydi, chunki ular odamning shaxsiy ishi deb qaraladi. Oila va nikoh munosabatlarining yana ayrim jihatlariga ham hech kim aralashmaydi, lekin oilaviy munosabatlarning mustahkamligidan yahlit jamiyat, farzandlar, jamiyatning ma’naviy xolati bog’liq bo’lgani uchun oilaning u yoki bu tashvishiga, muammolariga, ayniqsa, onalik va bolalikni muhofaza qilish kabi ishlarga jamoatchilik davlat nomidan aralashadi, uni muhofaza qiladi.
Bu kabi ishlarnig ko’lami ayniqsa, muhtaram Prezidentimiz tomonidan “Yoshlar yili” deb atalgan 2008-yilda yanada kengaydi. Chunki davlat dasturiga kiritilgan har bir bandning mazmuniga e’tibor bersak, unda oila va uning a’zolarining farovon yashashlariga, yosh oila manfaatlarini himoya qilishga bevosita aloqador bo’lgan vazifalar o’rin olgan. Umuman olganda davlatimizning yosh oilalarni moddiy va ma’naviy tomondan qo’llab-quvvatlash uchun “Yoshlar yili”da ajratgan sarmoyalar hajmining kattaligi jamiyatning oilani naqadar qadrlashi, jamiyatda amalga oshirilayotgan barcha ezgu ishlarning bardavomligini bildiradi.
Yoshlarni tarbiyalash, ularning taqdiriga jonsaraklik bilan qarash orqali otaonalar zurriyodlarini qobil va aqlli, imon-e’tiqodli sog’-salomat voyaga yetishini ta’minlashlarga intiladi. Chunki, oila – nafaqat er va xotinni, ularning maqomlaridan kelib chiqib tarbiyalaydi, balki yosh avlodni ham oilasi, ota-onasiga munosib insonlar bo’lib yetishishlari, jamiyatga foydasi tegishi uchun qayg’uradi.
O’zbek oilasida avlodlardan meros bo’lib qolgan tarbiya mezonlari va a’nanalari mavjudki, ularning hayotiyligi va bardavomligi bois jamiyatda qadr topgan barchasida yosh avlod tarbiyasi masalasi yetakchi hisoblangan udumlar va urfodatlar hamon saqlanmoqda.
Insoniy munosabatlarda gumanizm tamoyillari ustuvor bo’lgan yurtimizda yosh oilaning mustaxkam va baxtli bo’lishi yahshi ma’nodagi paternalizm qaror topib kelmoqda.
