Olimpiya sporti va ommaviy axborot vosilalari. Olimpiya sporti hodisalarini namoyish etish va yoritishda ommaviy axborot vositalarining roli.
Hozirgi davrda Olimpiya o‘yinlari televideniyasiz bunday global ta’sirga ega bo‘la olmas edi. Olimpiya o‘yinlari bugungi kunda televideniyaning mahsuli bo‘lib, global miqyosda tomosha ko‘rinishlarini namoyish qilib kelmoqda. Darhaqiqat, o‘yinlar nafaqat sport, balki ko‘proq televizion hodisa sifatida qabul qilinmoqda.
Olimpiya sport turlaridan engil atletika, tennis, futbol, basketbol va boks Olimpiya o‘yinlari dasturidan tashqarida ko‘proq tomoshabinlarga ega, shuning uchun Olimpiya o‘yinlari tennis, futbol, basketbol va boks musobaqalari kalendarning deyarlik kam qismini egallaydi va unchalik katta xodisa hisoblanmaydi.
Olimpiya o‘yinlari televideniya tufayli ulkan hodisaga aylangan bo‘lsa, ularning tijorat manbalaridan kelgan katta daromadlari hamda ulkan harajatlari orqali global hodisa hisoblanadi. O‘yinlar daromadlarning to‘rtta asosiy manbalarini yaratadi: chiptalarni sotish, televizion huquqlarni sotish, homiylik va mahsulotlarni o‘tqazishni lisenziyalashtirish. XOQ televizion huquqlarni sotish, homiylik orqali mablag‘lar to‘playdi va bu mablag‘larni Tashkiliy qo‘mita, Milliy olimpiya qo‘mitalari va Xalqaro sport federasiyalariga qayta taqsimlaydi. XOQ a’zolari uchun yo‘l va turar joy harajatlaridan iborat o‘zining kundalik harajatlarini qoplashga tijorat daromadlarining 10% ga yaqin qismini olib qoladi. Mahalliy homiylik mablag‘lari va mahsulotlarni o‘tkazish orqali olingan daromadlar Tashkiliy qo‘mitaga beriladi.
