Oliy va o‘rta maxsus ta’lim vazirligi buxoro davlat universiteti barnoyeva Gulmira Valiyevna

II BOB. O‘ZBEKISTON RESPUBLIKASI SOG‘LIQNI SAQLASH TIZIMINI BOSHQARISHNING HUQUQIY ASOSLARI VA SOG’LIQNI SAQLASHNING RIVOJLANISH YO’NALISHLARI
2.1.Sog‘liqni saqlash vazirligi faoliyati, tarkibiy
tuzilishi va boshqaruv tizimi
O‘zbekiston Respublikasi Sog‘liqni saqlash vazirligi sog‘liqni saqlash bo‘yicha markaziy davlat boshqaruvi hisoblanib, o‘z faoliyati bo‘yicha O‘zbekiston Respublikasi Vazirlar Mahkamasiga bo‘ysunadi. Vazirlik faoliyatini boshqa davlat idoralari, jumladan davlat muassasalari, Qoraqalpog‘iston Respublikasi, viloyatlar va Toshkent shahrining ijro etuvchi hokimiyat idoralari, shuningdek boshqa jamoatchilik tashkilotlari bilan birga olib boradi.
O‘zbekiston Respublikasi Sog‘liqni saqlash vazirligi O‘zbekiston Respublikasidagi sog‘liqni saqash tizimini tashkil etish, rejalashtirish va boshqarish uchun mas’ul hisoblanadi. Vazirlik tomonidan sog‘liqni saqlash, jamoatchilik sog‘liqni saqlash tendensiyalari va indikatorlari monitoringi sohasida qonunchilik va huquqiy hujjatlarni ishlab chiqish orqali onalik va bolalikni muhofaza qilishga doir islohotlar qo‘llab-quvvatlanadi.
Vazirlik faoliyati O‘zbekiston Respublikasi Konstitutsiyasi, qonunlari, O‘zbeksiton Respublikasi Oliy Majlisining boshqa rasmiy hujjatlari, O‘zbekiston Respublikasi Prezidentining bo‘yruq va farmoyishlari, Vazirlar Mahkamasining qaror va bo‘yruqlari , shuningdek boshqa qonuniy hujjatlar, O‘zbekiston Respublikasi bilan sog‘liqni saqlash bo‘yicha tuzilgan xalqaro shartnomalar, shuningdek ushbu Nizom asosida yuritiladi.
Vazirlik vakolati doirasida chiqarilgan me’yoriy-huquqiy hujjatlar ijrosi davlat idoralar, korxonalar, muassasalar,tashkilotlar va umuman O‘zbekiston Respublikasida joylashgan mulkchilik shaklidan qa’tiy nazar barcha jamoatchilik birlashmalari va jismoniy shaxslar uchun majburiydir. O‘zbekiston Respublikasi Sog‘liqni saqlash vazirligi, Qoraqalpog‘iston Respublikasi Sog‘liqni saqlash vazirligi, viloyat va Toshkent shahrida sog‘liqni saqlash bo‘yicha faoliyat olib borayotgan idoralar, ularning shahar va tumanlardagi bo‘limlari respublikada yagona sog‘liqni saqlash boshqaruv idorasi tizimini tashkil etadi. Unga ko‘ra, Vazirlikka Respublika tez yordam markazi, Respublika tibbiyot profilaktika Markazlari 29 ta tashkilot, Respublika ixtisoslashgan tibbiyot Markazlari 10 ta tashkilot, Respublika ilmiy tadqiqot institutlari 95 ta muassasalar, Tibbiy statistika va salomatlik instituti va uning filiallari 154 ta tashkilot, OITSga qarshi kurashish Respublika markazi Qon quyish va gemotologiya ITI tizimidagi Qon xizmati Respublika SES markazi Qoraqalpog‘iston Respublikasi, Toshkent sh. va viloyat sog‘liqni saqlash boshqarmalari 14 ta tashkilot bevosita bo‘ysunadi. O‘zbekiston Respublikasi Sog‘liqni Saqlash Vazirligi tashkiliy tuzilmasi 1-ilovada keltirilgan.SHu bilan birga Toshkent shahar sog‘liqni saqlash bosh boshqarmasi tashkiliy tuzilmasi 2-ilovada keltirilgan.
­­­­­­­­­­­Respublikamizda sog‘liqni saqlash tizimini samarali yo‘lga qo‘yilishi juda ko‘p boshqa omillarga ta’sir etadi, xususan bugungi kunda mamlakatimizda axolining o‘rtacha yashash umri ko‘rsatkichlari o‘sishi kuzatildi.