O‘qitish materiallar I to‘plami mutaxassislikka kirish o‘qitish materiallar

 
Korxona ustavi.
Korxona ustavi
– korxonaning faoliyat ko‘rsatish tartibi 
va shartlarini belgilab beruvchi hujjat. Korxona o‘z faoliyatini ustavida belgilab 
berilgan qoidalar asosida olib boradi.
Korxona ustavida, odatda, quyidagi ma’lumotlar belgilangan bo‘ladi:
– korxonaning tashkiliy-huquqiy shakli; 
– uning nomi;
– joylashgan manzili; 
– ustav fondi hajmi va tarkibi; 
– ustav fondini shakllantirish tartibi; 
– foydani taqsimlash tartibi; 

---

 – korxonani qaytadan tashkil etish va tugatish shartlari hamda tartibi.
Tashkilotning ustav fondini belgilashda ayrim tashkilotlar uchun belgilangan 
minimal miqdorlar mavjudligini hisobga olish kerak bo‘ladi. O‘zbekistonda 
korxonaning tashkiliy-huquqiy shaklidan kelib chiqqan holda, ustav fondining 
o‘rnatilgan minimal miqdorini quyidagi ma’lumotdan ko‘rish mumkin.
 
Shaxsiy biznes faoliyatini yuritishda korxonani davlat ro‘yxatidan o‘tkazish uchun 
korxona nizomi va agarda korxona bir necha shaxslar ishtirokida tuzilgan bo‘lsa, 
korxona tuzilishi haqidagi shartnoma asosiy ta’sis hujjati bo‘lib xizmat qiladi.
Ustav fondi
- ta’sischilar yoki ishtirokchilarning o‘zlari tashkil etgan 
kompaniya, xo‘jalik jamiyatiga dastlabki kiritgan va doimiy ulush hisoblanadigan 
moddiy va pul mablag‘lari majmuyidir.
Ta’sis shartnomasi
– muassislarning korxonani tashkil etish chog‘ida o‘zaro 
kelishib olingan asosiy shartlarini ifodalovchi yuridik hujjat. Korxona faoliyat 
maqsadi aniqlanadi va maqsadni qanday yo‘llar bilan amalga oshirish vazifalari, 
ya’ni tadbirkorlik turlari, shuningdek ro‘yxatga olinishi kerak bo‘lgan turlari 
belgilanadi. Korxonaning o‘z majburiyatlariga cheklangan javobgarlik va uning 
faoliyat muddati o‘rganiladi. Amaldagi qonun asosida korxona haq-huquqlari, 
dividendlar to‘lash va daromadni bo‘lish tartibi nizomda ko‘rsatiladi.