O‘rta va o‘rta maxsus, kasb-hunar ta’limining davlat ta’lim standartlarini tasdiqlash to‘g‘risida «Ta’lim to‘g‘risida»

Jami: 51 soat, (B1+: 85 soat)
11-sinf (2-kurs)
ADABIYOT (51 soat, haftasiga 1,5 soat) (B1+: 85 soat)


O‘quvchilarda shakllantiriladigan tayanch kompetentsiyalar elementlari:
Axborot bilan ishlash kompetentsiyasi:
B1
mavjud axborot manbalari (kitob, ommaviy axborot vositalari, internet, lug‘at, ma’lumotnomalar, (audio-video yozuv), kompyuter, elektron pochta va boshq.)dan o‘quv maqsadlari doirasida foydalana olish va ulardagi materiallarga ongli munosabat bildirish, xulosa chiqarish, ibrat olish va o‘z faoliyatida qo‘llash;
media vositalardan adabiy ta’limga oid zarur bo‘lgan axborotlarni izlab topa olish.
B1+
media vositalardan adabiy ta’limga oid zarur bo‘lgan axborotlarni izlab topa olish, saralash, qayta ishlash, uzatish, saqlash, xavfsizligini ta’minlash va foydalanishda media-madaniyatga rioya qilish , saralash, qayta ishlash, uzatish, saqlash, xavfsizligini ta’minlash va tag`dimotlar tayyorlash, foydalanishda media-madaniyatga rioya qilish.
O‘zini-o‘zi rivojlantirish kompetentsiyasi:
B1
bilimlarini mustaqil ravishda oshirib borish, kundalik faoliyatda til qoidalariga amal qilish hamda nutqiy jarayonda egallagan bilimlarni to‘g‘ri qo‘llash;
shaxs sifatida ma’naviy, ruhiy va intellektual kamolotga intilishni hayotiy-ma’naviy ehtiyojga aylantirish;
badiiy asarlarda tasvirlangan milliy va umuminsoniy qadriyatlarni e’zozlash va ularga amal qilish.
B1+
o‘z xatti-harakati, fikr-mulohazalariga tanqidiy yondasha olish, o‘zini nazorat qila bilish, og‘zaki va yozma matnlar mazmuniga to‘g‘ri baho bera bilish.
Ijtimoiy faol fuqarolik kompetentsiyasi:
B1
ona tilining imkoniyatlaridan unumli foydalangan holda fikrini to‘g‘ri va ravon bayon eta olish hamda uni sevib ardoqlash;
jamiyatda bo‘layotgan voqea, hodisa va jarayonlarga daxldorlikni his etish;
tadbirlarda (turli mavzudagi ko‘rik-tanlovlar, musobaqalar va h.k.) faol ishtirok etish, atrofdagi insonlar bilan xushmuomalada bo‘lish;
badiiy asarlarda xilma-xil shakl va ko‘rinishlarda namoyon bo‘ladigan qahramon va personajlar tasviridagi fazilat (halollik, vijdonlilik, jonkuyarlik...) va nuqson (yolg‘onchilik, ikkiyuzlamachilik, loqaydlik, dangasalik, qo‘rqoqlik...)larni munosib baholay olish hamda o‘z xulosa va munosabatini bildira olish.
B1+
badiiy asarlarda aks etgan ma’naviy fazilatlar, shuningdek, yuksak badiiyat namunalarini anglash, his etish va boshqalarga yetkazishga intilish.